10-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ର ଏକ ଅଗ୍ରଣୀ ଚେରେଟି ଟ୍ରଷ୍ଟ ପକ୍ଷରୁ ବରଗଡ଼ ଜିଲ୍ଲା ଭଟଲି ବ୍ଲକ ଅନ୍ତର୍ଗତ କେଲେଣ୍ଡା ପାଲି ଠାରେ ସୋମବାର ଦିନ ଏସ୍.କେ. ସୁପର ମାର୍ଟ୍ ର ଶୁଭାରମ୍ଭ ହୋଇଯାଇଛି। ଦାରିଦ୍ର୍ୟ ସୀମା ରେଖା ତଳେ ଥିବା ଜନସାଧାରଣଙ୍କୁ ୧୫% ରୁ ୫୦% ପର୍ଯ୍ୟନ୍ତ ରିହାତି ଦରରେ ଖାଉଟି ସାମଗ୍ରୀ ଯୋଗାଇ ଦେବା ଏହି ସୁପର ମାର୍ଟ ର ମୂଳ ଉଦ୍ଦେଶ୍ୟ। ଏଥିପାଇଁ ପ୍ରଥମେ ଜନସାଧାରଣଙ୍କୁ ୩୦୦ ଟଙ୍କା ଦେଇ ଏହି ସୁପର ମାର୍ଟ ର ସଦସ୍ୟତା ଗ୍ରହଣ କରିବାକୁ ପଡ଼ିଥାଏ କିନ୍ତୁ ସଦସ୍ୟ ମାନେ ତାଙ୍କ ସଦସ୍ୟତା ରାଶିରେ ଖାଉଟି ସାମଗ୍ରୀ ପାଇବେ ଯାହାକି ଲୋକଙ୍କୁ ବେଶ ଆକର୍ଷିତ କରୁଛି। ଭବିଷ୍ୟତରେ ଭଟଲି ବ୍ଲକ ର ସମସ୍ତ ଗ୍ରାମାଞ୍ଚଳରେ ଏହି ସୁବିଧା ଉପଲବ୍ଧ ହେବ ବୋଲି ଟ୍ରଷ୍ଟ ପକ୍ଷରୁ କୁହାଯାଇଛି। ଏହି ଅବସରରେ ସଂସ୍ଥାର ସି.ଇ.ଓ. ପ୍ରହଲ୍ଲାଦ ମେହେର, ବି.ଏମ୍ ରେବତୀ ପଧାନ,ପି.ଓ. ଝିଲି ସାହୁ, ଏଫ୍.ଓ.ବନିତା ମାଝୀ ତଥା ସମସ୍ତ କର୍ମଚାରୀମାନେ ଉପସ୍ଥିତ ଥିଲେ।