08-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅଧିନସ୍ଥ ମହାତ୍ମା ଗାନ୍ଧୀ ମହାବିଦ୍ୟାଳୟ କୁ ଜାତୀୟ ମାନ ନିର୍ଦ୍ଧାରଣ ଓ ସମ୍ମାନୀ କରଣ ପରିଷଦ (ଏନ. ଏ. ଏ. ସି ) ନାକ ର ବି ଗ୍ରେଡ଼ ମାନ୍ୟତା ପ୍ରାପ୍ତ ହୋଇଛି। ଗତ ଜାନୁୟାରୀ ୨୮ ଓ ୨୯ ତାରିଖ ରେ ନାକ ପିଅର ଟିମ ର ଚେୟାରମ୍ୟାନ ରାଇଚୁ ୟୁନିଭରସିଟି ର ପ୍ରଫେସର ଡ:ହରିଶ ରାମା ସ୍ୱାମୀ, ଟିମ କୋଡିନେଟର ସେଣ୍ଟ୍ରାଲ ୟୁନିଭରସିଟି ତାମିଲନାଡୁ ର ପ୍ରଫେସର ଡ: ଏସ ଭି ଏସ ଏସ ନାରାୟଣ ରାଜୁ ଓ ଟିମ ମେମ୍ବର ରାଜର୍ଷି ସାହୁ ମହାବିଦ୍ୟାଳୟ ଲାଟୁର ମହାରାଷ୍ଟ୍ର ର ଅଧ୍ୟକ୍ଷ ଡ:ମହାଦେବ ଗାଭାନେ ମହାତ୍ମାଗାନ୍ଧୀ ସ୍ନାତକ ମହାବିଦ୍ୟାଳୟ କୁ ପରିଦର୍ଶନ କରି ମୂଲ୍ୟାଙ୍କନ କରିଥିଲେ। ମୂଲ୍ୟାଙ୍କନ ସମୟରେ ଭୁକ୍ତା ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀ ଅନ୍ତର୍ଯ୍ୟାମୀ ସାହୁ, ନାକ କୋଡିନେଟର ଡ:ଦୟାନିଧି ସା, ପୂର୍ବତନ ଅଧ୍ୟକ୍ଷା ଶ୍ରୀମତୀ କଳ୍ପନା ମିଶ୍ର, ଶିକ୍ଷାବିତ ଡ:ଚିନ୍ତାମଣି ପଟେଲ, ଶିକ୍ଷାବିତ ଡ: ନେପାଳ ପ୍ରଧାନ, ପୂର୍ବତନ ଛାତ୍ର ସାଂସଦ ର ସଦସ୍ୟ ମାନେ, ବର୍ତ୍ତମାନ ର ଛାତ୍ର ଛାତ୍ରୀ, ପୂର୍ବତନ ପରିଚାଳନା ସମିତି ର ସଦସ୍ୟ ବୃନ୍ଦ,ବର୍ତ୍ତମାନ ପରିଚାଳନା ସମିତି ର ଅଧ୍ୟକ୍ଷ ବରଗଡ ଉପଜିଲ୍ଲାପାଳ ପ୍ରସନ୍ନ କୁମାର ପାଣ୍ଡେ ଏବଂ ମହାବିଦ୍ୟାଳୟ ର ସମସ୍ତ କର୍ମଚାରୀ ଉପସ୍ଥିତ ଥିଲେ। ଏନ. ଏ. ଏ. ସି. (ନାକ ) ଦ୍ୱାରା ମହାବିଦ୍ୟାଳୟ କୁ ଦ୍ଵିତୀୟ ଥର ପାଇଁ ବି ଗ୍ରେଡ଼ ମାନ୍ୟତା ପ୍ରାପ୍ତ ହୋଇଥିବା ଯୋଗୁଁ ଅଞ୍ଚଳବାସୀ ତଥା ସମସ୍ତ କର୍ମଚାରୀ ଙ୍କ ମନ ରେ ଖୁସି ର ଲହରୀ ଖେଳିଯାଇଛି।