04-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ବଡ଼ଦର୍ଲିପାଲି  ସେବାଶ୍ରମ ବିଦ୍ୟାଳୟରେ  ବାଗଦେବୀ ମାଁ ସରସ୍ବତୀଙ୍କ ପୂଜା ଉତ୍ସବ ମହା ଧୁମଧାମରେ ପାଳିତ ହୋଇଯାଇଛି।ବିଦ୍ୟାଳୟ ଶିକ୍ଷା ପରିବାର ତଥା ଅଟଳ ଚେରିଟେବୁଲ ଟ୍ରଷ୍ଟର ମିଳିତ ସହଯୋଗରେ ଏହି ପୂଜା ଉତ୍ସବରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ, ବିଦ୍ୟାଳୟ ପରିଚାଳନା କମିଟି ସଭ୍ୟ ସଭ୍ୟା, ମୋ ସ୍କୁଲ ଅଭିଯାନ କମିଟି ସଭ୍ୟ ସଭ୍ୟା, ଗ୍ରାମର ସମସ୍ତ ଅଙ୍ଗନବାଡି, ଯୁବକ ସଂଘ, ଗ୍ରାମବାସୀ ତଥା ଅଟଳ ଚେରିଟେବୁଲ ଟ୍ରଷ୍ଟ ସଭ୍ୟ ନିତ୍ୟାନନ୍ଦ ବେହେରା, ପ୍ରଫୁଲ୍ଲ ପ୍ରଧାନ ଆଦି ଯୋଗଦାନ କରିଥିଲେ।ଏହି ଅବସରରେ ବିଦ୍ୟାଳୟ ପ୍ରାଙ୍ଗଣରେ କଲା ମୁଗୁନି ପଥରରେ ନିର୍ମିତ ଏକ ଚାରି ଫୁଟ ଉଚ୍ଚତା ବିଶିଷ୍ଟ ସରସ୍ବତୀ ମୂର୍ତ୍ତି ବିଦ୍ୟାଳୟ ପ୍ରଧାନ ଶିକ୍ଷକଙ୍କ ଦ୍ୱାରା ଉନ୍ମୋଚିତ ହୋଇଥିଲା। ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ପୂଜାରେ ସହଯୋଗ କରିଥିବା ବେଳେ ପ୍ରସାଦ ବଣ୍ଟନ କାମରେ ଗ୍ରାମର ଯୁବକ ମାନେ ସହଯୋଗ କରିଥିଲେ।ଅଟଳ ଚେରିଟେବୁଲ ଟ୍ରଷ୍ଟ ତରଫରୁ ପ୍ରସାଦର ବ୍ୟବସ୍ଥା କରାଯାଇଥିଲା  ବେଳେ ଅନ୍ୟାନ୍ୟ ବଦାନ୍ୟ ବ୍ୟକ୍ତି ମାନଙ୍କ ତରଫରୁ ମଧ୍ୟ ପିଲାଙ୍କ ପ୍ରସାଦ ପାଇଁ ବିଭିନ୍ନ ଜିନିଷ ଯୋଗେଇ ଥିଲେ । ସମସ୍ତଙ୍କ ସହଯୋଗ ହେତୁ ଅତି ଶାନ୍ତିଶୃଙ୍ଖଳା ତଥା ସୁରୁଖୁରୁରେ ପୂଜା ଟି ସମାପିତ ହୋଇ ଥିଲା ।ଏହା ସହିତ ପିକ୍ରିଝରଣ ପ୍ରାଥମିକ ବିଦ୍ୟାଳୟରେ ଉକ୍ତ ଟ୍ରଷ୍ଟ ର ସମ୍ପାଦକ ଶଙ୍କର ପଟେଲ ପ୍ରସାଦ ବଣ୍ଟନ କରିଥିଲେ।