05-Jan-2025

ବଲାଙ୍ଗୀର(ପ୍ରେରଣା ଖବର)-ଆଜି ବଲାଙ୍ଗୀର ଗାନ୍ଧୀ ଷ୍ଟାଡିୟମ ଠାରେ ପୂର୍ବତନ କ୍ରୀଡାସଂଗଠକ ସ୍ୱର୍ଗତ ସୁମନ୍ତ ଭୋଇଙ୍କ ସ୍ମୃତିରେ ଏକଦିବସୀୟ ଭେଟେରାନ କ୍ରୀକେଟମ୍ୟାଚ ଅନୁଷ୍ଠିତ ହୋଇଯାଇଛି । ଏଥିରେ ବଲାଙ୍ଗୀର ଭେଟେରାନ ୧୧ ଓ ରୁଗୁଡିପଡା ନବକିଶୋର ଭେଟେରାନ ଦଳ ମଧ୍ୟରେ ୧୫ ଓଭରର ବନ୍ଧୁତ୍ୱପୂର୍ଣ୍ଣ ମ୍ୟାଚ ହୋଇଥିଲା । ଟସ ଜିଣି ନବକିଶୋର ଦଳ ବ୍ୟାଟିଂ କରିଥିଲା । ନିର୍ଦ୍ଧାରିତ ୧୫ଓଭରରେ ଏହି ଦଳ ୬ଟି ୱିକେଟ ହରାଇ ୧୨୪ ରନ ସଂଗ୍ରହ କରିଥିଲା । ସେକେଣ୍ଡ ଇନିଙ୍ଗସରେ ବଲାଙ୍ଗୀର ଭେଟେରାନଦଳ ବ୍ୟାଟିଂକରି ୧୫ ଓଭରରେ ୭ଟି ୱିକେଟ ହରାଇ ମାତ୍ର ୬୮ରନ ସଂଗ୍ରହ କରିପାରିଥିଲେ । ଏହି ବନ୍ଧୁତ୍ୱପୂର୍ଣ୍ଣମ୍ୟାଚରେ ନବକିଶୋର କ୍ରିକେଟକ୍ଲବ ବିଜୟୀ ହୋଇଥିଲେ । ନବକିଶୋର ଭେଟେରାନ ଦଳର କ୍ୟାପଟେନ ଶିବୁ ବାଘ ସର୍ବାଧିକ ୬ଟି ଛକ୍କା ସହ ୫୨ ରନ ସଂଗହ କରି ମ୍ୟାନଅଫଦି

ମ୍ୟାଚ ଘୋଷିତ ହୋଇଥିଲେ । ଆଜି ଦିନ ୧୧ଟା ସମୟରେ ନବକିଶୋର ଭେଟେରାନ ଦଳର କ୍ୟାପଟେନ ଶିବୁ ବାଘ ଓ ବଲାଙ୍ଗୀର ଭେଟେରାନ ଦଳର କ୍ୟାପଟେନ କୃଷ୍ଣଚନ୍ଦ୍ର ଦାନୀଙ୍କ ମଧ୍ୟରେ ଟସ କରାଯାଇଥିଲା । ନବକିଶୋରଦଳ ଟସଜିଣି ବ୍ୟାଟିଂ କରିବାକୁ ନିଶ୍ପତ୍ତି ନେଇଥିଲେ। ପ୍ରାରମ୍ଭରେ ଜିଲ୍ଲା କ୍ରିଡା ସଂସଦର ବରିଷ୍ଠସଦସ୍ୟ ଶତୃଘ୍ନ ସିଂ, ଦେବେନ୍ଦ୍ର ମିଶ୍ର,ସ୍ୱର୍ଗତ ସୁମନ୍ତ ଭୋଇଙ୍କ ଧର୍ମପତ୍ନୀ ବୀଣାପାଣି ଭୋଇ,ପୁତ୍ର ସାର୍ଥକ ଭୋଇ ଓ ମଧୁଲିସା ପଟ୍ଟନାୟକ ଖେଳାଳିଙ୍କୁ ଟୋପିପିନ୍ଧାଇ ମ୍ୟାଚର ଉଦଘାଟନ କରିଥିଲେ । ବଲାଙ୍ଗୀର ଭେଟେରାନ ଦଳରେ କୃଷ୍ଣଚନ୍ଦ୍ର ଦାନୀଙ୍କ ନେତତ୍ୱରେ ବରିଷ୍ଠ ସାମ୍ବାଦିକ ଅରବିନ୍ଦ ଦାସ,ବରିଷ୍ଠ ପୋଲିସ ଅଧିକାରୀ ଆନନ୍ଦବର୍ଦ୍ଧନ ଗୁରୁ,ବ୍ୟାଙ୍କ ଅଧିକାରୀ  ବଳରାମ ମହାପାତ୍ର,ପୂର୍ବତନ ରଂଜି ଖେଳାଳି ସୂର୍ଯ୍ୟନାରାୟଣ

ମିଶ୍ର,ମାନଭଞ୍ଜନ ଯୋଷୀ ପ୍ରମୁଖ ଖେଳିଥିଲେ । ଠିକ ସେହିପରି ନବକିଶୋର ଭେଟେରାନ ଦଳରେ ଶିବୁ ବାଘଙ୍କ ନେତୃତ୍ୱରେ ଡ.ବେଣୁଧର ପାଣ୍ଡେ,ଚେତନାନନ୍ଦ ପଣ୍ଡା,ନୟନ ମହାନ୍ତି,ଅମିତ ମହାନ୍ତି,ମନୋଜ ଚିନ୍ଦା,ହେମନ୍ତ ସାହାଣୀ,ଜିଭନ ବାଙ୍କ,ସୁନିଳ ବେହେରା,ନାଭ ବେହେରା,ମଦନ ହୋତା,ସଙ୍କେତ ବଗର୍ତ୍ତି,ରଂଜନ ଠାକୁର,ଗୋଲକ ସିଂଦେଓ ଖେଲୁଥିଲେ । ଖେଳରେ ପ୍ରଦୀପ ମହାନ୍ତି ଓ ପୃଥ୍ୱୀରାଜ ମିଶ୍ର ଅମ୍ପାୟାରିଂ କରିଥିଲେ । ଏହି ଅବସରରେ ବିଶିଷ୍ଟ କଣ୍ଠଶିଲ୍ପୀ ବ୍ୟାସଦେବ ପୁରୋହିତ,ଶିବାନନ୍ଦ ତ୍ରୀପାଠୀଙ୍କ ଟିମ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଅନ୍ୟମାନଙ୍କ ମଧ୍ୟରେ ଆୟୋଜକ କମିଟିର ହରିନାରାୟଣ ପୂଜାହାରୀ,ମନୋରଂଜନ ଯୋଷୀ, ଶଶିଶେଖର ପଣ୍ଡା, ସୁଧିର ନନ୍ଦ,ଟୁକୁ ପଟ୍ଟନାୟକ, ଦୀପକ ନନ୍ଦ,ଲିଟୁ ପଟ୍ଟନାୟକ,ମୁନା ଶତପଥି,ରଜନୀକାନ୍ତ ସେଠ୍‌, ଭାଗୀରଥୀ ମହାକୁର, ପୂର୍ଣ୍ଣଚନ୍ଦ୍ର ପଣ୍ଡା ପ୍ରମୁଖଙ୍କ ସହିତ ଶତାଧିକ ଲୋକ ଉପସ୍ଥିତ ଥିଲେ ।