06-Nov-2024

ବରଗଡ଼/ସୋହେଲା:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ସୋହେଲା ବ୍ଲକ ଅନ୍ତର୍ଗତ କନଗାଁ  ଶ୍ରୀ ସମଲେଶ୍ବରୀ ଶୈକ୍ଷିକ ଓ ଦାତବ୍ୟ ନ୍ଯାସର ବାର୍ଷିକ ବୃତ୍ତି ପ୍ରଦାନ ଉତ୍ସବ ଟ୍ରଷ୍ଟର ସଭାପତି ଜଗଦୀଶ ଆଚାର୍ଯ୍ଯଙ୍କ ସଭାପତିତ୍ବରେ ଅନୁଷ୍ଠିତ ହୋଇ ଯାଇଛି । ମୁଖ୍ଯ ଅତିଥି ଭାବରେ ବରଗଡ ଡାଏଟ୍ ର  ଅବସରପ୍ରାପ୍ତ ଅଧ୍ୟକ୍ଷ ଅକ୍ଷୟ କୁମାର ବାରିକ,ସମ୍ମାନୀତ ଅତିଥି ଭାବରେ ବରପାଲି ମହା ବିଦ୍ୟାଳୟର ଅବସରପ୍ରାପ୍ତ ଇଂରାଜୀ ପ୍ରାଧ୍ୟାପକ କୈଲାସ ସାହୁ ଯୋଗଦେଇ ଛାତ୍ର ଛାତ୍ରୀଙ୍କୁ ମାର୍ଗଦର୍ଶନ କରିଥିଲେ। ଏହି କାର୍ଯ୍ୟକ୍ରମରେ  ଅବସରପ୍ରାପ୍ତ ଚିକିତ୍ସାଧିକାରୀ ଡା ଶିଶିର କୁମାର ସାହୁ,ଅବସରପ୍ରାପ୍ତ ପ୍ରଧାନଶିକ୍ଷକ ଗିରିଜା ଶଙ୍କର ଆଚାର୍ଯ୍ଯ, ଚନ୍ଦ୍ରଶେଖର ବାରିକ, ରାହାସ ବିହାରୀ ସାହୁ, ପୂର୍ଣ୍ଣଚନ୍ଦ୍ର ଆଚାର୍ଯ୍ଯ, ପ୍ରକୃତିବନ୍ଧୁ  ରାମଚନ୍ଦ୍ର ସାହୁ, ସୁବାସ ଚନ୍ଦ୍ର ସାହୁ ,  କାର୍ତ୍ତିକ ଚନ୍ଦ୍ର ବାରିକ, ଅବସରପ୍ରାପ୍ତ ଅଧ୍ୟାପକ ଟେକଚାନ୍ଦ ଦୁଆନ, ପଣ୍ଡିତ ପୂର୍ଣ୍ଣଚନ୍ଦ୍ର ସାହୁ, ସି.ଆର.ସି.ସି କେଦାରନାଥ ସାହୁ, ଗୌରଚରଣ ପଧାନ ଙ୍କ ସହ ସ୍ଥାନୀୟ ବିଦ୍ୟାଳୟ ଗୁଡିକର ଛାତ୍ର ଛାତ୍ରୀଙ୍କ ସହ ପ୍ରଧାନଶିକ୍ଷକ ତଥା ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ। ଅବସରପ୍ରାପ୍ତ ପ୍ରଧାନଶିକ୍ଷକ ବୁଦ୍ଧଦେବ ସାହୁ ଅତିଥି ପରିଚୟ ସ୍ବାଗତ ଭାଷଣ ପ୍ରଦାନ କରିଥିଲେ । କନଗାଁ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଡୋଲାମଣୀ ସାହୁ ଧନ୍ୟବାଦ ଅର୍ପଣ କରିଥିଲେ । ସଭା ପ୍ରାରମ୍ଭରେ ଅତିଥି ମାନେ ସ୍ଥାନୀୟ ସମଲେଶ୍ବରୀ ମନ୍ଦିର ଠାରେ ପୂଜାର୍ଚ୍ଚନା କରିଥିଲେ । ପ୍ରାଥମିକ ବିଦ୍ୟାଳୟର କୁନୀ କୁନୀ ଛାତ୍ରୀମାନେ ସ୍ବାଗତ ସଂଗୀତ ଗାନ କରିଥିଲେ । କନଗାଁ ପ୍ରାଥମିକ ବିଦ୍ୟାଳୟ ଠାରୁ ଉଚ୍ଚ ବିଦ୍ୟାଳୟ ପର୍ଯ୍ୟନ୍ତ ତୃତୀୟ, ପଞ୍ଚମ,  ଅଷ୍ଟମ ଏବଂ ଦଶମ ଶ୍ରେଣୀ ସହ ବେହେରାପାଲି, ବରିହାପାଲି, ବୁଡ଼ାମାଲ, ଗର୍ଭଣାର ଅଷ୍ଟମ ଶ୍ରେଣୀର ଟପର ଛାତ୍ର ଛାତ୍ରୀଙ୍କୁ ପ୍ରମାଣପତ୍ର ସହ ଅର୍ଥ ରାଶି ପ୍ରଦାନ କରାଯାଏ । ପ୍ରକାଶଥାଉକି କନଗାଁ ପ୍ରାଥମିକ ବିଦ୍ୟାଳୟ ଶତବାର୍ଷିକୀ ପାଳନ ସମୟରେ ବଳି ପଡିଥିବା ଅର୍ଥ ରାଶି ସହ ଗ୍ରାମ ତଥା ଅଞ୍ଚଳର ଅବସରପ୍ରାପ୍ତ ଶିକ୍ଷକ, ଅଧ୍ଯାପକ ତଥା ଶିକ୍ଷାପ୍ରେମୀ ବଦାନ୍ଯ ବ୍ଯକ୍ତିଙ୍କ ସହଯୋଗରେ ଏହି କାର୍ଯ୍ୟକ୍ରମ ବହୁବର୍ଷ ଧରି ଚଲି ଆସୁଛି ।