27-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ଅଦ୍ୟ ତା ୨୭ ଅକ୍ଟୋବର ଦିନ ଘେଁସ ପଂଚାୟତ ର ତିଳେଇମାଲ ଠାରେ ବହୁ ପ୍ରତିକ୍ଷିତ ଉଠା ଜଳସେଚନ ପ୍ରକଳ୍ପ କୁ ଅତିରିକ୍ତ ଜିଲ୍ଲାପାଳ ଚବନ କୁନାଲ ମୋତିରାମ ଏବଂ ଉପ ଜିଲ୍ଲାପାଳ ସ୍ନେହା ଅରୁଗୁଲା ପଦ୍ମପୁର, ଉଠାଜଳସେଚନ ମୁଖ୍ୟ ନିର୍ବାହୀ ଯନ୍ତ୍ରୀ ସୂର୍ଯ୍ୟନାରାୟଣ ତ୍ରିପାଠୀ ଙ୍କ ମିଳିତ ଭାବେ ଲୋକାର୍ପଣ କରିଛନ୍ତି l ପ୍ରକାଶ ଥାଉ କି ବହୁଦିନ ପୂର୍ବେ ଉକ୍ତ ସ୍ଥାନରେ ସରକାରଙ୍କ ତରଫରୁ ଏକ ଉଠାଜଳସେଚନ ପ୍ରକଳ୍ପ ଥିଲା l ବିଭିନ୍ନ କାରଣରୁ ପ୍ରକଳ୍ପ ଟି ନିଶ୍ଚଳ ହୋଇ ପଡିରହିଥିଲା l ସହିଦ ମାଧୋ ସିଂ ଆଞ୍ଚଳିକ କୃଷକ ସଂଗଠନ ର ପ୍ରୟାସ କ୍ରମେ ୨୬ ଲକ୍ଷ ଟଙ୍କାରେ ମଞ୍ଜୁରୀ ହୋଇ ମଟର ଗୃହ, ନୂତନ ମୋଟର ସହ ପାଇପ ଲାଇନ ଏବଂ ପାଣିଟାଙ୍କି ନିର୍ମାଣ ହୋଇଅଛି, ଯେଉଁଥିରେ କି ୭0 ହେକ୍ଟର ଜମିରେ ଜଳସେଚିତ ହେବାର ସମ୍ଭାବନା ଅଛି l ପାଖରେ ଯଦି ଏକ ଚେକଡେମ କରାଯାଇ ଆଉ ୩୦୦ ମିଟର ପାଇପ ବୃଦ୍ଧି କରାଯାଏ ତାହେଲେ ଆହୁରି ୫୦ ହେକ୍ଟର ଜମି ଜଳସେଚିତ ହୋଇପାରିବ l ପ୍ରକଳ୍ପ ଉଦଘାଟନ ସମୟରେ ସମ୍ମାନୀତ ଅତିଥି ଭାବେ ସଂଯୁକ୍ତ କୃଷକ ସଂଗଠନ ର ଉପଦେଷ୍ଟା ସଦସ୍ୟ ରମେଶ ମହାପାତ୍ର, ଅଜିତ ଶତପଥି ଯୋଗଦେଇଥିଲେ l ଘେଁସ ପଂଚାୟତ ର ସରପଞ୍ଚ ଗୋକୁଳ ଚନ୍ଦ୍ର ଦାଶଙ୍କ ସମେତ ମାଧୋ ସିଂ କୃଷକ ସଂଗଠନ ର ସଦସ୍ୟ, ଗ୍ରାମର ଭଦ୍ରବ୍ୟକ୍ତି ଏବଂ ମିଶନ ଶକ୍ତିର ଭବାନୀ, ଶିବାନୀ, ଲକ୍ଷ୍ମୀ, ସମଲେଶ୍ୱରୀ, ବିନ୍ଧ୍ୟବାସିନୀ , ମାଧବ ଗ୍ରୁପର ମହିଳା ମାନେ ଉପସ୍ଥିତ ଥିଲେ l ପରେ ଅତିଥି ମାନଙ୍କ ଦ୍ୱାରା ବୃକ୍ଷ ରୋପଣ କାର୍ଯ୍ୟକ୍ରମ କରାଗଲା l ମହିଳା ମାନଙ୍କ ଆପତ୍ତି ଓ ଅଭିଯୋଗ କ୍ରମେ ଗ୍ରାମର ଏକମାତ୍ର ପୁଷ୍କରିଣୀ ର ପୁନଃରୁଦ୍ଧାର ଏବଂ ପାଚେରୀ ନିର୍ମାଣ ପାଇଁ ଅତିଥି ମହୋଦୟ ମାନେ ପୋଖରୀ ପରିଦର୍ଶନ କରି ସରପଞ୍ଚଙ୍କୁ ଆବଶ୍ୟକିୟ କାଗଜ ପତ୍ର ପ୍ରସ୍ତୁତ କରିବା ପାଇଁ କହିଛନ୍ତି ଏବଂ ଶୀଘ୍ର କାମ କରିବା ପାଇଁ ମହିଳା ମାନଙ୍କୁ ପ୍ରତିଶୃତି ଦେଇଛନ୍ତି l ଏହି କାର୍ଯ୍ୟକ୍ରମକୁ ଜିତେନ୍ଦ୍ରିୟ ସାହୁ, ମହେନ୍ଦ୍ର ନାଗ, ପିଙ୍କୁ ପଣ୍ଡା, ଗୌରୀଶଙ୍କର ସାହୁ, ସନ୍ତୋଷ ସାହୁ, ଡୋଲମଣି ଗହୀର, ରବି ଗରିଆ, ଈଶ୍ୱର ମଟାରୀ, ସଂଜୀବ ପଧାନ, ପ୍ରେମରାଜ ସାହୁ, ସୁବାସ ସାହୁ ସହଯୋଗ କରିଥିଲେ l