11-Oct-2024

ବଲାଙ୍ଗୀର, ତା. ୧୧/୧୦/୨୪  ( ପ୍ରେରଣା ଖବର ) :  ବଲାଙ୍ଗୀର ଜିଲ୍ଲା ସ୍ୱାସ୍ଥ୍ୟ ସମିତି ଓ ଜିଲ୍ଲା  ମାନସିକ ସ୍ୱାସ୍ଥ୍ୟ କାର୍ଯ୍ୟକ୍ରମ ଆନୁକୂଲ୍ୟରେ ବିଶ୍ୱ ମାନସିକ ସ୍ୱାସ୍ଥ୍ୟ  ଦିବସ ପାଳିତ  ହୋଇଯାଇଛି । ମୁଖ୍ୟ ଅତିଥି ଭାବରେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ  ଡ଼. କୁବେର ମହାନ୍ତ ଯୋଗଦେଇ ଥିଲେ । ସମ୍ମାନୀତ ଅତିଥି ଭାବରେ   ସେକ୍ରେଟାରୀ ଡିଏଲସଏ ପବିତ୍ର ନନ୍ଦ ପ୍ରଧାନ, ଭୀମଭୋଇ ମେଡିକାଲ ଓ ହସ୍ପିଟାଲର ମାନସିକ ବିଭାଗର ମୁଖ୍ୟ ଡ଼. ଆର୍ଶୀବାଦ ଶତପଥୀ, ମାନସିକ ବିଶେଷଜ୍ଞ ଡ଼. ରଜନୀକାନ୍ତ ମେହେର ଯୋଗଦେଇ ଥିଲେ । ପ୍ରଥମରେ ଜିଲ୍ଲା ମୁଖ୍ୟ ଚିକିତ୍ସାଳୟର ମାନସିକ ବିଭାଗରୁ ସଚେତନ ଶୋଭାଯାତ୍ରା ବାହାରି ପାଟମେଶ୍ୱରୀ ମନ୍ଦିର,ଦୁର୍ଗା ମନ୍ଦିର, ଜିଲ୍ଲାପାଳ କାର୍ଯ୍ୟାଳୟ, ପୁରୁଣା ବସଷ୍ଟାଣ୍ଡ ରାସ୍ତା ଦେଇ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଙ୍କ କାର୍ଯ୍ୟାଳୟ ପର୍ଯ୍ୟନ୍ତ ପଂହଁଚିଥିଲା । ଶୋଭାଯାତ୍ରାରେ ବେନର, ପୋଷ୍ଟ୍ରର, ପତ୍ରିକା ମାଧ୍ୟମରେ ମାନସିକ ରୋଗ ଆରୋଗ୍ୟ ସାଧ୍ୟ  ବୋଲି ଜନସାଧାରଣଙ୍କୁ ସଚେତନ କରିବା ସହ ରୋଗୀକୁ ନୁହେଁ, ରୋଗକୁ ଘୃଣା  କରିବା କଥା ବିଷୟରେ ଅଵଗତ କରାଯାଇ ଥିଲା । ଶୋଭାଯାତ୍ରାରେ ବାଲାଜୀ ନର୍ସିଂ କଲେଜର ଛାତ୍ରଛାତ୍ରୀ, ଅଶାକର୍ମୀ, ନିଶାନିବାରଣ କେନ୍ଦ୍ର କର୍ମୀ, ରେଡ଼କ୍ରସ କର୍ମୀ, ଆପକାରି କର୍ମଚାରୀ, ନାରୀ ଶକ୍ତି ସଂଗଠନ ସଭ୍ୟା, ସଖୀ ୟୁନିଟ କର୍ମଚାରୀ ତଥା ବିଭିନ୍ନ ଅନୁଷ୍ଠାନର ସ୍ୱେଚ୍ଛାସେବୀ ଗଣ ଅଂଶଗ୍ରହଣ କରିଥିଲେ ।  ଶୋଭାଯାତ୍ରା ପରେ  ଏନଏଚମ କନଫରେନ୍ସ ହଲରେ ଏକ ସାଧାରଣ ବୈଠକର ଅନୁଷ୍ଠିତ ହୋଇଥିଲା । ବୈଠକରେ ଚଳିତବର୍ଷ ବିଶ୍ୱ ମାନସିକ ସ୍ୱାସ୍ଥ୍ୟ  ଦିବସର ବିଷୟବସ୍ତୁ  କର୍ମକ୍ଷେତ୍ରରେ ମାନସିକ ସ୍ୱାସ୍ଥ୍ୟ ବିଷୟରେ ଆଲୋଚନା କରାଯାଇଥିଲା । ଜିଲ୍ଲା  ମାନସିକ ସ୍ୱାସ୍ଥ୍ୟ କାର୍ଯ୍ୟକ୍ରମର ସାଇକେଟ୍ରିକ ସୋସିଆଲ  ୱାର୍କର ମଳୟ କୁମାର ନାଗ କାର୍ଯ୍ୟକ୍ରମକୁ ପରିଚାଳନା କରିଥିଲେ  । ଜିଲ୍ଲା  ମାନସିକ କାର୍ଯ୍ୟାଳୟର କର୍ମଚାରୀ ସୁବୋଧ ବିଶ୍ୱାଳ, ସବ୍ୟସାଚୀ ସିଂ,ସରୋଜ କୁମାର ଭୋଇ,  ରେଡ଼କ୍ରସ  କର୍ମୀ ରାମ ନାରାୟଣ ଦାଶ, ଦେବାଶିଷ ପଣ୍ଡିଆ, ନୂତନ ଦାସ  ତଥା ଅନ୍ୟମାନେ ଉପସ୍ଥିତ ରହି ବିଶେଷ ସହଯୋଗ କରିଥିଲେ ।