22-Sep-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)"ନିଶା ହେଉଛି ଅପରାଧ ର ମୂଳ କାରଣ " ତାହା ଯେକୌଣସି ନିଶା ହେଉନା କାହିଁକି?ମଦ, ଗଞ୍ଜେଇ,ଅଫିମ,କରେକ୍ସ,ଟେବେଲେଟ,ଡ୍ରଗ୍ସ । ଆଜିର ଯୁବପିଢୀ ଅଧିକ ରୁ ଅଧିକ ନିଶା ସେବନ କରି ବିଭିନ୍ନ ଅପରାଧ ଘଟାଉଛନ୍ତି ଓ ଶେଷରେ ମୃତ୍ୟୁ ମୁଖରେ ପଡୁଛନ୍ତି। ତଥାପି ସରକାର ନିଶାମୁକ୍ତ କରିବାକୁ ନାରାଜ କାହିଁକି ନାଁ ସେଥିରେ ରାଜସ୍ବ ମିଳୁଛି। ନୂଆ ସରକାର ଙ୍କ ଗଠନ ପରେ ଅନେକ ଆଶା ବାନ୍ଧିଥିଲେ ବୁଦ୍ଧିଜୀବିମାନେ ଯେ ନିଶାମୁକ୍ତ ହେବ କିନ୍ତୁ ତାହା ହେଲାନାହିଁ। ବର୍ତ୍ତମାନ ଆମେ ଗ୍ରାମାଞ୍ଚଳର କଥା କହିବାକୁ ଗଲେ ପ୍ରତ୍ୟେକ ଛକ ମାନଙ୍କରେ ରହିଛି ମଦକୁଠୀ ଏବଂ ଲାଇନ୍ ହୋଟେଲ ମାନଙ୍କ ରେ ପ୍ରଚୁର ପରିମାଣରେ ମଦ । ଲାଇନ୍ ହୋଟେଲ ଉପରେ ପଦକ୍ଷେପ ନେବାକୁ ଚାହୁଁନାହାଁନ୍ତି ପୋଲିସ ଓ ଅବକାରୀ କାହିଁକି ନାଁ ମାଲିକଙ୍କ ସହିତ ସୁସମ୍ପର୍କ ରହୁଛି। ଯଦିଓ ମହିଳା ସଶକ୍ତିକରଣ ର ମାଁ ମାନେ ସଚେତନ ହୋଇ ପ୍ରତ୍ୟେକ ଗ୍ରାମ ରେ ମଦ ଦୋକାନ ଖୋଲିବା ପାଇଁ ପ୍ରତିବନ୍ଧକ ଲଗାନ୍ତି ତାହେଲେ ଆମ ରାଜ୍ୟ ଆଗକୁ ଅଗ୍ରଗତି ହୁଅନ୍ତା। ବେଳେ ବେଳେ କିଛି ସ୍ଥାନରେ ମହିଳା ମାନେ ମଦ ବିରୋଧରେ ସ୍ବର ଉତ୍ତୋଳନ କରିବା ସହ ମଦ ବିକ୍ରି ବନ୍ଦ କରିବାକୁ ଚେଷ୍ଟା କରୁଥିବା ବେଳେ ପ୍ରଶାସନିକ ଅଧିକାରୀ ଙ୍କ ଲାଭଖୋର ନୀତି ପାଇଁ ବିଫଳ ହେଉଛନ୍ତି।ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ଥାନା ଅନ୍ତର୍ଗତ ବାଗଦୋର ଗ୍ରାମ ପଞ୍ଚାୟତ ଅଧିନସ୍ଥ ବନମାଲ ଗ୍ରାମ ରେ ବିଗତ ଦୁଇ ବର୍ଷ ହେଲା ବିଦ୍ୟାଳୟ ପାଖରେ ବେଆଇନ ମଦ ବିକ୍ରି ଚାଳିଛି।ଯାହା ଫଳରେ ଛାତ୍ରଛାତ୍ରୀ ମାନେ ମଦୁଆ ଙ୍କ ତାଣ୍ଡବଲୀଳା ପାଇଁ ନିଜକୁ ସୁରକ୍ଷିତ ମଣୁନଥିବା ବେଳେ ମହିଳାମାନେ ମଧ୍ୟ ମଦୁଆ ସ୍ବାମୀ ଙ୍କ ନିର୍ଯାତନାର ଶିକାର ହେଉଛନ୍ତି। ଗ୍ରାମବାସୀଙ୍କ କହିବା ଅନୁଯାୟୀ ତାଙ୍କ ଗ୍ରାମରେ ମଦ ମୃତ୍ୟୁ ମାମଲା ମଧ୍ୟ ବଢ଼ିଚାଲିଛି ଅନେକ ଦିନ ଧରି ଗ୍ରାମବାସୀ ମଦ ବନ୍ଦ ପାଇଁ ପ୍ରଶାସନ ର ସହଯୋଗ ମାଗିଥିବା ବେଳେ ଜିଲ୍ଲାପାଳ ଙ୍କ ଜନଶୁଣାଣୀ ରେ ମଧ୍ୟ ଜଣାଇଛନ୍ତି। ବର୍ତ୍ତମାନ ବେଲ ପଡ଼ା ଥାନା ନୂତନ ଥାନା ଅଧିକାରୀ ଅନନ୍ତ ପ୍ରଧାନ ଏହି ସମସ୍ୟାର ସମାଧାନ କରିପାରିବେ ଓ ମଦବେପାରୀ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ଲୋକେ ମନରେ ଆଶାବାନ୍ଧି ତାଙ୍କୁ ଜଣାଇଥିବା ପ୍ରକାଶ କରିଛନ୍ତି। ଯଦିଓ ମଦ ବିକ୍ରି ବନ୍ଦ ନ କରାଯାଏ ଉପରିସ୍ଥ ଅଧିକାରୀଙ୍କ ଅବଗତ କରାଇବା ସହ ଆନ୍ଦୋଳନ କରାଯିବ ବୋଲି ଗ୍ରାମବାସୀ କହିଛନ୍ତି। ଦେଖିବାକୁ ବାକି ରହିଲା ବେଲ ପଡ଼ା ପୋଲିସ ଏହା ଉପରେ କ'ଣ ପଦକ୍ଷେପ ନେଉଛନ୍ତି।