20-Sep-2024

ନବରଙ୍ଗପୁର(ପ୍ରେରଣା ଖବର): ଶିଶୁ ମାନଙ୍କର ଉନ୍ନତି ଓ ମାନସିକ ସ୍ୱାସ୍ଥ୍ୟ ଜାଗୃକତା ବୃଦ୍ଧି ପାଇଁ ଅରୁଣା ଏବଂ ଜିଲ୍ଲା ଶିଶୁ ସୁରକ୍ଷା ବିଭାଗ(ଡିସିପିଏ)ର ମିଳିତ ଅଭିନବ ପ୍ରୟାସରେ "କେସ୍ ମ୍ୟାନେଜମେଣ୍ଟ ଓ ମାନସିକ ସ୍ୱାସ୍ଥ୍ୟ" ବିଷୟରେ ଏକ କର୍ମଶାଳା ଅନୁଷ୍ଠିତ ହୋଇଯାଇଅଛି । ଏହି କାର୍ଯ୍ୟକ୍ରମ ମିଶନ ଶକ୍ତି ଜିଲ୍ଲା କନଫରେନ୍ସ ହଲରେ ଆୟୋଜିତ ହୋଇଥିଲା ଏବଂ ଏଥିରେ ଶିଶୁ କଳ୍ୟାଣ ସମିତି(CWC) ଅଧକ୍ଷ ଏବଂ ସଭ୍ୟମାନେ,ଶିଶୁ ଯତ୍ନ ସଂସ୍ଥା(CCI)ର ସଦସ୍ୟ, ଷ୍ଟେଟ ସପୋର୍ଟ ସେଣ୍ଟର କର୍ମକର୍ତା,ସାମାଜିକ କାର୍ଯ୍ୟକର୍ତ୍ତା ଏବଂ ଜିଲ୍ଲା ଶିଶୁ ସୁରକ୍ଷା ବିଭାଗର(ଡିସିପିଏ) ଅଧିକାରୀମାନେ ଅଂଶଗ୍ରହଣ କରିଥିଲେ। ଏହି କାର୍ଯକ୍ରମକୁ "ଅରୁଣା"ର ଜିଲ୍ଲା ସଂଯୋଜିକା ପ୍ରଭାସିନୀ ପଟ୍ଟନାୟକ ପ୍ରଥମେ ସମସ୍ତଙ୍କୁ ସ୍ୱାଗତ କରିବା ସହ ଟ୍ରେନିଂର ଆଭିମୁଖ୍ୟ ବିଷୟରେ ସୂଚନା ଦେଇଥିଲେ। ଏହା ପରେ, ଜିଲ୍ଲା ସୁରକ୍ଷା ଅଧିକାରୀ ବିଷୟବସ୍ତୁ ଉପରେ ସମ୍ୟକ୍ ଧାରଣା ଦେଇଥିଲେ। ଏହି କାର୍ଯକ୍ରମକୁ ଜିଲ୍ଲା ଶିଶୁ ସୁରକ୍ଷା ଅଧିକାରୀ ସୁରେଶ କୁମାର ପଟନାୟକ ଆନୁଷ୍ଠାନିକ ଭାବେ ପରିଚାଳନା କରିବା ସହ କାର୍ଯ୍ୟକ୍ରମର ଲକ୍ଷ ଏବଂ ଉଦେଶ୍ୟ ବିଷୟରେ ସୂଚାଇ ଦେଇଥିଲେ।ଏହାପରେ ଜିଲ୍ଲା ଶିଶୁ ମଙ୍ଗଳ କମିଟି ର ଅଧକ୍ଷ ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ, ଜୁବେନାଇଲ ଜସ୍ଟିସ(JJ) ଆଇନର ଉପାଦେୟତା ଉପରେ ଦିଗଦର୍ଶନ ଦେଇଥିଲେ।କେସ୍ ମ୍ୟାନେଜମେଣ୍ଟ ଓ ମାନସିକ ସ୍ୱାସ୍ଥ୍ୟ ସମ୍ବଳିତ ସୁରକ୍ଷା ଯୋଜନା ଗଠନ କରିବା ଉପରେ ଆଲୋକପାତ କରିଥିଲେ। CWC ଏବଂ CCI ମାଧ୍ୟମରେ ସମୁଦାୟ ଦାୟିତ୍ଵ ଏବଂ ସୁରକ୍ଷା ସମ୍ବଳିତ ସେବା ଯୋଗାଇବା ପାଇଁ ଏକ ଯୁଗ୍ମ ପ୍ରୟାସର ଆବଶ୍ୟକତା ରହିଥିବା ଉଲ୍ଲେଖ କରାଯାଇଥିଲା। ଏହାପରେ ଜିଲ୍ଲା ସଂଯୋଜିକା କେଶ ମ୍ୟାନେଜମେଣ୍ଟର ଆବଶ୍ୟକତା ବିଷୟରେ ଆଲୋକପାତ କରିଥିଲେ।ପରେ ଡି.ସି.ପି.ୟୁ ର କିଷାନ ପଟନାୟକ, ମିଶନ ବତ୍ସାଳୟର ଶିଶୁ ସୁଚନ ଉପରେ ଆଲୋଚନା କରିଥିଲେ ।
ପରେ ପ୍ରଶ୍ନୋତ୍ତର ଅଧିବେଶନ ଏବଂ ଆଗାମୀ ଦିନରେ ଏହାର ସୁଦୃଢ଼ତା ପାଇଁ ଅଧିକ କ୍ଷମତା ବୃଦ୍ଧି ବିଷୟରେ ଆଲୋଚନା ହୋଇଥିଲା। ଏହି କାର୍ଯ୍ୟକ୍ରମରେ ଜିଲ୍ଲା ଶିଶୁ ମଙ୍ଗଳ କମିଟିର ସଦସ୍ୟ ସନ୍ତୋଷ କୁମାର ଷଡ଼ଙ୍ଗୀ, ରବୀନ୍ଦ୍ର ପ୍ରଧାନ, ଅନିତା ହୋତା, ବିଜୟଲକ୍ଷ୍ମୀ ସାହୁ, ଡି.ସି.ପି.ୟୁ ର ସମରେନ୍ଦ୍ର ପରିଡା, ସ୍ଵାତିଶ୍ରୀ ପଟନାୟକ ପ୍ରମୁଖ ସଦସ୍ୟ ଉପସ୍ଥିତ ରହିଥିଲେ।