21-Aug-2024

ବିନିକା(ହିମାଂଶୁ ଶେଖର ପୁଟେଳ) 
ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ପିତେଇପାଲି ମୌଜାରେ ଥିବା କାମଧେନୁ ଗୋ ସେବାଶ୍ରମ ଠାରେ ପବିତ୍ର ରାକ୍ଷୀ ବନ୍ଧନ ଉତ୍ସବ ଓ ଗୋ ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ସୁବର୍ଣ୍ଣପୁର ଜିଲ୍ଲା ପ୍ରଶାସନର ଅନୁଦାନରୁ ନିର୍ମାଣ ହୋଇଥିବା ଦୀର୍ଘ ୮0/୨୫ ଫୁଟ ବିଶିଷ୍ଟ ଗୁହାଳ ଘରକୁ ଆଜି  ପ୍ରତିଷ୍ଠା କରାଯାଇଥିଲା ।ଏଥିରେ ପଣ୍ଡିତ ସର୍ବେଶ୍ୱର ପୁରୋହିତ ହୋମ ପୂଜା କରିଥିବାବେଳେ ପୂଜାକର୍ତ୍ତା କର୍ତ୍ତୀ ଭାବେ ବାବୁଲୁ ଅଗ୍ରୱାଲ ଓ ତାଙ୍କ ଧର୍ମପତ୍ନୀ ଭବାନୀ ଅଗ୍ରୱାଲ ଦାୟିତ୍ୱ ତୁଲାଇଥିଲେ l ଏହି ଅବସରରେ ଗୋ ପୂଜନ ର ଉଦେଶ୍ୟକୁ ନେଇ ପରିଚାଳନା କମିଟିର ସଭାପତି ସର୍ଜନ କୁମାର ଅଗ୍ରୱାଲଙ୍କ ଅଧ୍ୟକ୍ଷତାରେ ସଭା ଆୟୋଜନ ହୋଇଥିଲା l ଏଥିରେ ମୁଖ୍ୟ ଅତିଥି ଭାବେ ସାଂସଦ ପ୍ରତିନିଧି ବାବୁଲି ବିଶି,ସାମ୍ବାନୀତ ଅତିଥି ଭାବେ ଗୋ ସେବାଶ୍ରମର ସଦସ୍ୟ ଚାପଧାରୀ ହୋତା, ସଦସ୍ୟ ଅମର ଅଗ୍ରୱାଲା,ଶମ୍ବୁ ପ୍ରସାଦ ଖମାରୀ,ବିନୋଦ ପରଡିଆ,ସଂଯୁକ୍ତା ମେହେର, ନବୀନ ପରଡିଆ,ରାମ ଗୋପାଳ ବାଘ ଯୋଗଦେଇ ଗୋ ପୂଜନର ଉଦେଶ୍ୟ ଓ ତାର ଉପକାରିତା ଉପରେ ପ୍ରାଞ୍ଜଳ ଭାବେ ଅବଗତ କରିଥିଲେ l ସେବାଶ୍ରମ ଟ୍ରଷ୍ଟ ସଭାପତି ଡମ୍ବରୁ ମେହେର ସଭାକୁ ପରିଚାଳନା କରିଥିବା ବେଳେ ସ୍ୱାଇଁ ବାବୁ ଧନ୍ୟବାଦ ଦେଇଥିଲେ l ସଭା ପରେ ଆଶ୍ରମରେ ଥିବା ଗୋରୁ ମାନଙ୍କୁ ଝିଅ ମାନେ ରାକ୍ଷୀ ବାନ୍ଧି ଥିଲେ ଓ ଆଶ୍ରମ ପରିସରରେ ସମସ୍ତ କର୍ମକର୍ତ୍ତା ସାମୁୟିକ ଭାବରେ ବୃକ୍ଷ ରୋପଣ କରିଥିଲେ  l