25-Jul-2024

ବଲାଙ୍ଗୀର(ଦେବାଶିଷ ବହିଦାର): ରାଜ୍ୟ ଆଇନ ସେବା ପ୍ରାଧୀକରଣର ନିର୍ଦ୍ଦେଶରେ ଆଜି ବଲାଙ୍ଗୀର ସଦର ବ୍ଲକ ଚନ୍ଦନଭାଟି ପଂଚାୟତ ଉଚ୍ଚ  ବିଦ୍ୟାଳୟ ଠାରେ କିଶୋର ନ୍ୟାୟ(ଯତ୍ନ ଓ ସୁରକ୍ଷା) ବାଧ୍ୟତାମୂଳକ ଶିକ୍ଷା ଅଧିକାର  ଉପଲକ୍ଷେ ଏକ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ଜିଲ୍ଲା ଆଇନ ସେବା ପ୍ରାଧିକରଣର ସଚିବ ପବିତ୍ରାନନ୍ଦ ପ୍ରଧାନ ଯୋଗ ଦେଇ କିଶୋର ନ୍ୟାୟ, ବାଧ୍ୟତାମୂଳକ ଶିକ୍ଷା ଅଧିକାର ସହ ଜିଲ୍ଲା ଆଇନସେବା ପ୍ରାଧିକରଣ କିପରି ଲୋକଙ୍କୁ ମାଗଣା ଆଇନ ସେବା ଯୋଗାଇ ଦେଉଛି, ସେ ସଂପର୍କରେ ବୁଝାଇ ଥିଲେ ।  ପ୍ରୋବେସନାଲ ମାଜିଷ୍ଟ୍ରେଟ ଅର୍ଘ୍ୟରୂପା ମିଶ୍ର, ଜିଲ୍ଲା ଶିକ୍ଷା ଅଧିକାରୀ ଧୃବ ଚରଣ ବେହେରା, ଚନ୍ଦନଭାଟି ପଂଚାୟତ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ରଂଜନ କୁମାର ପ୍ରଧାନ, ଶିଶୁ ସୁରକ୍ଷା କମିଟିର ସଭ୍ୟ ଏସ୍‌. ଲତାଶ୍ରୀ ଓ ଜୁଭଲିଏନ୍ ଜଷ୍ଟିସ ବୋର୍ଡ(ଜେଜେବି) ସଭ୍ୟ ଦିଲୀପ ମୁଖୀ ପ୍ରମୁଖ ମଂଚାସୀନ ରହି କିଶୋରୀ ମାନଙ୍କ ଅଧିକାର, ନ୍ୟାୟ ଓ ଆଇନଗତ ଦିଗ ସଂପର୍କରେ ସମସ୍ତଙ୍କୁ ସଚେତନ କରିଥିଲେ । ଏହି କାର୍ଯ୍ୟକ୍ରମରେ ଗ୍ରାମବାସୀଙ୍କ ସମେତ ଚନ୍ଦନଭାଟି ପଂଚାୟତ ଉଚ୍ଚ ବିଦ୍ୟlଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ ତଥା ଛାତ୍ରଛାତ୍ରୀ ମାନେ ଭାଗ ନେଇଥିଲେ ।