02-Jun-2024

(ପ୍ରେରଣା ଖବର )
ବିଦ୍ୟୁତ୍ ଆଘାତରେ କାର୍ଯ୍ୟରତ ଯୁବ ଲାଇନ୍ ମେନ ଙ୍କ ଅକାଳ ବିୟୋଗ, ଆଜି ଏପରି କିଛି ଅଭାବନୀୟ ଘଟଣା ଘଟିଛି ବଲାଙ୍ଗିର ସହରରେ l ବଲାଙ୍ଗିର ସହର ରୁଗୁଡ଼ି ପଡା ଠାରେ ଏକ ଇଲେକ୍ଟ୍ରି ଖୁଣ୍ଟ କୁ ଚଢ଼ି ବିଦ୍ୟୁତ୍ ମରାମତି କାମ କରୁଥିବା ସମୟରେ ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଲାଇନ୍ ମେନ ଙ୍କ ମୃତ୍ୟୁ ଘଟିଛି l ମୃତ ଲାଇନ୍ ମେନ ଙ୍କ ନାମ ଅନୁପ ଚନ୍ଦ୍ର ସିଂହ (୩୧) ଓ ତାଙ୍କ ଘର ବଲାଙ୍ଗିର ଜିଲ୍ଲା ପୁଇଁତଳା ବ୍ଲକ ରଣ୍ଡା ପଞ୍ଚାୟତ ଅଧୀନସ୍ଥ ମେହେରମୁଣ୍ଡା ଗ୍ରାମ ବୋଲି ଜଣାପଡ଼ିଛି l ଗତ ୩ ବର୍ଷ ହେଲା ସେ ବଲାଙ୍ଗିର ଟାଟା ପାୱାର ରେ ଜଣେ ଚୁକ୍ତିଭିତ୍ତିକ ଲାଇନ୍ ମେନ ଭାବେ କାମ କରିଆସୁଥିଲେ lଆଜି ଦିନ ପ୍ରାୟ ୧ଟା ସମୟରେ ଅନୁପ ନିଜର ସହକର୍ମୀ ଙ୍କ ସହ ମିଶି  ସହରର ବିଭିନ୍ନ ସ୍ଥାନରେ ବିଦ୍ୟୁତ୍ ମରାମତି କାମ ରେ ବାହାରି ଥିଲେ l ତେବେ ତାଙ୍କୁ କଣ ଜଣା ଥିଲା ମୃତ୍ୟୁ କେଉଁ ଏକ ମୋଡରେ ତାଙ୍କ ପାଇଁ ଛକି ବସିଛି l ସହର ର ରୁଗୁଡି ପଡା ଠାରେ ଏକ ଇଲେକ୍ଟ୍ରି ଖୁଣ୍ଟ କୁ ଚଢ଼ି ବିଦ୍ୟୁତ୍ ମରାମତି କାମ କରୁଥିବା ସମୟରେ ଅସାବଧାନତା ବଶତଃ ବିଦ୍ୟୁତ ସଂସ୍ପର୍ଶରେ ଆସି ଘଟଣାସ୍ଥଳରେ ହିଁ ତାଙ୍କର ପ୍ରାଣବାୟୁ ଉଡିଯାଇଥିଲା l ଅନୁପ ଙ୍କ ସହକର୍ମୀ ମାନେ  ମୃତକଙ୍କ ପରିବାରକୁ କ୍ଷତିପୂରଣ ଦାବୀରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ l ତେବେ ପ୍ରଶାସନ ଓ ଟାଟା ପାୱାର କମ୍ପାନୀ ର ଅଧିକାରୀ ଆସି ଲୋକଙ୍କୁ ବୁଝାସୁଝା କରିବା ସହ କ୍ଷତିପୁରଣ ପାଇଁ ପ୍ରତିଶ୍ରୁତି ଦେବା ପରେ ଲୋକମାନେ ଧାରଣାରୁ ଓହ୍ଲାଇ ଥିଲେ l ମୃତକଙ୍କ ଶବ ବ୍ଯବଚ୍ଛେଦ ପରେ ପରିବାର ଲୋକ ଙ୍କୁ ଶବ ହସ୍ତାନ୍ତର କରାଯାଇଛି l ସୂଚନଯୋଗ୍ୟ ଯେ, ଟାଣ ଖରା କୁ ଦେଖି ଦିନ ୧୧ ଟା ରୁ ୩ ଟା ପର୍ଯ୍ୟନ୍ତ ବାହାରେ କୌଣସି କାମ କରିବାକୁ ସରକାର ମନା କରିଥିବା ବେଳେ ଟାଟା ପାୱାର କମ୍ପାନୀ ଅନୈତିକ ଭlବରେ ଏପରି କର୍ମଚାରୀଙ୍କୁ କାମ ରେ ନିୟୋଜିତ କରୁଛି l ଟାଟା ପାୱାର କମ୍ପାନୀର ଚରମ ଅନୁପ ତାଙ୍କ ପରିବାର ର ଏକମାତ୍ର ରୋଜଗାରିଆ ପୁଅ ଥିଲେ l ଟାଟା ପାୱାର ଅଧିକାରୀଙ୍କ ଚରମ ଅବହେଳା ଯୋଗୁଁ ଆଜି ଗୋଟିଏ ନୀରିହ ଜୀବନ ଚାଲିଗଲା l ଏହାର୍ ଉପଯୁକ୍ତ ତଦନ୍ତ ହୋଇ ମୃତକଙ୍କୁ କ୍ଷତିପୂରଣ ପ୍ରଦାନ ପାଇଁ ମୃତକଙ୍କ ପରିବାର ଲୋକେ ଦାବି କରିଛନ୍ତି l