02-Jun-2024

ବଲାଙ୍ଗିର (ପୁର୍ଣ୍ଣ ଶଶୀ ଶେଖର ରାଓ) ଆଗ କାଳର ପ୍ରେମ  ମର୍ଯ୍ୟାଦା ଥିଲା ଯାହାକି ପ୍ରେମ ପାଇଁ ଲୋକେ ବଳିଦାନ ଦେଇ ଦେଉଥିଲେ ।ଲୋକେ ସାସ୍ବତ ପ୍ରେମ କରି ଇତିହାସରେ ଲିପିବଦ୍ଧ ହେଉଥିଲେ କିନ୍ତୁ ଆଜିକାଲି ର ପ୍ରେମ ର କିଛି ମର୍ଯ୍ୟାଦା ହିଁ ନାହିଁ। ଆଜିକାଲି ର ପ୍ରେମ ରେ ଖାଲି ଭରି ରହିଛି ଲାଲସା ଓ କାମନାର ମହକ ।ନିଜ ଖୁସି ପାଇଁ ପ୍ରେମିକ ଓ ପ୍ରେମିକା କିଛି ବି କରିଦେଉଛନ୍ତି ହେଲେ ଭବିଷ୍ୟତରେ ତାହା କଣ୍ଟା ସାଜୁଛି ଓ ଦୁଃଖର ଜୁଆର ମାଡି ଆସୁଛି। ପ୍ରତିଦିନ ପ୍ରତି ମୁହୂର୍ତ୍ତରେ ପୋଲିସ ଡାଏରୀ ରେ ଲେଖା ହେଉଛି ପ୍ରେମ ପ୍ରତାରଣା ଓ ଧୋକା , ଶାରୀରିକ ସମ୍ପର୍କ ରଖି ପ୍ରେମିକ ଫେରାର, ପ୍ରେମିକ ସହ ମିଳନ ସମୟରେ ଗଣ ଦୁଷ୍କର୍ମ ର ଶିକାର, ମହିଳା ଙ୍କୁ ଗର୍ଭବତୀ କରି ପ୍ରେମିକ ଫେରାର, ନାରୀ ନିର୍ଯ୍ୟାତନାର ଶିକାର, ଯୌତୁକ ପାଇଁ ବଧୂ ହତ୍ୟା, ପରକୀୟା ପ୍ରୀତିର କରୁଣ ପରିଣତି, ନାବାଳିକା ଝିଅ ପ୍ରତି ଅନ୍ୟାୟ ଅତ୍ୟାଚାର ଆହୁରି ଅନେକ ପ୍ରେମ ସମ୍ବନ୍ଧୀୟ ଘଟଣା। କିନ୍ତୁ ପ୍ରକୃତ ରେ ଏଥିରେ ନିଜର ହିଁ ଭୁଲ୍ ରହୁଛି କାହିଁକି ନାଁ ଆଜିକାଲି ସୁନ୍ଦର ହୃଦୟ କୁ ନୁହେଁ ସୁନ୍ଦର ଚେହେରା ଦେଖି ପ୍ରେମ ହେଉଛି। ଆଜିକାଲି ଗରିବ ମଣିଷ କୁ ନୁହେଁ ଧନୀକ ଶ୍ରେଣୀର ପୁଅଙ୍କୁ ହିଁ ପ୍ରେମ କରାଯାଉଛି।ପରେ ସେଥିରେ ଅନେକ କଷ୍ଟ ଭୋଗିବାକୁ ପଡୁଛି। ସୂଚନା ଅନୁସାରେ ବଲାଙ୍ଗିର ଜିଲ୍ଲା ଲୋଇସିଂହା ବ୍ଳକ ଝାରମୁଣ୍ଡା ଗାଁ ର ସାବିତ୍ରୀ ତରିଆ ୨୦୧୨ ମସିହାରେ ଉକ୍ତ ଗାଁ ର ନିରୋଜ ଧରୁଆ ଙ୍କ ସହ ପ୍ରେମ ସମ୍ପର୍କ ରଖି ଧିରେ ଧିରେ ନିବିଡ ହୋଇ ବାହାର ରାଜ୍ୟକୁ ଚାଲିଯାଇଥିଲେ। ସେଠାରେ ଗୋଟିଏ ଘରୋଇ କମ୍ପାନୀରେ କାମ କରି ଭଲ ଦୁଇ ପଇସା ରୋଜଗାର କରି ଖୁସିରେ ରହୁଥିଲେ। କିଛି ଦିନ ପରେ ଦୁହିଁଙ୍କ ଔରସରୁ ଏକ ପୁତ୍ର ସନ୍ତାନ ଜାତ ହୋଇଥିଲା।ଲୋକେ ପୁତ୍ର ସନ୍ତାନ ଟିଏ ପାଇବା ପାଇଁ କେତେ ପୂଜା ପାଠ କରୁଥିବା ବେଳେ ସେହି ପୁତ୍ର ସନ୍ତାନ ପାଇବା ପରେ ନିରୋଜ ଧରୁଆ ର ମନରେ ଭରି ଯାଇଥିଲା ରାକ୍ଷସ ପ୍ରକୃତି। ପୁଅକୁ ବିକ୍ରି କରିବା ସହ ଅନେକଥର ସାବିତ୍ରୀଙ୍କୁ ପ୍ରବର୍ତ୍ତାଇ ଥିବା ବେଳେ ସାବିତ୍ରୀ ଅରାଜି ହୋଇଥିବା ବେଳେ ବାପା ମାଁ ମଧ୍ୟ ଅରାଜି ହେଲେ । ରାକ୍ଷସ ପ୍ରକୃତି ର ନିରୋଜ କିଛି ଉପାୟ ନ ପାଇ ମାଁ ଓ ଶିଶୁ ଙ୍କୁ ଛାଡି ଫେରାର ମାରିଥିବା ବେଳେ ନିଃସହାୟ ମହିଳା ଜଣକ ଶିଶୁଙ୍କୁ ଧରି ବଲାଙ୍ଗିର ଟାଉନ ଥାନା ରେ ଏତଲା ଦେଇଛନ୍ତି। ବର୍ତ୍ତମାନ ୪୬% ଡିଗ୍ରୀ ଖରାରେ ନିଃସହାୟ ମହିଳା ଜଣକ ଶିଶୁଙ୍କୁ ଧରି ଥାନା ର ଦ୍ବାରସ୍ଥ ହେବା ଦୃଶ୍ୟଟି ସାରା ବଲାଙ୍ଗିର ରେ ଚହଳ ସୃଷ୍ଟି କରୁଛି। ସତରେ କ'ଣ ପୋଲିସ ପ୍ରଶାସନ ସେହି ରାକ୍ଷସ ସ୍ବାମୀ କୁ ଆଣି ସ୍ତ୍ରୀ ସହିତ ସାକ୍ଷାତ କରାଇ ଦୁହିଁଙ୍କୁ ବୁଝାଇ ପରିବାରରେ କିଛି ଝଡ଼ ତୋଫାନ ନ ଆସିବାକୁ ଦେବ କି ନାହିଁ ତାହା ଦେଖିବାକୁ ବାକି ରହିଲା।