31-May-2024

ବାଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ସହରରେ ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ବ୍ୟାପକମାତ୍ରାରେ ବିଦ୍ୟୁତ ବିଭ୍ରାଟ ହେଉଛି। ପ୍ରବଳ ଗ୍ରୀଷ୍ମପ୍ରବାହ ସମୟରେ ବିଦ୍ୟୁତ ବିଭ୍ରାଟକୁ ଲୋକମାନେ ସହଜରେ ଗ୍ରହଣ କରିପାରୁନାହାଁନ୍ତି l ବର୍ଷତମାମ ମେଣ୍ଟେନାନ୍ସ ଆଳରେ ଶନିବାରଦିନ ମାନଙ୍କରେ ବିଦ୍ୟତକାଟ କରାଯାଇଥାଏ । ତେବେ କିଭଳି ଓ କଣ ସବୁ ମେଣ୍ଟେନାନ୍ସ କରାଯାଉଥିଲା ଯେ,ଏବେ ଠିକ ସମୟରେ ଘଣ୍ଟାଘଣ୍ଟା ବିଦ୍ୟୁତ ବିଭ୍ରାଟ ହେଉଛି ବୋଲି ଜନସାଧାରଣ ପ୍ରଶ୍ନ କରୁଛନ୍ତି । ପୁରୁଣାତାର ମରାମତି, ଟ୍ରାନ୍ସଫର୍ମର ମରାମତି, ମେନଲାଇନ କେବୁଲିଂ ଇତ୍ୟାଦି କରାଯାଉଥିବା କହି ବିଭାଗ କୋଟି କୋଟି ଟଙ୍କାର ବିଲ କରୁଛି। କିନ୍ତୁ ଠିକ ସମୟରେ ଲୋକଙ୍କୁ ଉଚିତ ସେବା ଯୋଗାଇ ପାରୁନାହିଁ । ମେଣ୍ଟେନାନ୍ସ ନାମରେ ନିର୍ଦ୍ଦିଷ୍ଟ ସମୟରେ କାମ କରାଯାଇଥିବା ଦର୍ଶାଇ ମିତ୍ୟାବିଲ କରି ବିଦ୍ୟୁତ ବିଭାଗ ଅର୍ଥ ହଡପ କରୁଥିବା ଜନସାଧାରଣରେ ସନ୍ଦେହ ପ୍ରକାଶ ପାଉଛି । କେତେକ ବିଦ୍ୟୁତ ବିଭାଗର ଠିକଦାର ଏଥିରେ ମୁଖ୍ୟକାର୍ପଟଦାର ସାଜିଥିବା ମଧ୍ୟ ସନ୍ଦେହ କରାଯାଉଛି । କିଛି ବର୍ଷର ଠିକାକାମ କରିଥିବା ଠିକାଦାର ମାନେ ହଠାତ କୋଟି କୋଟି ଟଙ୍କାର ମାଲିକ ସାଜିବା ଏହି ସନ୍ଦେହକୁ ଆହୁରି ଦୃଢିଭୂତ କରୁଛି। ତେଣୁ ରାଜ୍ୟସରକାର ତୁରନ୍ତ ଏଦିଗରେ ପଦକ୍ଷେପ ସ୍ୱରୂପ ମରାମତି କରାଯାଇଥିବା କାମଗୁଡିକର ତଦନ୍ତ କରିବାର ଆବଶ୍ୟକତା ରହିଛି ବୋଲି ଜନସାଧାରଣରେ ଦାବି ହେଉଛି ।