29-Apr-2024

ଡୁଙ୍ଗୁରିପାଲି(ତୁଳସୀ ପ୍ରସାଦ ଦାଶ)-ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ସମାଜ ପାଠକ ମଞ୍ଚର ତୃତୀୟ ମାସିକ ବୈଠକ ସ୍ଥାନୀୟ ପୁରୁଣା କରତ କଳ ପରିସରରେ ସଭାପତି ମଧୁସୁଦନ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ସଂଯୋଜକ  ଶିଶୁ ସାହିତ୍ୟକ ଗୋବିନ୍ଦ ଚନ୍ଦ୍ର ତ୍ରିପାଠି ସଭା ପରିଚାଳନା କରିଥିଲେ । ପ୍ରାରମ୍ଭରେ ଗୋପବନ୍ଧୁଙ୍କ ଫଟୋଚିତ୍ରରେ ପୁଷ୍ପମାଲ୍ୟ ପରେ ସଭା କାଯ୍ୟ ଆରମ୍ଭ ହୋଇଥିଲା । ବିଶିଷ୍ଟ ବିଜ୍ଞାନ ଶିକ୍ଷକ ପ୍ରାଣବନ୍ଧୁ ହୋତା ମଧୁବାବୁଙ୍କ ଜୟନ୍ତୀ ଅବସରରେ ସ୍ବତନ୍ତ୍ର ପ୍ରଦେଶ ଗଠନରେ ତାଙ୍କ ଅବଦାନ ଉପରେ ଆଲୋଚନା କରିଥିଲେ । ପରେ ଆଜିର ସମାଜରେ “ମହିଳା କେତେଦୂର ସ୍ବାବଲମ୍ବୀ” ଉପରେ ଆଲୋଚନା କରାଯାଇଥୁଲା । ବର୍ତ୍ତମାନ ମହିଳାମାନେ ବିଭିନ୍ନ କ୍ଷେତ୍ରରେ ପୁରୁଷମାନଙ୍କ ସହିତ ସମକକ୍ଷ ହୋଇଥିଲେ ମଧ୍ୟ ସବୁକ୍ଷେତ୍ରରେ ସ୍ବାବଲମ୍ବୀ ନୁହେଁ । ବର୍ତ୍ତମାନ ମଧ୍ଯ ଜଣେ ନାରୀ ରାତି ବାରଟାରେ ପୁରୁଷ ଭଳି ଏକାକି ରାସ୍ତାରେ ବୁଲି ପାରିଲେ ଜାଣିବା ମହିଳା ସ୍ବାବଲମ୍ବୀ ଏବଂ ପୁରୁଷମାନଙ୍କ ସହିତ ସମକକ୍ଷ । ପ୍ରାଣବନ୍ଧୁ ହୋତା ମେଘାଳୟର ମହିଳାମାନେ ପୁରୁଷଙ୍କ ଅପେକ୍ଷା ଅଧିକ ସ୍ବାବଲମ୍ବୀ ଏବଂ କର୍ମଠ ଓ ସେମାନେ କିପିର ପାହାଡିଆ ଅଂଚଳରେ ପୁରୁଷଙ୍କଠାରୁ ଅଧିକ ପରିଶ୍ରମି ସେ ଉପରେ ଆଲୋକପାତ କରିଥିଲେ । ଜଗନ୍ନାଥ ମିଶ୍ର ଦେଶର ବିଦୂଷୀ ମହିଳା ମାନଙ୍କ ଜିବନୀ ଉପରେ ଆଲୋକପାତ କରି ପୁରୁଷମାନଙ୍କ ସହିତ କିରିରି ସମକକ୍ଷ ବୋଲି ଉଦାହରଣରେ ବୈଚନ୍ଦ୍ରିପାଳ, କଳ୍ପନା ଚାୱାଲ, ଇନ୍ଦିରା ଗାନ୍ଧୀ ଙ୍କ ଉପରେ ଆଲୋକପାତ କରିଥିଲେ । ଇନ୍ଦିରା ସାହୁ ମହିଳା ମାନଙ୍କୁ ପୁରୁଷ କୈନ୍ଦ୍ରିକ ପରିବାରେ, ସମାଜରେ ଆଗକୁ ବଢି ଦିଆଯାଉ ନାହିଁ । ମହିଳାମାନଙ୍କୁ ଲକ୍ଷ୍ମଣ ରେଖା ମଧ୍ଯରେ ରଖାଯାଇ ସେମାନଙ୍କ ମାନସିକ ସ୍ତରକୁ ଦୁର୍ବଳ କରିଦିଆଯିବା ସହିତ ଜଣେ ପୁରୁଷ ନିଜର ଝିଅକୁ ଯେଉଁ ଦୃଷ୍ଟିରେ ଦେଖୁଛି ଅନ୍ୟର ଝିଅକୁ ସେହି ସମାନ ଦୃଷ୍ଟିରେ ଦେଖୁଲେ ଅନେକ ସକରାତ୍ମକ ପରିବର୍ତ୍ତନ ହୁଅନ୍ତା ବୋଲି କହିଥିଲେ । ଗୋବିନ୍ଦ ଚନ୍ଦ୍ର ତ୍ରିପାଠି ପୁରାଣର ଏକ ଶ୍ଳୋକ ମାଧ୍ୟମରେ ଜଣେ ମହିଳା ତାଙ୍କର ସ୍ବାମୀଙ୍କ ମନ୍ତ୍ରୀ ପରି ଉପଦେଶ, ମାତୃ ପରି ଭୋଜନ ଅର୍ପଣ, ସ୍ତ୍ରୀ ପରି ତାର କାଯ୍ୟ ସଂପାଦନ କଲେ ସେ ହିଁ ଉପଯୁକ୍ତ ମହିଳା ବୋଲି କହିଥିଲେ । ବିଭୁଦତ୍ତ ବିଶ୍ଵାଳ ବର୍ତମାନ ସମାଜରେ ମହିଳାମାନଙ୍କୁ ବିଭିନ୍ନ କ୍ଷେତ୍ରରେ ନିଜର ସ୍ବାର୍ଥ ପାଇଁ ଲଗାଯିବା ସହିତ ପ୍ରକୃତରେ ସେମାନଙ୍କୁ ସାମାଜିକ ସ୍ବୀକୃତି କିମ୍ବା ସ୍ବାଧୁନତା ଦିଆଯାଉ ନାହିଁ । ବିଭିନ୍ନ ସଚେତନ କାଯ୍ୟକ୍ରମରେ ମହିଳାମାନେ ଯେଭଳି ଦାୟିତ୍ୱ ନେବା କଥା ସମାଜ ସେ ଦୃଷ୍ଟିରେ ଦେଖୁ ନାହାନ୍ତି ବୋଲି କହିଥୁଲା ।ଆହୁରି ମଧ୍ୟ ଶ୍ରୀବିଶ୍ଵାଳ ଗୋପବନ୍ଧୁଙ୍କ ଜୀବନୀ ଶୈଳୀ, ଓଡିଶା ପ୍ରତି ତାଙ୍କର ଅବନଦାନ, ସମାଜ ଖବର କାଗର ଲାଭାଂଶ ଓଡିଆମାନଙ୍କୁ ପାଇଁ ଦାନ କରିବା ଭଳି ଅନେକ ସମାଜ ସଂସ୍କାର କାଯ୍ୟ କରିଥିବାରୁ ତାଙ୍କୁ ମରୋଣତ୍ତର ଭାରତ ରତ୍ନ ପ୍ରଦାନ କରାଯିବାକୁ ବୈଠକରେ ଉପସ୍ଥାପନ କରିଥିଲେ । ଏଥୁରେ ଉପସ୍ଥିତ ସମସ୍ତ ସଦସ୍ୟ ଉକ୍ତ ପ୍ରସ୍ତାବକୁ ବିଭିନ୍ନ ସଂଗଠନ, ସଂସ୍ଥା, ବ୍ୟକ୍ତିବିଶେଷ ଗୁରୁତ୍ୱ ଯେପରି ଦେବ ଏବଂ ସରକାରଙ୍କ ଦୃଷ୍ଟି ଆକର୍ଷଣ ହୋଇ ପାରିବ ସେଉପରେ କାଯ୍ୟ କରିବାକୁ ମତାମତ ଉପସ୍ଥାନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ କରମଚନ୍ଦ୍ର ବାରିକ, ରାମଗୋପାଳ ଭୋଇ, ପ୍ରଶାନ୍ତ ସେଠ, ସୁଦାମ ସାହୁ, ତୁଳସୀ ପ୍ରସାଦ ଦାଶ, ପ୍ରକାଶ କୁମାର ହାତୀ ପ୍ରମୁଖ ଆଲୋଚନାରେ ଅଂଶ କରିଥିଲେ । ଶେଷରେ ସ୍ଥାନୀୟ ପ୍ରତିନିଧ୍ ରତ୍ନାକର ସେଠ ଧନ୍ୟବାଦ ଅର୍ପଣ କରିଥିଲେ ।