03-Feb-2024

ସିନ୍ଧେକେଲା(ଅନୀଲ କୁମାର ତ୍ରିପାଠୀ ): ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଗନ୍ଧର୍ଲା ପଞ୍ଚାୟତ ଶୁଣ୍ଢିମୁଣ୍ଡା ସ୍କୁଲ ନିକଟସ୍ଥ ରାଇପୁର - ଭବାନୀପାଟଣା ୧୬ ନଂ ରାଜ୍ୟ ରାଜ୍ୟପଥ ମୁଖ୍ୟ ରାସ୍ତା ପାର ହେଉଥିବା ବେଳେ ଗୁରୁବାର ଶୁଣ୍ଢିମୁଣ୍ଡା ଗାଁ ର ବାଳିକା ଦିପାଳୀ ଗହିର ( ୭) ମୂଖ୍ୟ ରାସ୍ତା ପାର ହେଉଥିବା ସମୟରେ ରାଇପୁର ପଟୁ ଦୃତଗତିରେ ଆସୁଥିବା ଟ୍ରକ ନମ୍ବର ସି ଜି ୦୬ ଜି ଜେଡ ୭୨୮୯ କୌଣସି କାରଣରୁ ଧକ୍କା ଦେଇ ଥିବା ବେଳେ ଦିପାଳୀ ଙ୍କ ଗୋଡ଼ ରେ ଗୁରୁତର ଆଘାତ ହୋଇଥିବା ଯୋଗୁଁ ତାଙ୍କୁ ତୁରନ୍ତ ସିନ୍ଧେକେଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର କୁ ଚିକିତ୍ସା ପାଇଁ ଅଣା ଯାଇଥିଲା।  ଡାକ୍ତର ଗୁରୁତର ଅବସ୍ଥା ଦେଖି ଅଧିକ ଚିକିତ୍ସା ପାଇଁ ରାଇପୁର ନେବା ପାଇଁ ପରାମର୍ଶ ଦେଇଥିଲେ ।ତେବେ ଗାଁ ର ଲୋକ ମାନେ ଉତ୍ୟକ୍ତ ହୋଇ ୧୬ ନ ରାଜ୍ୟପଥ ରାଇପୁର ଭବାନୀପାଟଣା ମୁଖ୍ୟରାସ୍ତା କୁ ଅବରୋଧ କରିଥିଲେ । ଅବରୋଧ କରିବା ଫଳରେ ଶହ ଶହ ଗାଡ଼ି ମୁଖ୍ୟ ରାସ୍ତା ରେ ଛିଡା ହୋଇଥିବା ଦେଖାଯାଇଥିଲା । ଫଳରେ ଯାତାୟତ ଠପ୍ ହୋଇ ଯାଇଥିବା ବେଳେ ସିନ୍ଧେକେଲା ପୋଲିସ ଘଟଣା ସ୍ଥଳରେ ପହଞ୍ଚି ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା। ଟ୍ରକ ରାଇପୁର ରୁ ଲୁହାପଥର ବୋଝେଇ କରି

ଲାଞ୍ଜିଗଡ଼ ଯାଉଥିବା ସ୍ଥାନୀୟ ଲୋକଙ୍କ ଠାରୁ ଜଣାପଡ଼ିଛି। ତେବେ ଗୁରୁବାର ରାଇପୁର ହସ୍ପିଟାଲକୁ ନେଇ ଅଧିକ ଚିକିତ୍ସା କରା ଯାଉଥିଲେ ହେଁ ଦିପାଳୀ ର ମୃତ୍ୟୁ ହୋଇଥିଲା। ତେବେ ନାବାଳିକା ଦିପାଳୀ ଙ୍କ ମୃତ ଶରୀର ଶୁକ୍ରବାର ସଂନ୍ଧ୍ୟାରେ ଗାଁ କୁ ପହଞ୍ଚିବା ପରେ ଉତ୍ୟକ୍ତ ଗ୍ରାମବାସୀ ଓ ବନ୍ଧୁ ପରିଜନ ପୁଣି ୧୬ ନମ୍ବର ରାଜ୍ୟ ରାଜପଥ ଅବରୋଧ କରାଯିବା ଫଳରେ ବହୁ ଗାଡ଼ି ମୋଟର ଅଟକି ରହିଥିବା ଦେଖାଯାଇଛି। ପରେ ସିନ୍ଧେକେଲା ପୋଲିସ ଓ ସ୍ଥାନୀୟ ପ୍ରଶାସନିକ ଅଧିକାରୀ ପହଞ୍ଚି ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା।ପୋଲିସ ଥାନା କେଶ ନମ୍ବର ୨୭ ରୁଜୁ କରି ଟ୍ରକ ଅଟକ ରଖିଥିବା ଆଇଆଇସି ବସନ୍ତ ଦଲାଇଙ୍କ ଠାରୁ ସୁଚନା ମିଳିଛି।