20-Dec-2023

ବୀରମହାରାଜପୁର, (ବିନୋଦ ପାଣ୍ଡେ) : ବୀରମହାରାଜପୁର ମହାବିଦ୍ୟାଳୟରେ 'ନୂଆ- ଓ 'କାର୍ଯ୍ୟକ୍ରମ ମାଧ୍ୟମରେ କ୍ରୀଡ଼ା ପ୍ରତିଯୋଗିତାର ଉଦଘାଟନୀ ଉତ୍ସବ ଅନୁଷ୍ଠିତ ହୋଇଯାଇଛି ।‌ ଏହି ଅବସରରେ ମହାବିଦ୍ୟାଳୟର ଅଧ୍ୟକ୍ଷ ସୁଦାମଚରଣ ସାହୁ ଅଧ୍ୟକ୍ଷତା କରିଥିବା ବେଳେ ବୀରମହାରାଜପୁର ଜୋନ ୨ ର ଜିଲ୍ଲା ପରିଷଦ ଚନ୍ଦ୍ରକାନ୍ତି ଦନ୍ତା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ | ବୀରମହାରାଜପୁର ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତାନୁ କୁମ୍ଭକାର, ଯୁକ୍ତ ଦୁଇ ବିଭାଗର ନୋଡାଲ ଅଫିସର ଡ଼ଃ ହିମାଂଶୁ ଶେଖର ପାଢ଼ୀ, ଯୁକ୍ତ ତିନି ବିଭାଗର ନୋଡାଲ ଅଫିସର ଗୀତାଞ୍ଜଳି ପୂଜାରୀ,ମହାବିଦ୍ୟାଳୟ ପରିଚାଳନା ପରିଷଦ ସଦସ୍ୟା ନୀଳିମା ପଣ୍ଡା, ମୌସୁମୀ ମେର୍ଲି, ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ |ଅଧ୍ୟାପକ ବିଜୟ ପ୍ରଧାନ ସ୍ୱାଗତ ବକ୍ତବ୍ୟ ଦେଇଥିବା ବେଳେ ଅଧ୍ୟାପିକା ଯାମିନୀ ଦାଶ ସଭାପରିଚାଳନା ଏବଂ ଧନ୍ୟବାଦ ଦେଇଥିଲେ | ଖେଳ ଶିକ୍ଷକ ନରେନ୍ଦ୍ର ଚାନ୍ଦ,ବିପ୍ର ଚରଣ ପେରା, କୃତିବାସ ଶତପଥୀ, ରାଜକୁମାର ସିଂ ବାବୁ, ସରିତା ଦାଶ, ପ୍ରତିଭା ଜଗଦଲା ଏହି ଅବସରରେ ଯୋଗ ଦେଇ ଛାତ୍ରଛାତ୍ରୀଙ୍କୁ ମାର୍ଗଦର୍ଶନ ଦେଇଥିଲେ |ଅଧ୍ୟାପକ ଜିତେନ୍ଦ୍ର କୁମାର ସାହୁ, ମାଧବ ପଧାନ, ନରେନ୍ଦ୍ର ଝା,ଦୀପକ ଟୋପୋ,ସିଦ୍ଧେଶ୍ୱର ତ୍ରିପାଠୀ, ସ୍ମୃତିରଞ୍ଜନ ଭାରସାଗର, ପ୍ରଭାତ ପୁରୋହିତ, ଅଧ୍ୟାପିକା ଡ଼ଃ ବନ୍ଦିତା ବିଶ୍ଵାଳ,ନିତାରାଣୀ ପଧାନ, ସୀମାରାଣୀ ବେହେରା, ସୁପ୍ରଭା ନନ୍ଦ, ବିଦ୍ୟୁତପ୍ରଭା ରଥ, ଡିଇଓ ଚିନ୍ମୟ ପଣ୍ଡା ପ୍ରମୁଖଙ୍କ ତତ୍ୱାବଧାନରେ ଛାତ୍ରଛାତ୍ରୀ କ୍ରୀଡା ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ | ପ୍ରଥମ ଦିନର ଉଭୟ ଯୁକ୍ତ ଦୁଇ, ଯୁକ୍ତ ତିନି ଛାତ୍ରଛାତ୍ରୀଙ୍କ ଶହେ ମିଟର ରନ, ଦୁଇଶହ ମି ରନ, ଚାରି ଶହ ମି ରନ, ଆଠ ଶହ ମି ରନ, ହାଇ ଜମ୍ପ, ଲଙ୍ଗ ଜମ୍ପ, ଶଟ ଫୁଟ  ଥ୍ରୋ, ଡିସ୍କସ ଥ୍ରୋ ପ୍ରତିଯୋଗିତା ହୋଇଥିଲା |ପଞ୍ଚଶହରୁ ଊର୍ଦ୍ଧ ଛାତ୍ରଛାତ୍ରୀ ଏହି ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ |କ୍ରୀଡା ହିଁ ଛାତ୍ରଛାତ୍ରୀଙ୍କ ଶାରୀରିକ, ମାନସିକ, ବୌଦ୍ଧିକ ବିକାଶରେ ସହାୟକ ହୁଏ ବୋଲି ଅତିଥିଗଣ ବକ୍ତବ୍ୟ ଦେଇଥିଲେ