17-Oct-2023

କଣ୍ଟାମାଳ,(ପ୍ରେରଣା ଖବର ) : ସରକାର ଗରିବ ଅସହାୟ ଲୋକଙ୍କ ଆର୍ଥିକ ବିକାଶ ପାଇଁ ଅନେକ ଯୋଜନା ପ୍ରଣୟନ କରି ବିପୁଳ ଅର୍ଥ ବିନିଯୋଗ କରୁଛନ୍ତି । ହେଲେ ବିଭାଗୀୟ ଅଧିକାରୀଙ୍କ ଖାମଖିଆଲି ମନୋଭାବ ଯୋଗୁଁ  ଗରିବ ନିରୀହ ଲୋକଙ୍କ ନିକଟରେ ଯୋଜନା ପହଞ୍ଚିପାରୁ ନାହିଁ । ଗରିବ ଲୋକଙ୍କ ମୁଣ୍ଡ ଉପରେ ଖଣ୍ଡିଏ ପକ୍କା ଘର ଯୋଗାଇ ଦେବାକୁ ଉଭୟ କେନ୍ଦ୍ର ଓ ରାଜ୍ୟ ସରକାର କାହିଁରୁ କେତେ ଯୋଜନା କରୁଛନ୍ତି ।ହେଲେ ପକ୍କା ଘର ଯୋଜନାର ବହୁ ଦୂରରେ ଗରିବ ହିତାଧୀକାରୀ ।ଏଭଳି ଏକ ସମସ୍ୟା ଦେଖିବାକୁ ମିଳିଛି କଣ୍ଟାମାଳ ବ୍ଲକ ନାରାୟଣପ୍ରସାଦ ପଞ୍ଚାୟତ ଅନ୍ତର୍ଗତ ସଦର ଗ୍ରାମରେ । ଗ୍ରାମର ବିଧବା ମହିଳା ଶୁରୁବାଲି ମୁଖୀ।ଆଜି ଯାଏ ତାଙ୍କୁ ସରକାରଙ୍କ ପକ୍ଷରୁ ଆବାସ ଘର ଖଣ୍ଡିଏ ମିଳିପାରିନାହିଁ । ସ୍ବାମୀ ଆରପାରିକୁ ଚାଲିଗଲା ପରେ ବିପଦ ସଂକୁଳ ଅବସ୍ଥାରେ ଭଙ୍ଗା ଚାଳ ଘରେ ଦିନ କାଟୁଛନ୍ତି । ଘରଟି ଲଗାଣ ବର୍ଷାରେ ଝାଟି ମାଟି ଘର  ଭାଙ୍ଗିଯାଇଛି ।ସେ ଗରିବ ଶ୍ରେଣୀର ହୋଇଥିବାରୁ ଘରଟି ସଜାଡି ପାରୁନାହାନ୍ତି । ଯାଫଳରେ  ସେହି ଭଙ୍ଗା ଘରେ ଡରି ଡରି ଭୟଭୀତ ଅବସ୍ଥାରେ ଦିନ କାଟୁଛନ୍ତି । ଖଣ୍ଡେ ଜରିପାଲ ନେବା ପାଇଁ ସ୍ଥାନୀୟ ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟକୁ ଆସିଥିଲେ ।କିନ୍ତୁ ବଡ଼ ବିଡ଼ମ୍ବନାର ବିଷୟ ରାଜସ୍ବ ନିରୀକ୍ଷକ ଜଣକ ଜରିପାଲ୍  ଦେବାପାଇଁ ମନା କରିବାରୁ ସେ ସୋମବାର କଣ୍ଟାମାଳ ତହସିଲ କାର୍ଯ୍ୟାଳୟକୁ ଆସି ତହସିଲଦାରଙ୍କୁ ଭେଟି ଅଭିଯୋଗ କରିଥିଲେ ।ସଙ୍ଗେ ସଙ୍ଗେ ତହସିଲଦାରଙ୍କ ନିର୍ଦ୍ଦେଶ କ୍ରମେ ବରଗାଁ ରାଜସ୍ବ ନୀରିକ୍ଷକ ଉକ୍ତ ମହିଳା ଜଣକୁ ଜରିପାଲ ପ୍ରଦାନ କରିବା ପାଇଁ ରାଜି ହୋଇଥିଲେ ।ତେଣୁ ସୂରୁବାଲି ପର ଘରେ ମୂଲ ଲାଗି ଯେତିକି ରୋଜଗାର ହୁଏ ସେଥିରେ ଦି ଓଳି ଖାଇବା ସମ୍ଭବ ହୋଇ ନ ଥିବା ବେଳେ ଦିନେ ଦିନେ ଭୋକ ଉପାସରେ ମଧ୍ୟ ଶୋଇବାକୁ ପଡିଥାଏ । ସୁରୁବାଲୀ ଚାଳ ଛପର ମାଟି ଘର ଥିବା ବେଳେ ତାହା ଭାଙ୍ଗି ରୁଜି ପଡ଼ି ରହିଛି ।ଉକ୍ତ ଭଙ୍ଗା ଦଦରା ମାଟି ଘରକୁ ମରାମତି କରିବା ମଧ୍ୟ ତାଙ୍କ ପକ୍ଷେ ସମ୍ଭବପର ନୁହେଁ ।ଯେଉଁଠୀ ଦି ଓଳି ଖାଇବା ସମ୍ଭବ ନୁହେଁ ସେଠୀ ଘର ମରାମତି କଥା ପଚାରେ କିଏ ?