11-Oct-2023

ନାକଟିଦେଉଳ(କନ୍ଦର୍ପ ବେହେରା ): ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ୍ ଡଇଁଚା ପଂଚାୟତର ପାଇକମାଳ ଗ୍ରାମ ନିକଟରେ ଥିବା କେନ୍ଦୁଛକ ଠାରୁ ସରକାରୀ ଜମିରେ ଘର କରି ରହୁଥିବା ଲୋକମାନଙ୍କର ଘରକୁ ଭାଙ୍ଗି ମାଟିରେ ମିଶାଇ ଦେଇଛି ପ୍ରଶାସନ ା ଆଜି ପୂର୍ବାହ୍ନରେ ପ୍ରଶାସନ ନାକଟିଦେଉଳ ତହସିଲ୍ ଦାର୍ ଙ୍କୁ ମାଜିଷ୍ଟେଟ୍ ଦାୟିତ୍ବରେ ଵିବାଦୀୟ ଜାଗାକୁ ପଠାଇଥିଲେ ା ପ୍ରଶାସନର ନିର୍ଦ୍ଦେଶକ୍ରମେ ସରକାରୀ ଜାଗାରେ ଘର କରି ରହୁଥିବା ବ୍ୟକ୍ତିମାନଙ୍କର ଘରକୁ ଜେସିବି ଲଗାଇଭାଙ୍ଗି ଦିଆଯାଇଛି ା ଘର କରି ରହୁଥିବା ବ୍ୟକ୍ତି ବିଶେଷ ମାନେ ଉପସ୍ଥିତ ପୋଲିସ୍ କର୍ମଚାରୀମାନଙ୍କ ସହ ପାଟିତୁଣ୍ଡ କରିଥିଲେ ା ଏପରିକି ଘର ଭାଙ୍ଗିବାକୁ ଜେସିବି ଯିବା ସମୟରେ ସଂପ୍ରୁକ୍ତ ବ୍ୟକ୍ତି ବିଶେଷ ବାଧା ଦେଉଥିଲେ ା ପୋଲିସ୍ ବିଭାଗ ଏହାର ପ୍ରତିରୋଧ ମଧ୍ୟ କରିଥିଲେ ା ଗଣ୍ଡଗୋଳ ଯେମିତି ନ ହେବ ସେଥିପାଇଁ ୧ ପ୍ଲାଟୁନ୍ ପୋଲିସ୍ ଫୋର୍ସ ମ୍ରୁତୟନ କରାଯାଇଥିଲା ା ଘର କରି ରହିଥିବା ବ୍ୟକ୍ତିମାନଙ୍କର ପାଇକମାଳ ଏଵଂ ତଣ୍ଡାବିରା ଗ୍ରାମରେ ନିଜସ୍ବ ଘର ମଧ୍ୟ ରହିଛି ା ଏହି ସରକାରୀ ଜମିକୁ ଜବର ଦଖଲ କରି ପଟ୍ଟା କରି ନେବାକୁ ଚକ୍ରାନ୍ତ କରୁଥିଲେ ା ତହସିଲ୍ ବିଭାଗର ଅସାଧୁ କର୍ମଚାରୀମାନଙ୍କ ପାଇଁହିଁ ଏହି ବିବାଦିୟ ସ୍ଥାନକୁ ସେମାନେ ଅନାୟାସରେ ପ୍ରବେଶ କରିଥିଲେ ା ପୂର୍ବରୁ ସେଇ ଘର ଛାଡି ନିଜର ଜିନିଷପତ୍ର ଧରି ବାହାରିଯିବାକୁ ମଧ୍ୟ ନୋଟିସ୍ ଦିଆଯାଇଥିଲା ା ପୂର୍ବରୁ ନାକଟିଦେଉଳର ପୂର୍ବତନ ତହସିଲଦାର୍ ସୁକାନ୍ତ ନାଏକ ମଧ୍ୟ ସେଇ ଘରର କିଛି ଅଂଶ ଭାଙ୍ଗି ଦେଇଥିଲେ ା ଯା ଫଳରେ କିଛି ଆଦିବାସୀ ଡଇଁଚା ଗ୍ରାମରେ ପୂର୍ବତନ ତହସିଲ୍ ଦାର ଙ୍କୁ ଆର୍ ଆଇ ଅଫିସ୍ ସାମ୍ନାରେ ଘେରାଉ କରିବା ସହ ୩ କିମି ରାସ୍ତା ତଲାଇ ଚଲାଇ ନେଇ ଥିଲେ ା ଏପରିକି ନାକଟିଦେଉଳ ତହସିଲ୍ ଅଫିସ୍ ମଧ୍ୟ ଘେରାଉ କରି ଥିଲେ ଆଦିବାସୀମାନେ ା ଏହି ଉଚ୍ଛେଦ ସମୟରେ ରେଢାଖୋଲ ଥାନା, ଚାରମାଳ ଥାନା, ନାକଟିଦେଉଳ ଥାନା ଏଵଂ କିସିଣ୍ଡା ଥାନାର ଥାନାଅଧିକାରୀ ସମେତ ସମ୍ବଲପୁରରୁ ପୋଲିସ୍ ଫୋର୍ସ ଉପସ୍ଥିତ ଥିଲେ ା ଫଟୋ ଯାଇଚ