17-Sep-2023

ମୁରିବାହାଲ(ସୁଦାମ ଚରଣ ବଘାର ):ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକର ବିଭିନ୍ନ ଅଂଚଳରେ ସରକାରୀ ଓ ବେସରକାରୀ ଅନୁଷ୍ଠାନ ତରଫରୁ ରବିବାର ଦିନ ବିଶ୍ୱକର୍ମା ପୂଜା ମହାସମୋରୋହରେ ପାଳିତ ହୋଇଯାଇଛି। 
ଖବର ନେବାରୁ ଜଣାଯାଏ ମୁରିବାହାଲ ବିଦ୍ଯୁତ ବିଭାଗ ତରଫରୁ ବିଶ୍ୱକର୍ମା ପୂଜା ପାଳନ ଅବସରରେ ବିଦ୍ଯୁତ ବିଭାଗ ର ସମସ୍ତ କର୍ମଚାରୀ ନିକଟସ୍ଥ ଟୁନଟୁନି ମୁଣ୍ଡା ରୁ କଳସ ରେ ପାଣି ଆଣି ପୂଜାକାର୍ଯ୍ୟ  କରାଯିବା ସହ ପୂଜାଅର୍ଚନା କରାଯାଇଥିଲା l  ଏଥିରେ ବିକ୍ରମ ପ୍ରସାଦ ଡାକୁଆ, କର୍ତ୍ତା ର ଦାୟିତ୍ୱ ତୁଲାଇ ଥିବା ବେଳେ ପୂଜକ ରୂପେ କାଶୀନାଥ ଦାସ

କାର୍ଯ୍ୟ ନିର୍ବାହ କରିଥିଲେ। 
ଉକ୍ତ ପୂଜା କମିଟି ର ସଭାପତି ମହମ୍ମଦ ଜୁନେତ, ଉପ ସଭାପତି, ଚିନ୍ମୟ କୁମାର ସାହୁ, ସମ୍ପାଦକ ରୋହିତ ବେହେରା ଓ କୋଷଦକ୍ଷ ସଞ୍ଜୟ କୁମାର ପରିଡା ପ୍ରମୁଖ ନେତୃତ୍ଵ ନେଇଛନ୍ତି। 
ସେହିପରି ମୁରିବାହାଲ ବ୍ଲକ ଡ୍ରାଇଭର ସଂଘ ତରଫରୁ ସଂଘ ର ସମସ୍ତ କର୍ମକର୍ତ୍ତା ଉପସ୍ଥିତି ରେ ବିଶ୍ୱକର୍ମା ପୂଜା ପାଳିତ ହୋଇଯାଇଛି। ମୁରିବାହାଲ ପାନୀୟ ଜଳଯୋଗାଣ ଓ ପରିମଳ ବିଭାଗ, ଗୁଡିଘାଟ ବିଦ୍ଯୁତ ବିଭାଗ , ବନ୍ଧୁପଲା ଗ୍ରାମ ପଞ୍ଚାୟତର ସନ୍ଧିଵାହାଲି ଗ୍ରାମର ରାଜ ମିସ୍ତ୍ରୀ ମାନଙ୍କ ମଧ୍ୟ ଭଗବାନ ବିଶ୍ୱକର୍ମା ପୂଜା ଜାକଜମକରେ ଅନୁଷ୍ଠିତ ହୋଇଯାଇଛି। ଉକ୍ତ ପୂଜା ଉପଲକ୍ଷେ ବିଭିନ୍ନ ମଣ୍ଡପରେ ସଂସୃତିକ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେବା ନେଇ କମିଟି ତରଫରୁ ସୂଚନା ମିଳିଛି।