10-Dec-2020

ସମ୍ବଲପୁର:(ଦେବାଶିଷ ବେହେରା)- ବତ୍ତମାନ ସମଗ୍ର ସମ୍ବଲପୁର ଜିଲ୍ଲାରେ  ଏମଏସପି, ଟୋକନ ର ଅବ୍ୟବସ୍ଥା ସହ  କଟନି ଛଟନି ସମସ୍ୟା ରେ ଚାଷୀ ଛନ୍ଦି ହୋଇ ହଇରାଣ ହରକତ ହେଉଥିବା ଅଭିଯୋଗ ହୋଇଛି । ବିଶେଷ କରି ଜିଲ୍ଲା ର ବିଭିନ୍ନ ମଣ୍ଡିରେ ଧାନସଂଗ୍ରହରେ ସମସ୍ୟା ଦେଖାଦେବା ସହ ମିଲର୍ସ ବି ନାନା ବାହାନା ଦେଖାଇ କଟନି ଛଟନି କରିବା ଯୋଗୁ ଚାଷୀ ବେଶ କ୍ଷତିର ସମ୍ମୁଖୀନ ହେଉଛନ୍ତି । ଚାଷୀଙ୍କ ଧାନକୁ   ମିଲର ମାନେ କଟନି ଛଟନି କରି  ପ୍ରତି କୁଇଣ୍ଟାଲରେ ୬କେଜି ରୁ ୭କେଜି  କାଟୁଥିବା ଅଭିଯୋଗ କରିଛନ୍ତି ଚାଷୀ । ଏହାର ପ୍ରତିବାଦରେ ଆଜି ଜିଲ୍ଲାର ଧନକଉଡା ବ୍ଳକର ବିଶାଳଖିଣ୍ଡା ଅଞ୍ଚଳର  ଚାଷୀ ମାନେ ସମ୍ବଲପୁର ସମବାୟ ସମିତିର ଉପ ନିବନ୍ଧକଙ୍କ କାର୍ଯ୍ୟାଳୟ ଘେରାଓ କରିଥିଲେ। ଦୀର୍ଘ ସମୟ ଧରି ଚାଷୀ ମାନେ ଆଲୋଚନା କରିଥିଲେ ମଧ୍ୟ କେବଳ ଚାଷୀ ଆଶ୍ୱାସନା ପାଇଥିଲେ । ଏଥିସହ  ବିଶାଳଖିଣ୍ଡା ର ଚାଷୀ ଅଭିଯୋଗ କରିଛନ୍ତି ଯେ ମିଲରସ ଓ ଜିଲ୍ଲା ପ୍ରଶାସନ କଟନୀ ଛଟନୀ କୁ ନେଇ ମଧୁଚନ୍ଦ୍ରିକା କରୁଛନ୍ତି । ଗୋଟିଏ କୁଇଣ୍ଟାଲ ରେ 7 ରୁ 8 kg କଟନୀ ଛଟନୀ କରୁଛନ୍ତି ମିଲରସ ।ସେଥିପାଇଁ ଜିଲ୍ଲା ପ୍ରଶାସନ ନିରବଦ୍ରଷ୍ଟା ସାଜିଥିବା  ଅଭିଯୋଗ କରିଛନ୍ତି  ବିଶାଳଖିଣ୍ଡାର ଚାଷୀ।