09-Dec-2020

ପାଟଣାଗଡ଼(ଗୋରେଖନାଥ ବରିହା) ସରକାର ଙ୍କ ପଞ୍ଚାୟତ ରାଜ ଓ ପାନୀୟ ଜଳ ବିଭାଗ ଙ୍କ ନିର୍ଦ୍ଦେଶରେ  ପ୍ରତ୍ୟେକ ଗ୍ରାମ ପାନୀୟ ଜଳ ସମସ୍ୟା ଦୂର କରିବାକୁ ଅନେକ ଯୋଜନା କାର୍ଯ୍ୟକାରୀ କରିବା ସଙ୍ଗେ ନଲକୂପ ମରାମତି କରିବା ପାଇଁ ପଞ୍ଚାୟତ କୁ କ୍ଷମତା ପ୍ରଦାନ କରିଛନ୍ତି । ପ୍ରତି ପଞ୍ଚାୟତରେ ଦୁଇ ଜଣ ( ଏସ୍ ଇ ଏମ୍)  ଗ୍ରାମ୍ୟ କାରିଗରୀ ଙ୍କୁ ନିଯୁକ୍ତି ଦେବା ର ବ୍ୟବସ୍ଥା  ପଞ୍ଚାୟତ କରିଥାନ୍ତି । ଏସ ଇଏମ୍ ମାନେ କମ ପାରିଶ୍ରମିକରେ  କାମ କରିଥାନ୍ତି । ହେଲେ ସେହି କମ ପାରିଶ୍ରମିକ ମଧ୍ୟ ଜନୈକ ଏସ୍ଇଏମ୍ ପ୍ରାୟ ଦୁଇ ବର୍ଷ ହେବ ପାଇନାହିଁ ବୋଲି ଅଭିଯୋଗ କରିଛନ୍ତି।। ଅଭିଯୋଗ ଅନୁଯାୟୀ ପାଟଣାଗଡ଼ ବ୍ଳକ  ସାଲେପାଲି ପଞ୍ଚାୟତ  ତୁର୍ଲାମାଲ ଗ୍ରାମର ବିଷ୍ଣୁ ଥପା ୨୦୧୩ ମସିହାରେ ଏସ୍ଇଏମ୍  ଭାବେ ପଞ୍ଚାୟତ ରେ ନିଯୁକ୍ତି ପାଇଥିଲେ । ସେ ନିୟମିତ କାମ କରି ଆସୁଥିଲେ ମଧ୍ୟ ୨ ବର୍ଷ ର ପାରିଶ୍ରମିକ ପାଇଁ ନଥିବା ଅଭିଯୋଗ କରିଛନ୍ତି । ସେ ତାଙ୍କ ପାରିଶ୍ରମିକ ମିଳିବା ପାଇଁ ସରପଞ୍ଚ ଓ ପଞ୍ଚାୟତ କାର୍ଯ୍ୟ ନିର୍ବାହ ଅଧିକାରୀ ଙ୍କୁ ଲିଖିତ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ। ଅନ୍ୟ ପକ୍ଷରେ ବିଷ୍ଣୁ ସରପଞ୍ଚ ଙ୍କୁ ଲିଖିତ  ଅଭିଯୋଗ କରିଥିଲେ ମଧ୍ୟ ସରପଞ୍ଚ ବିଷ୍ଣୁ ଙ୍କ ଲିଖିତ ଅଭିଯୋଗ ପତ୍ର କୁ 
ମୋ ପାଖରେ ଥିଲେ ହଜିଯିବ କହି ଫେରାଇ ଦେଇଥିଲେ ବୋଲି ବିଷ୍ଣୁ କହିଛନ୍ତି । ବିଷ୍ଣୁ ନଳକୂପ ମରାମତି କରିବା ପାଇଁ ନିଜ ଟଙ୍କା ରେ ଯନ୍ତ୍ରାଂଶ କିଣି ମରାମତି କରୁଥିଲେ ବୋଲି କହିଛନ୍ତି । ବିଷ୍ଣୁ ତାଙ୍କ ପାରିଶ୍ରମିକ ପାଇଁ ଅଗଷ୍ଟ ୨୦୧୯ ରେ ତିନି ଥର ପଞ୍ଚାୟତ କାର୍ଯ୍ୟାଳୟ କୁ ଯାଇ ସରପଞ୍ଚ ଓ କାର୍ଯ୍ୟ ନିର୍ବାହ ଅଧିକାରୀ ଙ୍କୁ ଗୁହାରି କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ । ଆଜି କାଲି ହେବ କହିଚାଲିଥିଲେ । ସରପଞ୍ଚ ଙ୍କୁ କହିଲେ  କାର୍ଯ୍ୟ ନିର୍ବାହ ଅଧିକାରୀ ଙ୍କୁ କହ ସେ ଜାଣି ବେ କାର୍ଯ୍ୟ ନିର୍ବାହ ଅଧିକାରୀ ଙ୍କୁ କହି ଦରମା କରି ଦେବା କହିଛନ୍ତି ହେଲେ ସରପଞ୍ଚ କରୁନାହାନ୍ତି ।। ୨ ବର୍ଷ ର ପାରିଶ୍ରମିକ ବିଷ୍ଣୁ ମିଳିନଥିବା ଯୋଗୁଁ ସେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି ।। ଏଥିପ୍ରତି ବିଭାଗୀୟ ଅଧିକାରୀ ଦୃଷ୍ଟି ଦେଇ  ବିଷ୍ଣୁ ଙ୍କ ୨ ବର୍ଷ ର ପାରିଶ୍ରମିକ ପ୍ରଦାନ କରିବାକୁ ଦାବି କରିଛନ୍ତି ।।