08-Dec-2020

କଳାହାଣ୍ଡି - କୋକସରା (ତ୍ରିନାଥ ବେଶ୍ରା)
ନାଗରିକ ବିକାଶ ସଂଗଠନ ତଥା ମହିଳା ଶ୍ରମଜୀବୀ ମଞ୍ଚ ଓଡିଶା ଓ ଓଡିଶା ଶ୍ରମଜୀବୀ ମଞ୍ଚର ମିଳିତ  ଆନୁକୂଲ୍ୟରେ କଳାହାଣ୍ଡି ଜିଲ୍ଲାର କୋକସରା ବ୍ଲକ ଗମ୍ଭାରିଗୁଡା ପଞ୍ଚାୟତର ଅଁଳାଗୁଡ଼ା ଗ୍ରାମରେ ମହିଳା ମାନଙ୍କୁ ନେଇ ଏକ ମହିଳା ସଭା ଅନୁଷ୍ଠିତ ହୋଇଯାଇଛି । ଉକ୍ତ ସଭାକୁ ସଂଗଠନର କର୍ମୀ ବିନୋଦ ଦିଗାଳ ପରିଚାଳନା କରିଥିଲେ । ଉକ୍ତ ସଭାରେ ମହିଳା ମାନଙ୍କ ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା ଯେପରି ଯୌତୁକଜନିତ ସମସ୍ୟା, ଲିଙ୍ଗଗତ ପ୍ରଭେଦ, ପରିବାରରେ ଅବହେଳା,ସମ୍ପତ୍ତିରୁ ବେଦଖଲ କରିବା, ପରମ୍ପରା ନାଁରେ ଶୋଷଣ । ଉପସ୍ଥିତ ମୁଖ୍ୟ ଅତିଥି ଗ୍ରାମ ପଞ୍ଚାୟତର ନାଏବ ସରପଞ୍ଚ  ଶ୍ରୀଯୁକ୍ତ ସମରଥ ବାଗ ବିଭିନ୍ନ ସମସ୍ୟା ଉପରେ ନିଜର ଅଭିମତ ରଖିଥିଲେ । ଉକ୍ତ ସଭାରେ ନାଗରିକ ବିକାଶ ସଂଗଠନର କର୍ମକର୍ତ୍ତା ମାନେ ଯଥା- ଉପେନ୍ଦ୍ର ସୁନାନୀ,  ବିନୋଦ ଦିଗାଳ, ତ୍ରିନାଥ ବେଶ୍ରା, ହେମମାଳିନୀ ନାଏକ,ମୁକ୍ତା ଠାକୁର ସହଯୋଗ କରିଥିଲେ । ପରିଶେଷରେ ସଂଗଠନର କର୍ମୀ ବିନୋଦ ଦିଗାଳ ଧନ୍ୟବାଦ ଅର୍ପଣ କରିଥିଲେ ।