05-Apr-2023

କର୍ଲାମୁଣ୍ଡ (ପ୍ରଦିପ କୁମାର ସାହୁ)କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଳକ ତହସିଲ କାର୍ଯ୍ୟାଳୟ ଠାରେ ବୁଧବାର  ଉପନିବନ୍ଧ (ସବ-ରେଜିଷ୍ଟ୍ରେସନ) କାର୍ଯ୍ୟ ଲୟ ଆନୁଷ୍ଠାନିକ ଭାବେ ଉଦଘାଟିତ ହୋଇଯାଇଛି।ଏଥିରେ ନର୍ଲା  ବିଧାୟକ ଭୁପିନ୍ଦର ସିଂ ଯୋଗ ଦେଇ ଉଦଘାଟନ କରିଥିଲେ। ଏହି ଅବସରରେ ଆୟୋଜିତ ସଭା କାର୍ଯ୍ୟ ରେ ମୁଖ୍ୟ ଅତିଥି ବିଧାୟକ ଭୁପିନ୍ଦର ସିଂ ,ତହସିଲଦାର ମିଳନ କୁମାର ଝାଙ୍କର, ବିଡିଓ ସୁଚରିତା ମୁଗ୍ରୀ,ଜିଲ୍ଲା ପରିଷଦ ସଭ୍ୟ ମହେନ୍ଦ୍ର ରଣା, ବ୍ଳକ ଅଧକ୍ଷ୍ୟା କୁନି ସାହୁ,ଉପାଧ୍ୟକ୍ଷ ସୁରେନ୍ଦ୍ର ଭୋଇ, ସହ ସରକାରୀ ଓକିଲ ନିରଞ୍ଜନ ନନ୍ଦ,ପୂର୍ବତନ ସରପଞ୍ଚ ଶେଷଦେଵ ସାହୁ,ଆଇନଜୀବୀ ସତ୍ୟନାରାୟଣ ସାହୁ ପ୍ରମୁଖ ଯୋଗ ଦେଇ ଥିଲେ।  ଆଗାମୀ ଦିନରେ ଅଞ୍ଚଳରେ ଥିବା ଅନ୍ୟ କିଛି ସମସ୍ୟା ର ସମାଧାନ ଦିଗରେ ବିଧାୟକ ପଦକ୍ଷେପ ନେବେ ଓ ଏଥିପାଇଁ  ବିଧାୟକ ଜନସାଧାରଣ ଙ୍କ ସହଯୋଗ କାମନା କରିଥିଲେ।ଅଞ୍ଚଳ ବାସୀ ଙ୍କ ଦୀର୍ଘ ଦିନ ର ଦାବି କୁ ବିଧାୟକ ଉଦ୍ୟମ ରେ ସରକାର ପୂରଣ କରିଥିବାରୁ ବିଧାୟକ ଙ୍କୁ ଜନ ସାଧାରଣ  କୃତଜ୍ଞତା  ଜଣେଇଥିଲେ। ଅନ୍ୟ ପଟେ ଉପକୋଷାଗାର ଖୋଲିବା ଦିଗରେ ସରକାର ପଦକ୍ଷେପ ନେବାକୁ ବିଧାୟକ ଙ୍କ ଦୃଷ୍ଟି ଆକର୍ଷଣ କରାଯାଇଥିଲା।ଶେଷରେ ଆଇନଜୀବୀ ଦଶରଥ ସାହୁ ଧନ୍ୟବାଦ ଅର୍ପଣ କରିଥିଲେ।ଅନ୍ୟ ମାନଙ୍କ ମଧ୍ୟରେ ରେଗଡା ସରପଞ୍ଚ ଦୀପ୍ତିରାଣୀ ସାହୁ,ବିଜେଡି ବ୍ଳକ ସଭାପତି ସୁରେନ୍ଦ୍ର ସାହୁ,ଜିଲ୍ଲା ଛାତ୍ର ବିଜେଡି ସଭାପତି ଅଜିତ କୁମାର ସାହୁ,ବ୍ଳକ ଯୁବ ବିଜେଡି ସଭାପତି ସଙ୍ଗୀତ ଭୋଇ, ବ୍ଳକ ଛାତ୍ର ବିଜେଡି ସଭାପତି ସଲିମ ଶେଖର ରଣା, ବିଜେଡ଼ି ନେତା ଶିବଲାଲ କେଡ଼ିଆ,ବିରଞ୍ଚି ରଣା, ଦୀନବନ୍ଧୁ ସାହୁ,ସୀମାଞ୍ଚଳ ଭୋଇ,ତ୍ରିସଙ୍କ ରଣା ପ୍ରମୁଖ ଉପସ୍ଥିତ ଥିଲେ| ତେବେ ପ୍ରଥମ ଦିବସରେ ୨୪ ଜଣ ଙ୍କ ଜମିକିଣାବିକା ରେଜେଷ୍ଟ୍ରି ହୋଇଥିଲା