-+91-9937148622 |
prerana_bgr@rediffmail.com |
Thursday 28th March 2024 |
R.N.I. Regd No. ODIODI/2010/46693
Breaking News
27-Mar-2023
ପୁଇଁନ୍ତଳା// ବଲାଙ୍ଗୀର ଜିଲ୍ଲା ପୁଇଁନ୍ତଳା ବ୍ଲକ ରଣ୍ଡା ଗ୍ରାମର ଜଗନ୍ନ୍ାଥ ମନ୍ଦିର ପ୍ରତିଷ୍ଠା ଦିବସ ଅବସରରେ ଆଜି ଏକ ଭବ୍ୟ କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଏଥିରେ ଗ୍ରାମର ଶତାଧିକ ମହିଳା ଯୋଗ ଦେଇ ଜଗନ୍ନାଥ ମନ୍ଦିରରୁ ବାହାରି ଗାଁ ମୁଣ୍ଡ ଦେଉଳ ବନ୍ଧ ରୁ ପୂର୍ଣ୍ଣ କଳସ ଆଣି ଯଜ୍ଞମଣ୍ଡପରେ ସ୍ଥାପନ କରିଥିଲେ । କଳସ ଶୋଭାଯାତ୍ରା ଅବସରରେ ଘଣ୍ଟବାଦ୍ୟ ଓ ଭଜନ କୀର୍ତ୍ତନ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ମନ୍ଦିର ପ୍ରତିଷ୍ଠା ଉତ୍ସବ ପାଇଁ ଆସନ୍ତା ୨ ତାରିଖ ପର୍ଯ୍ୟନ୍ତ ବିଭିନ୍ନ ଆଧ୍ୟାତ୍ମିକ କାର୍ଯ୍ୟକ୍ରମ ଅନୁଷ୍ଠିତ ହେବ । ପୂଜକ ଭାବରେ ଗୋକୁଳା ମିଶ୍ର ସମସ୍ତ ପୂଜାକାର୍ଯ୍ୟ ସଂପାଦନ କରିଥିଲେ । ପୂଜା କର୍ତ୍ତା ଭାବରେ କୃଷ୍ଣଚନ୍ଦ୍ର ସିଂହ ଓ ତାଙ୍କ ସହଧର୍ମିଣୀ ପ୍ରତିଭା ସିଂହ, ସତ୍ୟନାରାୟଣ ପଣ୍ଡା ଓ ତାଙ୍କ ସହଧର୍ମିଣୀ ଏବଂ ଆନନ୍ଦ ବିଶ୍ୱାଲ ଓ ତାଙ୍କ ସହଧର୍ମିଣୀ ଦାୟିତ୍ୱ ତୁଲାଇ ଥିଲେ । ଯଜ୍ଞ କମିଟିର ବୀରକିଶୋର ସାହୁ, ଅର୍ଜୁନ ସାହୁ, ଜଳନ୍ଧର ସାହୁ, , ନାରାୟଣ ବିଶ୍ୱାଲ, ବଳଦେବ ସାହୁଙ୍କ ସମେତ ସମସ୍ତ ଗ୍ରାମବାସୀ ସହଯୋଗ କରିଥିଲେ ।