25-Dec-2022

ବଲାଙ୍ଗୀର(ପ୍ରେରଣା ଖବର)// ଆଜି ସ୍ଥାନୀୟ ସାମ୍ବାଦିକ ଭବନ ଠାରେ ରାଜ୍ୟ ସାମ୍ବାଦିକ ସଂଘ(ଏସ୍‌ୟୁଜେ) ବଲାଙ୍ଗୀର ଶାଖା ତରଫରୁ ସାଧାରଣ ପରିଷଦ ବୈଠକ ଓ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଯାଇି । ସଭା ପ୍ରାମ୍ଭରେ ନୂଆଁପଡାର ସାମ୍ବାଦିକ  ମନୁ ତାଣ୍ଡିଙ୍କ ଅକାଳ ବିୟୋଗରେ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲା ।   ସାମ୍ବାଦିକ ରଘୁ ନନ୍ଦନ ସିଂହ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ । ଏଥିରେ ଆମନ୍ତ୍ରିତ ଅତିଥି ଭାବରେ ରାଜ୍ୟ ସାମ୍ବାଦିକ ସଂଘର ରାଜ୍ୟ ସାଧାରଣ ସଂପାଦକ ପ୍ରଶାନ୍ତ ପାଢ଼ୀ, ରାଜ୍ୟ ଉପସଭାପତି ଦୁଷ୍ମନ୍ତ ପଣ୍ଡା, ବରିଷ୍ଠ ସାମ୍ବାଦିକ ଗୋପବନ୍ଧୁ ଶତପଥୀ, ଏସ୍‌ୟୁଜେ ରାଜ୍ୟ ସମ୍ପାଦକ ତଥା ବଲାଙ୍ଗୀର ଜିଲ୍ଲା  ଆବାହକ ମହେନ୍ଦ୍ର

ଦର୍ଜି, ଓ ରାଜ୍ୟ କାର୍ଯ୍ୟକାରୀ ସଭାପତି କୀର୍ତ୍ତି ଚନ୍ଦ୍ର ସାହୁ ମଂଚାସୀନ ରହି ନିଜର ଅଭିଭାଷଣ ପ୍ରଦାନ କରିଥିଲେ । ସାମ୍ବାଦିକ ଏକତା  ଓ ଅଖଣ୍ଡତାକୁ ବଜାୟ ରଖିବା ପାଇଁ ବକ୍ତା ମାନେ ଆହ୍ୱାନ ଦେଇଥିଲେ । ସାମ୍ବାଦିକ ମାନଙ୍କ ପାଇଁ ପେନ୍‌ସନ ଓ ସ୍ୱାସ୍ଥ୍ୟ ବୀମା ପ୍ରଦାନ କ୍ଷେତ୍ରରେ ରାଜ୍ୟ ସରକାରଙ୍କ ଉଦାସୀନତା ମନୋଭାବ କୁ ନିନ୍ଦା କରାଯାଇଥିଲା । ପରେ ଏସ୍‌ୟୁଜେ ବଲାଙ୍ଗୀର ଶାଖାର ର ନୂତନ କର୍ମକର୍ତ୍ତା ଙ୍କ ନାମ ଘୋଷଣା କରାଯାଇଥିଲା । ଏସ୍‌ୟୁଜେର  ସଭାପତି ଭାବରେ ସାମ୍ବାଦିକ ଗୋପବନ୍ଧୁ ଶତପଥୀ, କାର୍ଯ୍ୟକାରୀ ସଭାପତି ଭାବରେ ରାଜକୁମାର ଦାଶ, ଉପସଭାପତି ଭାବରେ ସରୋଜ ବିଶ୍ୱାଲ, ସଂପାଦକ ଭାବେ ରଘୁ ନନ୍ଦନ ସିଂହ, ସାଧାରଣ ସଂପାଦକ ଭାବରେ ଶରତ ମହାକୁଡ, କାର୍ଯ୍ୟକାରୀ ସଂପାଦକ ଭାବରେ ନିରୋଜ ମିଶ୍ର, ରାଜ୍ୟ ସଭ୍ୟ ଭାବେ ଲୋଇସିଂହାର ବିମଳ ହୋତା କୋଷାଧ୍ୟକ୍ଷ  ଭୋବେ ସନ୍ତୋଷ ଠାକୁର ମନୋନୀତ ହୋଇଥିଲେ ।  ସଂଘର କାର୍ଯକାରୀ କମିଟିକୁ ସତ୍ୟ ନାରାୟଣ ପଟେଲ, ବାଳକୃଷ୍ଣ ଷଡଙ୍ଗୀ, ଜୟପ୍ରକାଶ ମଟାରୀ ପ୍ରମୁଖ ମନନୀତ ହୋଇଥିଲେ । ଅନ୍ୟ ମାନଙ୍କ ମଧ୍ୟରେ ସାମ୍ବାଦିକ ମହେନ୍ଦ୍ର ପ୍ରଧାନ, ବିନୋଦ ଦୀପ, ମୋତିଲାଲ ମିଶ୍ର, ରାଧାକୃଷ୍ଣ ମିଶ୍ର ପ୍ରମୁଖ ଉପସ୍ଥିତ ଥିଲେ ।  ଶେଷରେ ସାମ୍ବାଦିକ ଶରତ ମହାକୁଡ ଧନ୍ୟବାଦ ଅର୍ପଣ କରିଥିଲେ ।