24-Dec-2022

ନୟାଗଡ଼,(ପ୍ରଦୀପ କୁମାର ପଣ୍ଡା)ମୂଖ୍ୟ ଶାସନସଚିବ ଶ୍ରୀଯୁକ୍ତ ସୁରେଶ କୁମାର ମହପାତ୍ର ନୟାଗଡ଼ ଜିଲ୍ଲାର ବିଭିନ୍ନ ଉନ୍ନୟମୂଳକ କାର୍ଯ୍ୟ ର ସମୀକ୍ଷା କରି ପ୍ରତିଶୃତି ଦେଇ ଫେରିଛନ୍ତି | ଜିଲ୍ଲା ମୂଖ୍ୟ ଚିକିତ୍ସାଳୟ ର ବିଭିନ୍ନ ସମସ୍ୟା ସମ୍ପର୍କରେ ସମୀକ୍ଷା କରି ସମାଧାନର ସୂତ୍ର ତୁରନ୍ତ ଆବଶ୍ୟକ ବୋଲି କହିଥିଲେ | ତାପରେ କୁସୁମୀ ଜଳସେଚନ ପ୍ରକଳ୍ପ

ନିର୍ମାଣ କାର୍ଯ୍ୟ ତଦାରଖ କରିଥିଲେ | ଜଳସେଚନ ପାଇଁ ପାଇପ୍ ଲାଇନ୍ କାର୍ଯ୍ୟ ଯଥାଶୀଘ୍ର ଆରମ୍ଭ କରାଯିବ ବୋଲି ସୂଚନା ଦେଇ କହିଥିଲେ ଆସନ୍ତା ପାଞ୍ଚ ମାସ ମଧ୍ୟରେ ପ୍ରକଳ୍ପ

ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହେବା ଉପରେ ଗୁରୁତ୍ବ ଦିଆଯାଉ |ଉକ୍ତ ମାରାଥନ୍ ଗ୍ରସ୍ତ ରେ ଶରଣକୁଳ ଝାଡେଶ୍ୱରୀ ଇକୋ ଟୁରିଜିମ୍ , ରାମସାଗର ପାର୍କ ଏବଂ ଓଡ଼ଗାଁ ରଘୁନାଥ ଜୀଉ ମନ୍ଦିର ମଧ୍ୟ ସାମିଲ ଥିଲା | ସେବାୟତ ଏବଂ ଜନସାଧାରଣ ଙ୍କ ଦାବୀ ଅନୁଯାୟୀ ରଘୁନାଥ ଜୀଉ ମନ୍ଦିର କୁ ରୂପାନ୍ତରିତ ଯୋଜନା ରେ ସାମିଲ କରିବାପାଇଁ ତୁରନ୍ତ ପଦକ୍ଷେପ ନେବେ ବୋଲି ସୂଚନା ଦେଇଥିଲେ ମୂଖ୍ୟ ଶାସନସଚିବ | ଉକ୍ତ ମାରାଥନ୍ ଗ୍ରସ୍ତ ରେ ନୟାଗଡ଼ ଜିଲ୍ଲାପାଳ, ଡି ଏଫ୍ ଓ, ନୟାଗଡ଼ ବିଧାୟକ, ଜିଲ୍ଲାପରିଷଦ ଅଧ୍ୟକ୍ଷ, ଉପ ଜିଲ୍ଲାପାଳ ଙ୍କ ସମେତ ବିଭିନ୍ନ ବିଭାଗୀୟ ଅଧିକାରୀ ମାନେ ଯୋଗଦେଇଥିଲେ |