24-Dec-2022

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ରାଞ୍ଚି ବିଜୟୱାଡା ଜାତୀୟ ରାଜପଥର ରେଢ଼ାଖୋଲ ସହର ନିକଟ ହଳଦୀ ଘାଟ ବ୍ରିଜ ନିକଟରେ ଶନିବାର ଦିନ ୧ ଟା ସମୟରେ ବାଇକ୍ ସହ ଏକ ପିକ୍ଅପ୍ ଭ୍ୟାନ ମୁହାଁମୁହିଁ ଧକ୍କା ହୋଇଛି । ଫଳରେ ବାଇକ୍ ରେ ଥିବା ଗୋଟିଏ ପରିବାରର ୪ ଜଣ ସଦସ୍ୟ ଆହତ ହୋଇଛନ୍ତି। ଗୁରୁତର ଆହତ ମାନେ ହେଲେ ନାକଟିଦେଉଳ ବ୍ଲକ ଅନ୍ତର୍ଗତ ଘୋଷରାମାଳ ପଞ୍ଚାୟତ କ୍ଷେତ୍ରପୁର ଗ୍ରାମର ବିଜୟ ଲାକ୍ରା, ମାଧୁରୀ ଲାକ୍ରା, ଜସ୍ନା ଲାକ୍ରା, ଜିସ୍ ଲାକ୍ରା। ସୂଚନାଯୋଗ୍ୟଯେ କ୍ଷେତ୍ରପୁର ଗ୍ରାମର ଵିଜୟ ଲାକ୍ରା ତାଙ୍କ ଭଉଣୀ ଓ ଦୁଇ ଭଣଜା ଭାଣିଜି ଙ୍କୁ ଧରି ରେଢ଼ାଖୋଲ ସାପ୍ତାହିକ ବଜାରକୁ ଆସିଥିଲେ। ବଜାର ସାରି ବାଇକ୍ ଯୋଗେ ଘରକୁ ଫେରୁଥିଲେ ହେଲେ ହଳଦୀ ଘାଟ ବ୍ରିଜ ନିକଟରେ ବିପରୀତ ଦିଗରୁ ଆସୁଥିବା ଏକ ଧାନ‌ ବୋଝେଇ ପିକ୍ଅପ୍ ଭ୍ୟାନ ଦୃତ ଗତିରେ ଥିବାରୁ ଭାରସାମ୍ୟ ହରାଇ ବାଇକ୍ ସହ ମୁହାଁମୁହିଁ ଧକ୍କା ହୋଇଥିଲା। ଘଟଣାସ୍ଥଳରେ ୧୦୮ ଆମ୍ବୁଲାନ୍ସ ପହଞ୍ଚି ଗୁରୁତର ଆହତ ୪ ଜଣଙ୍କୁ ଉଦ୍ଧାର କରି ରେଢ଼ାଖୋଲ ଡାକ୍ତରଖାନାରେ ପ୍ରାଥମିକ ଚିକିତ୍ସାପରେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିବା ଜଣାପଡ଼ିଛି। ଏବଂ ପିକ୍ଅପ୍ ଭ୍ୟାନ ଗାଡ଼ିର ଡ଼୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ଘଟଣାସ୍ଥଳରେ ରେଢ଼ାଖୋଲ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରୁଥିବା ଜଣାପଡିଛି।