-+91-9937148622 |
prerana_bgr@rediffmail.com |
Saturday 18th May 2024 |
R.N.I. Regd No. ODIODI/2010/46693
Breaking News
11-Nov-2022
ଲୋଇସିଂହା, (ବିନୋଦ କୁମାର ଦୀପ) ସ୍ଥାନୀୟ ଆଦିବାସୀ ଭବନ ଲୋଇସିଂହା ଠାରେ ଅଲ୍ ଓଡିଶା ଅଙ୍ଗନବାଡି ଲେଡ଼ିଜ ୱାର୍କରସ ଏସସିଏସନ ଲୋଇସିଂହା ବ୍ଲକ ସଂଘ ତରଫରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା l ଅଙ୍ଗନବାଡି ଓ ସହାୟିକା ମାନେ ସରକାରଙ୍କ ବିଭିନ୍ନ ଯୋଜନାରେ ନିୟମିତ କାମ କରିଆସୁଛନ୍ତି l ସରକାରଙ୍କ ବିଭିନ୍ନ ଲୋକାଭିମୁଖୀ କାର୍ଯ୍ୟକ୍ରମ ତୃଣମୂଳ ସ୍ତରରେ ଲୋକଙ୍କ ପାଖକୁ ପହଂଚାଉଛନ୍ତି l ସବୁକାର୍ଯ୍ୟ ସତ୍ୱେ ସରକାର ଏମାନଙ୍କୁ ଅଣଦେଖା କରିଆସୁଛି l ଏମାନଙ୍କ ଦରମା ମାତ୍ର ୭ ହଜାର ୫ ଶହ ଟଙ୍କା l ମହଙ୍ଗା ଯୁଗରେ ସ୍ୱଳ୍ପ ଦରମାରେ ଘର ପ୍ରତିପୋଷଣ କରିବା କେତେ ଯେ କଷ୍ଟକର ତାହା ଏହି କର୍ମୀମାନେ ଅଙ୍ଗେ ନିଭାଉଛନ୍ତି l ଗ୍ରାମର ଗର୍ଭବତୀ, ପ୍ରସୂତି, କିଶୋରୀଙ୍କ ସେବା କରି ସମସ୍ତଙ୍କ
ପାଇଁ ସୁବିଧା ଯୋଗାଇ ଆସୁଛନ୍ତି ଏହି କର୍ମୀମାନ l ସରକାର ସମସ୍ତଙ୍କ ଦରମା ବଢିବ, ଖୁଵଶୀଘ୍ର ବଢିବ, ଆସନ୍ତା ବର୍ଷ ବଢିବ ଶୁଣି ସେହି ଆଶାରେ ରହି ଦୀର୍ଘବର୍ଷ ହେଲା ଅପେକ୍ଷା କରି ମଧ୍ୟ ସର୍ବ ମଜୁରୀ ମୂଲ୍ୟ ଦେଉନାହାନ୍ତି l ତେଣୁକରି ନିଜର ପାରିଶ୍ରମିକ, ନିଜର ଦରମା ବୃଦ୍ଧିକୁ ନେଇ ଓଡିଶା ମୁଖ୍ୟମନ୍ତ୍ରୀଙ୍କୁ ୨୧.୧୧.୨୦୨୨ ଦିନ ଭୁବନେଶ୍ୱରରେ ଅଲ୍ ଓଡିଶା ଅଙ୍ଗନବାଡି ଏସୋସିଏସନ
ଦାବିପତ୍ର ଦେବାପାଇଁ ଆଜି ଲୋଇସିଂହା ସିଡିପିଓ ଶ୍ରୀମତୀ ପ୍ରଜ୍ଞା ବାରିକଙ୍କ ଦ୍ୱାରସ୍ତ ହୋଇ ଲିଖିତ ଆକାରରେ ଜଣାଇଛନ୍ତି ବ୍ଲକ ସଂଘ ଅଙ୍ଗନବାଡି କର୍ମୀ ଏବଂ ସହାୟିକା l ଆଜିର ଏହି ବୈଠକରେ ଲୋଇସିଂହା ବ୍ଲକ ସଭାପତି ଯାଜ୍ଞସେନୀ କୁମ୍ଭାର, ଚଞ୍ଚଲା ମହାଲିଙ୍ଗ, ଜାନକୀ ପଟେଲ, କଲ୍ୟାଣୀ ଠାକୁର, ପୁଷ୍ପକ କନ୍ଧେର, ଉର୍ମିଳା ସାହୁ, ହରିପ୍ରିୟା ପଟେଲ, ବିଳାସିନୀ ସାହୁ, ରୋଜି, ମଞ୍ଜୁ ସହ ଅନେକ ଅଙ୍ଗନବାଡି କର୍ମୀ ଓ ସହାୟିକା ଉପସ୍ଥିତ ଥିଲେ l