10-Aug-2022

ବିନିକା(ହିମାଂଶୁ ଶେଖର ପୁଟେଲ)ଓଡ଼ିଶାର ପୂର୍ବତନ ମନ୍ତ୍ରୀ ତଥା ବୀରମହାରାଜପୁର ବିଧାୟକ ପଦ୍ମନାଭ ବେହେରା ବିନିକା ଗସ୍ତରେ ଆସି ବିନିକା ସ୍ପୋର୍ଟସ କ୍ଲବ ହଲ ଠାରେ ଖୋଲିଥିବା ସ୍ମାର୍ଟ ଲାଇବ୍ରେରୀ ପରିଦର୍ଶନ କରିବା ସହିତ ବିନିକା ଅଞ୍ଚଳ ବାସୀଙ୍କ ଏହି ଲାଇବ୍ରେରୀ ଆବଶ୍ୟକତା ନିହାତି ଥିଲା ବୋଲି କହିଥିଲେ। ଗତ ଜୁନ ୧୩ତାରିଖରେ ସୁବର୍ଣ୍ଣପୁର ଜିଲ୍ଲାପାଳଙ୍କ ଦ୍ଵାରା ଜିଲ୍ଲା ଗ୍ରନ୍ଥାଳୟ ବିନିକା ଶାଖା ଉଦ୍ଘାଟନ ହୋଇଥିଲେ ହେଁ ଅଦ୍ୟାବଧି ପ୍ରଶାସନିକ ସ୍ତରରେ କୌଣସି ଶିକ୍ଷଣୀୟ ପାଠ୍ୟ ପୁସ୍ତକ ଯୋଗାଇ ଦିଆଯାଇନଥିବା,ପାଠକଙ୍କ ପାଇଁ ପାନୀୟ ଜଳ ବ୍ୟବସ୍ଥା,ଟଏଲେଟ,ୟୁରିନାଳ,କମ୍ପୁଟର ବ୍ୟବସ୍ଥା କରାଯାଇନଥିବା ଏବଂ ବହି ବାବଦରେ ୩/୪ଲକ୍ଷ ଟଙ୍କାର ଅନୁଦାନ ଯୋଗାଇଦେବାକୁ ବିଧାୟକଙ୍କ ଦୃଷ୍ଟି ଆକର୍ଷଣ କରାଯିବାରୁ ତୁରନ୍ତ ଏ ଦିଗରେ ଜିଲ୍ଲାପାଳଙ୍କ ସହିତ

ଆଲୋଚନା କରି ପଦକ୍ଷେପ ନିଆଯିବ ବୋଲି   ବିଧାୟକ ଶ୍ରୀ ବେହେରା ପ୍ରତିଶ୍ରୁତି ଦେଇଛନ୍ତି । ପରେ ଶ୍ରୀ ବେହେରା ପାଞ୍ଚଶହ ଟଙ୍କା ଜମା କରି ସଦସ୍ୟତା ଗ୍ରହଣ କରିଥିଲେ । ବିଧାୟକଙ୍କ ଗସ୍ତ ବେଳେ ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର,ନଗରପାଳ ସୁବାସ ଚନ୍ଦ୍ର ଭୋଇ,ଉପାଧକ୍ଷା ତପସ୍ୱିନୀ ମେହେର,କାର୍ଯ୍ୟନିର୍ବାହୀ ଅଧିକାରୀ ଶ୍ରୀକୁମାର ରଥ,ବିଜେଡ଼ି ନେତା ରଞ୍ଜନ ମିଶ୍ର,ସରକାରୀ ଓକିଲ ସୁଧାଂଶୁ ଶେଖର ଦାଶ,ରଘୁନାଥ କୁମ୍ଭାର,ରଙ୍କମନି ସେବକ,କୃଷ୍ଣଚନ୍ଦ୍ର ପଣ୍ଡା,ଧର୍ମେନ୍ଦ୍ର ଥନାପତି,ଗଜିନ୍ଦ୍ର ମିଶ୍ର,ପୀତବାସ ମେହେର,କେଦାର ପଣ୍ଡା,ଗୋପୀନାଥ ପଣ୍ଡା,ଦାଶରଥି ନନ୍ଦ,ରବୀନ୍ଦ୍ର ପାତ୍ର ପ୍ରମୁଖଙ୍କ ସମେତ ପରିଷଦର ସମସ୍ତ କାଉନସିଲର,ସ୍ପୋର୍ଟସ କ୍ଲବର ସଦସ୍ୟ ଉପସ୍ଥିତ ଥିଲେ ।