11-Oct-2026

(ପ୍ରିୟଦର୍ଶିନୀ ପାତ୍ର)
କୋଷାଗୁମୁଡା ବ୍ଲକ ଅନ୍ତର୍ଗତ ପବିତ୍ର ଚିର୍ମା ମହିମା ଟୁଙ୍ଗି ରେ ଏକ ବିଶାଳ ଧର୍ମ ସଭା ଅନୁଷ୍ଠିତ ହୋଇଯାଇଛି। ମହିମା ସମାଜର ଦୁଇଶହ ବର୍ଷ ପୂର୍ତ୍ତି ଉପଲକ୍ଷେ ଏହି ପବିତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା।
ବ୍ରହ୍ମ ଅବଧୂତ ସୌଭାଗ୍ୟ ବାବାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଧର୍ମ ସଭାରେ ମଞ୍ଚ ପରିଚାଳନା କରିଥିଲେ ଗୋ ଭକ୍ତ ସର୍ବେଶ୍ୱର ପାତ୍ର।ଏହି ଅବସରରେ ମୁଖ୍ୟ ଅତିଥି ଭାବେ ଡାବୁଗାଁ ବିଧାୟକ ଶ୍ରୀ ମନୋହର ରନ୍ଧାରୀ ଓ ହିନ୍ଦୁ ମହାସଂଘ ରାଷ୍ଟ୍ରୀୟ ଅଧ୍ୟକ୍ଷ ସୂର୍ଯ୍ୟବଂଶୀ ଜୟନ୍ତ ମଞ୍ଚାସୀନ ଥିଲେ।ଏହା ସହିତ ହିନ୍ଦୁ ମହାସଂଘ କେନ୍ଦ୍ରୀୟ ମାର୍ଗଦର୍ଶକ କାର୍ତ୍ତିକ ଦାସ, ଦକ୍ଷିଣ ବିଭାଗ ହିନ୍ଦୁ ମହାସଂଘ ପ୍ରମୁଖ ଧନେଶ୍ୱର ସିଂ ଓ ପଦ୍ମିନୀ ମାଝୀ, ସାଧୁ ନରସିଂହ ଦାସ, ବୁଦ୍ଧଦେବ ଦାସ, ଡମ୍ବରୁଧର ଦାସ, ପରମାନନ୍ଦ ଦାସ, ହାଡିବନ୍ଧୁ ଦାସ, ବନମାଳୀ ଦାସ, ସତ୍ୟ ଦାସ ପ୍ରମୁଖ ମଧ୍ୟ ମଞ୍ଚାସୀନ ଥିଲେ।କୋଷାଗୁମୁଡା ସାଂସଦ ପ୍ରତିନିଧି ସୁରେଶ ପାତ୍ର ଓ ପାପଡାହାଣ୍ଡି ସାଂସଦ ପ୍ରତିନିଧି ସୋମନାଥ ପୂଜାରୀ ମଧ୍ୟ କାର୍ଯ୍ୟକ୍ରମରେ ଯୋଗଦେଇ ସାଧୁସନ୍ଥ ମାନଙ୍କୁ ସାକ୍ଷାତ କରିଥିଲେ।ନିଜ ବକ୍ତବ୍ୟରେ ଡାବୁଗାଁ ବିଧାୟକ ମହିମା ସମାଜ ଦ୍ୱାରା ଚଲାଯାଇଥିବା ମଦ ମୁକ୍ତ ଅଭିଯାନର ପ୍ରଶଂସା କରିଥିଲେ। ହିନ୍ଦୁ ମହାସଂଘ ରାଷ୍ଟ୍ରୀୟ ଅଧ୍ୟକ୍ଷ ନିଜ ବକ୍ତବ୍ୟରେ ଗୋ ସୁରକ୍ଷା ଓ ରାଷ୍ଟ୍ର ଧର୍ମର ପ୍ରସଙ୍ଗ ଉଠାଇଥିଲେ।