11-Oct-2026

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ଅନ୍ତର୍ଗତ ଝରଣିପାଲି ସରକାରୀ ପ୍ରାଥମିକ ବିଦ୍ୟାଳୟ ପ୍ରାଙ୍ଗଣରେ ଚଳିତ ବର୍ଷ ର ଆଞ୍ଚଳିକ ସାଧନ କେନ୍ଦ୍ର ସ୍ତରୀୟ ଶିଶୁମହୋତ୍ସବ ସୁରଭି କାର୍ଯ୍ୟକ୍ରମ ଆୟୋଜିତ ହୋଇ ଯାଇଛି। ଏହି କାର୍ଯ୍ୟକ୍ରମ ର ଉଦ୍ଘାଟନୀ ସଭାରେ, ସିଆରସିସି ଶ୍ରୀଅନିରୁଦ୍ଧ ଭୋଇ ଉଦ୍ଦେଶ୍ୟ ଜ୍ଞାପନ କରିଥିଲେ, ଝରଣିପାଲି ଗ୍ରାମପଞ୍ଚାୟତ ସମିତି ସଭ୍ୟ ଶ୍ରୀ ନରେଶ କୁମାର ସାହୁ ମୁଖ୍ୟ ଅତିଥି ଭାବେ ଯୋଗଦାନ ଦେଇ କାର୍ଯ୍ୟକ୍ରମ ର ଶୁଭ ଉଦ୍ଘାଟନ କରି ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ।ସିଆରସିସି ଙ୍କ ଦ୍ୱାରା ଆଯୋଜିତ ଏହି କାର୍ଯ୍ୟକ୍ରମ ର ସଂଚାଳନ ଶିକ୍ଷକ ପ୍ରମୋଦ କୁମାର ସାହୁ କରିଥିଲେ। ଏହି ସୁରଭି କାର୍ଯ୍ୟକ୍ରମ ରେ କୁଇଜ଼, ପ୍ରବନ୍ଧ ଲିଖନ, ଚିତ୍ରାଙ୍କନ, ବକୃତା,ସୃଜନାତ୍ମକ ଲିଖନ, ଶୃତଲିଖନ, ଶିଳ୍ପକଳା, ଚିତ୍ରକଳା,ଗଣିତ ଦୌଡ, ଗଣିତ କୁଇଜ଼, ଗଳ୍ପ କଥନ, ଆଦି ପ୍ରତିଯୋଗିତା ରେ ଝରଣିପାଲି କ୍ଲଷ୍ଟର ଅନ୍ତର୍ଗତ ସମସ୍ତ ବିଦ୍ୟାଳୟ ରୁ ଏଫ ଏଲ ଏନ ଗ୍ରେଡ, ଜୁନିଅର ଓ ସିନିଅର ବିଭାଗରୁ ପ୍ରାୟ 200ରୁ ଉର୍ଦ୍ଧ୍ୱ ପ୍ରତିଯୋଗୀ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ଶ୍ରୀ ପ୍ରମୋଦ କୁମାର ସାହୁଙ୍କ ସଭାପତିତ୍ୱ ରେ ଅନୁଷ୍ଠିତ ଉଦଯାପନୀ ଉତ୍ସବ ରେ ଝରଣିପାଲି ଗ୍ରାମପଞ୍ଚାୟତ ସରପଞ୍ଚ ଶ୍ରୀମତୀ ସୁନିତା ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ କୃତି ଛାତ୍ରଛାତ୍ରୀ ଙ୍କୁ ପୁରସ୍କୃତ କରିଥିଲେ। ଝରଣିପାଲି ହାଇସ୍କୁଲ ପ୍ରଧାନ ଶିକ୍ଷକ ମନୋରଞ୍ଜନ ସାହୁ, କେନ୍ଦ୍ର ସ୍କୁଲ ପ୍ରଧାନ ଶିକ୍ଷକ ଶ୍ରୀ ବିକ୍ରମ ପୁଟା, ଝରଣିପାଲି ଉପ୍ରା ବିଦ୍ୟାଳୟ ପ୍ରଧାନଶିକ୍ଷକ ରଞ୍ଜନ କୁମାର ସାହୁ, ବରିଷ୍ଠ ଶିକ୍ଷକ ଗଜିନ୍ଦ୍ର ବାରିକ ଓ କେନ୍ଦୁମୁଣ୍ଡି ଉପ୍ରା ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଝରଣା ଗଡ଼ତ୍ୟା ମଂଚାସୀନ ଥିଲେ,ଶିକ୍ଷକ ମୋହନ ତାଣ୍ଡି ମଞ୍ଚ ସଂଯୋଜନା କରିଥିବା ବେଳେ ଶିକ୍ଷକ ଦୟାନିଧି ସାହୁ ଧନ୍ୟବାଦ ଅର୍ପଣ କରିଥିଲେ।ସମସ୍ତ ଶିକ୍ଷିକ ଶିକ୍ଷୟିତ୍ରୀ, ସ୍ବେଛାସେବୀ, ସ୍କୁଲ ଏସ ଏମ ସି ଙ୍କ ସହଯୋଗ ରେ ଏହି କାର୍ଯ୍ୟକ୍ରମ ର ସଫଳ ସମାପନ ହୋଇଥିଲା l