11-Oct-2026

(ପ୍ରିୟଦର୍ଶିନୀ ପାତ୍ର)
ଓଡ଼ିଶା ମାଧ୍ୟମିକ ବିଦ୍ୟାଳୟ ଶିକ୍ଷକ ସଂଘ (ଓଷ୍ଟା) ନବରଙ୍ଗପୁର ଜିଲ୍ଲାର ପଞ୍ଚମ ସାମ୍ବିଧାନିକ ସମ୍ମିଳନୀ ଗତ ୧୦ ଅକ୍ଟୋବରରେ ଶଶିରେଖା ଉଚ୍ଚ ବିଦ୍ୟାଳୟ, ମୋକିଆ ଠାରେ ଅନୁଷ୍ଠିତ ହୋଇଥିଲା।ଜିଲ୍ଲା ସମ୍ପାଦକ ଶ୍ରୀ ମିହିର କାନ୍ତି ଢାଲିଙ୍କ ଆହ୍ୱାନକ୍ରମେ ଜିଲ୍ଲା ସଭାପତି ଶ୍ରୀ ବଂଶୀଧର ଭୂୟାଁଙ୍କ ସଭାପତିତ୍ୱରେ ଅନୁଷ୍ଠିତ ଏହି ସମ୍ମିଳନୀରେ ରାଜ୍ୟ କୋଷାଧ୍ୟକ୍ଷ ଅଶୋକ ମହାପାତ୍ର, ଯୁଗ୍ମ ସମ୍ପାଦକ ଆଶୁତୋଷ ରଥ, ରାୟଗଡ଼ା ଜିଲ୍ଲା ସମ୍ପାଦକ ପ୍ରସନ୍ନ ରଥ, ରାଜ୍ୟ ଉପସଭାପତି ଅରୁଣ ବଳ, ଶିକ୍ଷାପ୍ରଦୀପ ସହସମ୍ପାଦକ ସନ୍ତୋଷ ସାହୁ ପ୍ରମୁଖ ଯୋଗ ଦେଇ "ସାମ୍ପ୍ରତିକ ଶିକ୍ଷା ବ୍ୟବସ୍ଥା ଓ ଆମେ" ବିଷୟରେ ଆଲୋଚନା କରିଥିଲେ।
ଏହି ଅବସରରେ ନୂତନ କର୍ମକର୍ତା ଚୟନ କରାଯାଇଥିଲା। ସଭାପତି ଭାବେ ପ୍ରଫୁଲ୍ଲ ଚନ୍ଦ୍ର କର୍କରା, କାର୍ଯ୍ୟକାରୀ ସଭାପତି ଦେବାଶିଷ ନନ୍ଦୀ, ସମ୍ପାଦକ ଭାବେ ମିହିର କାନ୍ତି ଢାଲି ପୁନଃ ମନୋନୀତ ହୋଇଛନ୍ତି। ଅନ୍ୟ କର୍ମକର୍ତ୍ତା ଭାବେ ଶରତ ଗିରି, ପ୍ରଭାତ ନାୟକ, ଗୀତାଞ୍ଜଳି ସାମଲ, ସୁବ୍ରତ ତ୍ରିପାଠୀ, ଅକ୍ଷୟ ଜେନା ଓ ସୁଭଦ୍ରା ବୈରାଗୀ ମନୋନୀତ ହୋଇଛନ୍ତି।
ଶେଷରେ ଆଦର୍ଶ ବିଜ୍ଞାନ ଶିକ୍ଷକ ବଦ୍ରି ନାରାୟଣ ବିଶ୍ୱାଳଙ୍କୁ ସମ୍ବର୍ଦ୍ଧିତ କରାଯାଇଥିଲା।