21-Jan-2026

ବଲାଙ୍ଗୀର-ବଲାଙ୍ଗୀର ଜିଲ୍ଲାରେ ଅଭାବୀ ଧାନବିକ୍ରୀ ହେଉଥିବା ସହ ପେକ୍ସମାନଙ୍କରେ ଫଲ୍ସଏଣ୍ଟ୍ରି ହେଉଥିବା ଅଭିଯୋଗ ହେଉଛି । ଏପରିକି ଦଲାଲଙ୍କ ଧାନଗାଡି ସିଧାସଳଖ ମିଲକୁ ଯାଉଥିବା ଓ ସେହି ଧାନକୁ ପେକ୍ସରେ ଫଲ୍ସ ଏଣ୍ଟ୍ରି କରାଯାଉଥିବା ସ୍ପଷ୍ଟ ହୋଇଛି । ତେବେ ବଲାଙ୍ଗୀର ସୋନପୁର ରାସ୍ତାର ଭଦ୍ରାପାଲିଠାରେ ଥିବା ଏକ ରାଇସମିଲକୁ ଗତକାଲି ସିଧାସଳଖ ଧାନଗାଡି ପଶୁଥିବା ବେଳେ ଧରାପଡି ଥିଲା । କିନ୍ତୁ ଜଣେ ଚାଷି ଟୋକନ ଦେଖାଇବାରୁ ସେହିଗାଡିକୁ ବଲାଙ୍ଗୀର ଏସିଏସଓ ଶରତ ରାଉତ ଛାଡିଦେଇଥିବା ଜଣାପଡିଛି । ତେବେ ସିଧାସଳଖ ଧାନଗାଡି ମିଲକୁ ପଶୁଥିବା ଓ ଏହାକୁ ଯାଞ୍ଚ ବାହାନାରେ ଏସିଏସଓ ଏକ ବଡଧରଣର ବ୍ଲାକଡିଲ କରି ଗାଡିକୁ ଛାଡିଦେଇଥିବା ଅଭିଯୋଗ ହେଉଛି । ଚାଷିମାନେ ଅଭିଯୋଗ କରିଛନ୍ତି ଯେ,ତାଙ୍କର ଟୋକନ ଆସିଥିଲେ ହେଁ ତାହାକୁ ଜାମଗାଁ ପେକ୍ସରେ କିଣାଯାଉନାହିଁ । କିନ୍ତୁ କେତେକ ଦଲାଲ କମଦରରେ ଧାନ କିଣି ତାକୁ ଜାମାଗାଁ ପେକ୍ସରେ ଫଲ୍ସ ଏଣ୍ଟ୍ରି କରାଉଛନ୍ତି । ମିଲର୍ସ-ଦଲାଲ ଓ ପେକ୍ସ ସଂପାଦକ ଙ୍କ ମଧୁଚନ୍ଦ୍ରିକାରେ ଚାଷିମାନେ ହଇରାଣ ହରକତ ହେଉଛନ୍ତି । ପେକ୍ସ ପଏଣ୍ଟରେ ଚାଷି ଧାନ ପହଞ୍ଚାଇଲେ ହେଁ ତାଙ୍କ ଧାନ କିଣାନଯାଇ ଦଲାଲଙ୍କ ଧାନକୁ ମିଲ ପର୍ଯ୍ୟନ୍ତ ପହଞ୍ଚାଇ ପରେ ତାକୁ ଫଲ୍ସ ଏଣ୍ଟ୍ରି କରାଯାଉଛି । ଜେମାଗାଁ,ସାଉନ୍ତପୁର ଓ ବଲେଇସର୍ଡା ପେକ୍ସ ଏପରି ତନିଟି ପେକ୍ସର ପରିଚାଳନା ଦାୟିତ୍ୱ ଜଣେ ମାତ୍ର ସଂପାଦକ କରୁଛନ୍ତି । ସୁଦର୍ଶନ ଭୋଇ ନାମକ ଜଣେ ପେକ୍ସସଂପାଦକ ଏହି ତନିଟି ପେକ୍ସ ଦାୟିତ୍ୱରେ ରହିଛନ୍ତି । ଜଣେ ମାତ୍ର ପେକ୍ସସଂପାଦକ କିଭଳି ତିନିଟି ପେକ୍ସକୁ ପରିଚାଳନା କରୁଛନ୍ତି ଓ ସମବାୟ ବିଭାଗ କିଭଳି ଜଣେ ସଂପାସକଙ୍କୁ ତିନିଟି ପେକ୍ସର ଦାୟିତ୍ୱ ଦେଇଛନ୍ତି ତାହା ତଦନ୍ତ ସାପେକ୍ଷା । ତେବେ ମଙ୍ଗଳବାର ଧରାପଡିଥିବା ଗାଡିର ଟ୍ରାନ୍‌ଜିଟପାସ ନଥିବା ବେଳେ ଧରାପଡିଲା ପରେ ମଙ୍ଗଳାମୁଣ୍ଡାର ଜଣେ ଚାଷିଙ୍କର କହି ତାହାର ଟୋନ ଥିବା କହି ଗାଡିକୁ ଛାଡିଦେଇଥିଲେ । ମିଲର ସହିତ ଏକ ବଡଡିଲ କରି ଏସିଏସଓ ଶରତ ରାଉତ ଏହି କାରନାମା କରିଥିବା ଅଭିଯୋଗ ହୋଇଛି । ତେବେ ଏଠି ପ୍ରଶ୍ନଉଠୁଛି ଯେ,ଚାଷିଙ୍କର ଟୋକନ ଥିଲେ ସେ ସିଧାସଳଖ ମିଲକୁ ଧାନ ପକାଇପାରିବ କି? ଯଦି ନାହିଁ ତାହେଲେ ଏହି ଧାନଗାଡିକୁ ଛଡାଗଲା କାହିଁକି? ଏନେଇ ଜାମଗାଁ ପେକ୍ସ ଦାୟିତ୍ୱରେ ଥିବା ସୁଦର୍ଶନ ଭୋଇଙ୍କୁ ପଚାରିବାରୁ ଆମେ ପେକ୍ସକୁ ଧାନ ନଆଣି ଜଣେ ଚାଷି ନେଉଥିବା ଶୁଣିଛୁ । କିନ୍ତୁ ଆମେ ବିଷୟରେ ବିଶେଷ କିଛି ଜାଣିନାହୁଁ ବୋଲି କହିଛନ୍ତି । କିନ୍ତୁ ସେପଟେ ଏସିଏସଓ ଶରତ ରାଉତଙ୍କୁ ପଚାରିବାରୁ ସେ କହିଛନ୍ତି ଯେ, ମଙ୍ଗଳମୁଣ୍ଡାର ଚାଷି ପିତାମ୍ବର ପଧାନଙ୍କ ସେହି ଧାନ ଥିଲା । ତାଙ୍କର ଦୁଇଟି ଟୋକନରେ ୧୭୫କ୍ୱିଣ୍ଟାଲ ଓ ୩୮ କ୍ୱିଣ୍ଟାଲ ଧାନ ବିକିବାର ଥିଲା । ସେ ଟୋକନ ଦେଖାଇଲା ପରେ ଆମେ ଗାଡିକୁ ଛାଡିଦେଇଥିଲୁ ବୋଲି କହିଛନ୍ତି । ତେବେ ଗାଡିରେ କେବଳ ଏତକି ଧାନ ନୁହେଁ ମୋଟ ୩୦୦ ପେକେଟ ଧାନ ଥିବା କୁହାଯାଉଛି । ଦଲାଲ ଧାନ ଆଣି ମିଲକୁ ପଏଣ୍ଟକୁ ପକାଉ ଥିଲା ଓ ପରେ ସଲାସୁତୁରାରେ ପେକ୍ସରେ ତାହା ଫଲ୍ସଏଣ୍ଟ୍ରି ହୋଇଥାନ୍ତା ବୋଲି କୁହାଯାଉଛି । ଜିଲ୍ଲାପାଳ ତୁରନ୍ତ ଏହାର ଏକ ପ୍ରଶାସନିକ ତଦନ୍ତ କରାଇବାକୁ ଦାବି ହେଉଛି ।