23-Dec-2025

ସୋନପୁର୨୩/୧୨(ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ଭାରତ ସ୍କାଉଟ ଓ ଗାଇଡ ସଂସ୍ଥା ତରଫରୁ ଜିଲ୍ଲା ମୁଖ୍ୟ କମିଶନର ତଥା ଜିଲ୍ଲା ଶିକ୍ଷା ଅଧିକାରୀ ଶ୍ରୀମତୀ ମୀନାରାଣୀ ମଙ୍ଗଳଙ୍କ ନିର୍ଦ୍ଦେଶ କ୍ରମେ ୫୫ ଜଣ ପ୍ରତିଯୋଗୀ ଖୋର୍ଦ୍ଧା ଜିଲ୍ଲା ବରୁନେଇ ସ୍ଥିତ ରାଜ୍ୟ ସ୍କାଉଟ ଓ ଗାଇଡ ତାଲିମ କେନ୍ଦ୍ର ଠାରେ ଅନୁଷ୍ଠିତ ହେବାକୁ ଥିବା ୨୦ ତମ ଜାମ୍ବୋରେଟ ରେ ଯୋଗଦାନ କରିବା ପାଇଁ ତା ୨୧-୧୨-୨୦୨୫ ଦିନ ଯାତ୍ରା ଆରମ୍ଭ କରିଛନ୍ତି। ତା ୨୨-୧୨-୨୦୨୫ ରୁ ତା ୨୬-୧୨-୨୦୨୫ ପର୍ଯ୍ୟନ୍ତ ପାଞ୍ଚ ଦିନ ଧରି ଅନୁଷ୍ଠିତ ହେବାକୁ ଥିବା ଏହି କର୍ଯ୍ୟକ୍ରମ୍ ରେ ଜିଲ୍ଲା ସଂଗଠନ କମିଶନର ଅନନ୍ତର।ମ୍ ମେଣ୍ଡେଲିଙ୍କ ନେତୃତ୍ୱରେ ପଞ୍ଚାୟତ ଉଚ୍ଚ ବିଦ୍ୟାଳୟ ମାୟାବର୍ହା, ଜୟକିଶାନ ହାଇସ୍କୁଲ ହିଙ୍ଗୀମା, ସଙ୍କରା ନୋଡାଲ ହାଇସ୍କୁଲ, କର୍ତଙ୍ଗ ହାଇସ୍କୁଲ, ଅମରପାଲି କମିରା, ଯାଟେ ସିଂହା, ମରଦୁଗୁଛା ଓ  ସୋନପୁର କୋଶଳ ହାଇସ୍କୁଲ ୩୨ ଜଣ ସ୍କାଉଟ୍ ଓ ୧୮ ଜଣ ଗାଇଡ ଭାଗନେଉଛନ୍ତି।ଏମାନଙ୍କ ସହ ଅମାରପାଲି ହାଇସ୍କୁଲର ସ୍କାଉଟ୍ ମାଷ୍ଟର କହ୍ନେଇ ପ୍ରଧାନ, ମାୟାବର୍ହା ହାଇସ୍କୁଲର  ରାଜୁ ମେହେର, କୋଶଳ ହାଇସ୍କୁଲର ଗାଇଡ କ୍ୟାପଟେନ ଦିପ୍ତିମୟୀ ପାଳିଆ ଓ ମାରାଦୁଗୁଛା ହାଇସ୍କୁଲର ମମି ପଟେଲ ଯୋଗଦାନ କରିଛନ୍ତି। ପାଞ୍ଚ ଦିନ ଧରି ଅନୁଷ୍ଠିତ ହେବାକୁ ଥିବା ଏହି ଶିବିରରେ ବିଭିନ୍ନ ଜିଲ୍ଲାରୁ ପ୍ରାୟ ୨୫୦୦ ଜଣ ଯୋଗଦେଇ ମାର୍ଚ୍ଚ ପାଷ୍ଟ, କୋଲର୍ ପାର୍ଟି, ଦୁଃସାହସିକ କାର୍ଯ୍ୟକ୍ରମ, ବେଣ୍ଡ ପ୍ରତିଯୋଗିତା, ଦଳଗତ ନୃତ୍ୟ,ଗୀତ, ପ୍ରଦର୍ଶନୀ, ଗ୍ରାମୀଣ ବଜାର, ପାଏନିଓରଙ୍ଗ ପ୍ରୋଜେକ୍ଟ , ବତ୍କୃତା, କୁଇଜ୍ ଇତ୍ୟାଦି କାର୍ଯ୍ୟକ୍ରମ ରେ ନିଜ ନିଜ ପରାକାଷ୍ଠା ପ୍ରଦର୍ଶନ କରିବେ।

ସୋନପୁର ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ତଥା ଅତିରିକ୍ତ ଜିଲ୍ଲା ମୁଖ୍ୟ କମିଶନର ଘନଶ୍ୟାମ ମେହେର, ସମ୍ପାଦକ ତଥା ଜିଲ୍ଲା କ୍ରୀଡ଼ା ଅଧିକାରୀ ବାଲାଜୀ ବିଶ୍ଵନାଥ, ଜିଲ୍ଲା ତାଲିମ କମିଶନର ଦୀନବନ୍ଧୁ ପ୍ରଧାନ, ଜିଲ୍ଲା କମିଶନର ଲୋକନାଥ ମେହେର ତଥା ବିଭିନ୍ନ ବିଦ୍ୟାଳୟର ପ୍ରଧାନ ଶିକ୍ଷକ ଶୁଭକାମନା ଜଣାଇଛନ୍ତି।