13-Oct-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ସଭା ଗୃହରେ ଯୁଗ୍ମ ଅଭିଯୋଗ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି l ଏହି ଶିବିର ରେ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇଥିଲା l ସଭାରେ ମୁଖ୍ୟ ଅତିଥି ଭାବେ ବଲାଙ୍ଗୀର ଜିଲ୍ଲାପାଳ ଗୌରବ ଶିବାଜି ଇସଲୱାର ଓ ଆରକ୍ଷୀ ଅଧିକ୍ଷକ ଅଭିଲାସଜୀ  ଉପସ୍ଥିତ ଥିଲେ l ଏହା ସହିତ  ଉପ ଜିଲ୍ଲାପାଳ ଆଲୋକ କୁମାର ପଟେଲ୍ , ସି ଡି ଓ ତରଣୀସେନ ସୁନା, ବ୍ଲକ ଅଧ୍ୟକ୍ଷା ଗୀତାଞ୍ଜଳି ଦାସ  ଓ ଜିଲ୍ଲାର ପ୍ରତ୍ୟେକ ବିଭାଗର ଅଧିକାରୀ ଯୋଗ ଦେଇଥିଲେ l ଏହି ସଭାରେ ଆଗଲପୁର ପଞ୍ଚାୟତ ସମିତି ର 20 ଟି ଗ୍ରାମ ପଞ୍ଚାୟତ ର ଜନ ସାଧାରଣ ଅଭିଯୋଗ ପାଇଁ ବ୍ଲକ କାର୍ଯ୍ୟାଳୟ କୁ ଆସିଥିଲେ। ଆଜିର ଯୁଗ୍ମ ଜନ ଶୁଣାଣୀ ଶିବିର ରେ ସର୍ବମୋଟ 48 ଟି ଅଭିଯୋଗ ପଞ୍ଜିକରଣ ହେବାସହ ତା ଉପରେ ଶୁଣାଣି କରା ଯାଇଥିଲା। ବିଭାଗୀୟ ଅଧିକାରୀ ମାନେ  ଏହାର ସମସ୍ୟା ଉପରେ ଶୁଣାଣି କରିଥିଲେ ।ଏହି ଶିବିର ରେ ପଞ୍ଚାୟତ ସମିତି ର ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ରୁଦ୍ର ପ୍ରସାଦ ସୁନା ,ଆସିଷ୍ଟାଣ୍ଟ ଇଞ୍ଜିନିୟର ,କନିଷ୍ଠ ଯନ୍ତ୍ରୀ ,ସି ଡି ପି ଓ, ଜଳ ଓ ପରିମଳ ବିଭାଗ , କୃଷି ବିଭାଗ , ଉଦ୍ୟାନ ବିଭାଗ ,ଯୋଗାଣ ବିଭାଗ ,ଶିକ୍ଷା ବିଭାଗ ତଥା ଅନ୍ୟାନ୍ୟ ବିଭାଗ ର କର୍ମଚାରି ଉପସ୍ଥିତ ଥିଲେ ।

ଏହାସହ ଲୋଇସିଂହା ବ୍ଲକ ଅନ୍ତର୍ଗତ ବୁର୍ଡ। ଗ୍ରାମର ମୁକୁନ୍ଦ୍ର ସାହୁ ଙ୍କ ଏକ  ଅଭିଯୋଗ ଆସିଥିଲା। ତାଙ୍କ ନାମରେ  ପେକ୍ସ ର  ସମ୍ପାଦକ ଓ କର୍ମଚାରୀ ମାନେ 5 ଏକର ଜମି ନାମରେ କରି 65 ହଜାର ଟଙ୍କା ର ରଣ ଜାଲିଆତି କରିଥିବା ନେଇ ଏକ ସାଙ୍ଘାତିକ ଅଭିଯୋଗ ଆଣିଥିଲେ l ଟଙ୍କା ଉଠାଇ ନେଇ ଥିବା ଏହି ଅଭିଯୋଗ କୁ ଆଧାରକରି ଉଚ୍ଚ ସ୍ତରୀୟ ତଦନ୍ତ ପୂର୍ବକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚାଷୀ କୁ  ପ୍ରତିଶ୍ରୁତି ଦେଲେ ଜିଲ୍ଲାପାଳ ଶ୍ରୀ ଇସଲୱାର ମହୋଦୟ l