28-Aug-2025

ସୁବର୍ଣ୍ଣପୁର, (ମନୋରଞ୍ଜନ ତ୍ରିପାଠୀ)
 ଜିଲ୍ଲା ପୁଲିସ କାର୍ଯ୍ୟାଳୟ ଠାରେ ମୋବାଇଲ ଫେରସ୍ତ ମେଳା ଅନୁଷ୍ଠିତ ହୋଇଯାଇଛି ।  ସୁବର୍ଣ୍ଣପୁର ଏସପି ନାରାୟଣ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ମୋବାଇଲ ଫେରସ୍ତ ମେଳାରେ ଜିଲ୍ଲାର ବିଭିନ୍ନ ଲୋକଙ୍କ ଚୋରି ହୋଇଥିବା ଏବଂ ହଜିଯାଇଥିବା ୫୫ଟି ମୋବାଇଲ ଉଦ୍ଧାର କରାଯିବା ସହ ସମ୍ପୃକ୍ତ ଲୋକଙ୍କୁ ଫେରସ୍ତ କରାଯାଇଛି । ଏଥିରେ ଡୁଙ୍ଗୁରିପାଲି ଥାନାର ୧୫, ବିନିକା ଥାନାର ୧୦, ରାମପୁର ଥାନାର ୧୪, ତରଭା ଥାନାର ୮, ଲଛିପୁର ଥାନାର ୨, ସୋନପୁର ଥାନାର ୩ ଏବଂ ବୀରମହାରାଜପୁର ଥାନାର ୩ ଜଣ ଲୋକଙ୍କୁ ସେମାନଙ୍କ ମୋବାଇଲ ଫେରସ୍ତ କରାଯାଇଥିଲା । ପୋଲିସ ର ଏହି ସଫଳତାକୁ ନେଇ ହିତାଧିକାରୀ ମାନେ ଖୁସିବ୍ୟକ୍ତ କରିଥିବା ବେଳେ ପୁଲିସ କୁ ପ୍ରଶଂସା କରୁଥିବା ଦେଖାଯାଇଥିଲା । ଏଥିରେ ଅତିରିକ୍ତ ଏସପି କେକେ ହରିପ୍ରସାଦ, ସୋନପୁର ଏସଡିପିଓ ପ୍ରତାପ ଚନ୍ଦ୍ର ତ୍ରିପାଠୀ ଏବଂ ବିଭିନ୍ନ ଥାନାର ଆଇଆଇସି ପ୍ରମୁଖ ଉପସ୍ଥିତ ଥିଲେ।