06-Mar-2025

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ଶିଶୁ ବିକାଶ ପ୍ରକଳ୍ପ ଅଧିକାରୀ ଙ୍କ କାର୍ଯ୍ୟାଳୟରେ ସୁଭଦ୍ରା ସଚେତନତା ଅବସରରେ ଏକ ପଥପ୍ରାନ୍ତ ସଭା ଅନୁଷ୍ଠିତ ହୋଇଯାଇଛି l ଆଜିର ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ଆଗଲପୁର ବ୍ଲକ୍ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ ଯୋଗ ଦେଇଥିଲେ l ଏହାସହ ଆଗଲପୁର ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ଶୁଭଶ୍ରୀ ମିଶ୍ର ଙ୍କ ସଭାପତିତ୍ବ ରେ ଉକ୍ତ କାର୍ଯ୍ୟକ୍ରମ ଆୟୋଜିତ ହୋଇଥିଲା l  ଅଙ୍ଗନୱାଡ଼ି ସୁପରଭାଇଜର ଅନୁପମା ନାଏକ, ପଦ୍ମିନୀ ପାତ୍ର, ପ୍ରଫୁଲ୍ଲ କୁମାରୀ ଦୋରା, ସିନିୟର୍ ରେଭିନିଉ ଆସିଷ୍ଟାଣ୍ଟ ଶ୍ରୀ ସମୋନାଥ ମିର୍ଦ୍ଧା, ଜୁନିଅର ଆସିଷ୍ଟାଣ୍ଟ ଶ୍ରୀ ବିକାଶ ନାଏକ, ନବନିତ୍ କୁମାର ମେହେର, ପୋଷଣ ବ୍ଲକ୍ ସଂଯୋଜକ ଶ୍ରୀ ପଙ୍କଜ ମାଝୀ ମଧ୍ୟ କାର୍ଯ୍ୟକ୍ରମ ରେ ଉପସ୍ଥିତ ଥିଲେ।ମୁଖ୍ୟ ଅତିଥି ସୁଭଦ୍ରା ଯୋଜନା ରେ ମହିଳା ମାନେ କିପରି ସ୍ୱାବଲମ୍ବୀ ହୋଇ ପାରିଛନ୍ତି ତା ଉପରେ ଆଲୋକପାତ କରିଥିଲେ।

ସାଂସ୍କୃତିକ କାର୍ଯକ୍ରମ ଜରିଆରେ ସରକାରଙ୍କ ଏହି ଲୋକାଭିମୁଖୀ ଯୋଜନା ର ସଫଳ ରୂପାୟନ ସଂପର୍କରେ ଅବଗତ କରିଥିଲେ। ଆଜିର ପଥପ୍ରାନ୍ତ ସଭାରେ ବହୁ ସ୍ଵୟଂ ସହାୟକ ଗୋଷ୍ଠୀ ର ମା ମାନେ ଉପସ୍ଥିତ ଥିଲେ। ତା ସହିତ ଅଙ୍ଗନୱାଡ଼ି କର୍ମୀ ମାନେ ମଧ୍ୟ ଯୋଗ ଦେଇଥିଲେ। ଏହି ଯୋଜନା ରେ ବାଦ୍ ପଡ଼ିଥିବା ମହିଳା ମାନେ କିପରି ସାମିଲ ହୋଇ ପାରିବ ସେ ବିଷୟରେ ଅତିଥି ମାନେ ମତ ଦେଇଥିଲେ। ଓ ସମସ୍ତେ ଏହାର ଲାଭ ଉଠାନ୍ତୁ ବୋଲି ପ୍ରତିକ୍ରିୟା ରେ ପ୍ରକାଶ କରିଛନ୍ତି l