22-Jan-2025

ଯାଜପୁର(ରଞ୍ଜିତ ମହାନ୍ତି): ଯାଜପୁର ଜିଲ୍ଲାର ଦାନଗଦି ବ୍ଲକ ଅର୍ନ୍ତଗତ ଟମକା ଠାରେ ମହାଗିରୀ ପ୍ରେସ କ୍ଲବ ର ଆୟୋଜନ କ୍ରମେ ଏସୟୁଜେ ଓଡ଼ିଶା ଯାଜପୁର ଜିଲ୍ଲା ଶାଖାର ଜିଲ୍ଲା ସ୍ତରୀୟ ଆଲୋଚନାଚକ୍ର ଓ ବନ୍ଧୁ ମିଳନ କାର୍ଯ୍ୟକ୍ରମ ସଫଳତା ର ସହ ସମ୍ପନ୍ନ ହୋଇଛି। ଅର୍ଗସ ଟିଭି ର ମୁଖ୍ୟ ସମ୍ପାଦକ ସଞ୍ଜୟ କୁମାର ଜେନା, ମୁଖ୍ୟବକ୍ତା ଭାବେ ଏସୟୁଜେ ଓଡ଼ିଶାର 

ରାଜ୍ୟ ସଭାପତି କୈଳାଶ ଚନ୍ଦ୍ର ନାୟକ, ସ୍ଵତନ୍ତ୍ର ଅତିଥି ଭାବେ ଦାନଗଦି ବ୍ଲକ ବିଡ଼ିଓ ପ୍ରଦୀପ କୁମାର ସେଠୀ, ସମ୍ମାନୀତ ଭାବେ ଅତିଥି ଆଇଆଇଟି ପ୍ରଫେସର ଦୁଃଖବନ୍ଧୁ ସାହୁ, ଟାଟା ଷ୍ଟିଲ ୟୁନିଟ ହେଡ୍ ଜୟନ୍ତ କୁମାର ତ୍ରିପାଠୀ, ଜାତୀୟ ସାମ୍ବାଦିକ ୟୁନିୟନର ସ୍ଵତନ୍ତ୍ର ନିମନ୍ତ୍ରିତ ସଭ୍ୟ ଚିନ୍ତାମଣି ପାଢ଼ୀ ପ୍ରମୁଖ ଯୋଗ ଦେଇ ଥିବା ବେଳେ ଜିଲ୍ଲା ଶାଖା ସଭାପତି ସୁବାଷ ଧଳ ଅଧ୍ୟକ୍ଷତା କରିଥିଲେ। ଜିଲ୍ଲା ସାଧାରଣ ସମ୍ପାଦକ ଅବିନେଶ୍ଵର ଶତପଥୀ, ମହାଗିରୀ ପ୍ରେସ କ୍ଲବ ସଭାପତି ହରିହର ବାରିକ, ସାଧାରଣ ସମ୍ପାଦକ ମଳୟ କୁମାର ରାଉତ ପ୍ରମୁଖ ମଂଚାସୀନ ରହି "ସଙ୍କଟରେ ଗଣମାଧ୍ୟମ" ଶୀର୍ଷକ ବିଷୟବସ୍ତୁ ଉପରେ ଆଲୋଚନା କରିଥିଲେ।