21-Jan-2025

ବରଗଡ଼:(ନିରଞ୍ଜନ ତ୍ରିପାଠୀ)-ନେହେରୁ ଯୁବକେନ୍ଦ୍ର ଓ ମେରା ଭାରତ ବରଗଡ଼ ତରଫରୁ ବରଗଡ଼ ଜିଲ୍ଲା ର ବିଭିନ୍ନ ବ୍ଲକରେ ଠାରେ ଟ୍ରାଫିକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ    ସ୍ୱେଚ୍ଛାସେବୀ ମାନେ ଟ୍ରାଫିକ ନିୟମ ସଂପର୍କରେ ଲୋକମାନଙ୍କୁ ସଚେତନ କରୁଥିବା ଦେଖିବାକୁ ମିଳୁଛି । ଏକ୍ରମରେ ବିଜେପୁର ପୋଲିସ ଷ୍ଟେସନ ର ସବ ଇନିସପେକ୍ଟର ଶ୍ରୀଯୁକ୍ତ  ଜଗା ବରିହା ଅତିଥି ରୂପେ ଯୋଗ ଦେଇଥିବା ବେଳେ  ସ୍ଵେଚ୍ଛାସେବୀ ମାନଙ୍କୁ ସଡକ ସୁରକ୍ଷା ସମ୍ବନ୍ଧୀୟ ବିଭିନ୍ନ ନୀତି ନିୟମାବଳୀର ତାଲିମ ପ୍ରଦାନ କରିଥିଲେ ଓ ଅନୀଲ ସାହୁ କାର୍ଯ୍ୟକ୍ରମର ସଂଯୋଜନା କରିଥିଲେ। ଜନସଂଖ୍ୟା ଯେଉଁ ଭଳି ଭାବେ ଦ୍ରୁତ ଗତିରେ ବଢ଼ିବାରେ ଲାଗିଛି ଠିକ ସେଭଳି ଭାବେ ଆଧୁନିକ ସଭ୍ୟତାରେ ଯାନବାହାନ ମଧ୍ୟ ବଢିବାରେ ଲାଗିଛି। ରାସ୍ତାରେ ପ୍ରତିଦିନ କିଛି ନାଁ କିଛି ଦୁର୍ଘଟଣା ହେବାରେ ଲାଗିଛି । ଲୋକଙ୍କୁ ସଚେତନତା କରିବା ଲକ୍ଷ୍ୟରେ ଆମେ ବିଭିନ୍ନ ସ୍ଥାନରେ ଟ୍ରାଫିକ ସଚେତନତା କାର୍ଯ୍ୟକ୍ରମ କରି ଜନସାଧାରଣଙ୍କୁ ଟ୍ରାଫିକ ନିୟମ ସମ୍ପର୍କରେ ଜଣାଇ ଦିଆ ଯାଉଛି ବୋଲି ଆମ ପ୍ରତିନିଧିଙ୍କ ପ୍ରଶ୍ନ ଉତ୍ତରରେ ଶ୍ରୀ ସାହୁ ମତବ୍ୟକ୍ତ କରିଥିଲେ।