11-Jan-2025

ତୁରେକେଲା(ମୋହନ ସୁନା): ବଲାଙ୍ଗୀର ଜିଲ୍ଲା ତୁରେକେଲା ବ୍ଲକ୍ ପରିସରରେ ବ୍ଲକସ୍ତରୀୟ ଦିନିକିଆ ଲୋକ ମହୋତ୍ସବ ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ତୁରେକେଲା ବ୍ଲକ ଅଧ୍ୟକ୍ଷା ପୂଜା ବେହେରା ଯୋଗଦେଇଥିବା ବେଲେ ସମ୍ମାନିତ ଅତିଥି ଭାବେ ତୁରେକେଲା ବ୍ଲକ ବିଡ଼ିଓ ପୂର୍ଣାନନ୍ଦ ପଟେଲ୍, ତୁରେକେଲା ବ୍ଲକ କଲାକାର ସଂଘ ଉପ ସଭାପତି କାର୍ତ୍ତିକେଶ୍ବର ସାହୁ, ଉପାଧ୍ୟକ୍ଷା ଧନମତୀ ଖୁରା, ସାହିତ୍ୟ କବି ବିରଞ୍ଚିନାରାୟଣ ଦାସ, ତୁରେକେଲା ସରପଞ୍ଚ ଜଳନ୍ଧର ମାହାକୁଡ, ସମିତି ସଭ୍ୟ ପ୍ରମୋଦ ମାହାପାତ୍ର ପ୍ରମୁଖ ମଞ୍ଚାସିନଥିଲେ। ଏହି ଲୋକ ମହୋତ୍ସବ ରେ ବ୍ଲକ୍ ର ମୋଟ ଶହେ ରୁ ଉର୍ଦ୍ଧ ଦଳ ଅଂଶ ଗ୍ରହଣ କରିଥିଲେ। ମହୋତ୍ସବରେ ମନୋନୀତ ଦଳ ଜିଲ୍ଲା ମହୋତ୍ସବରେ ଅଂଶ ଗ୍ରହଣ କରିବେ ବୋଲି ବିଡିଓ ଶ୍ରୀ ପଟେଲ୍ ସୂଚନା ଦେଇଥିଲେ। ମହୋତ୍ସବ ର ଅଂଶ ଗ୍ରହଣ କରିଥିବା ଦଳ ଚୟନ ର ଜଜ୍ ଭାବେ ହରିଶ ଚନ୍ଦ୍ର ବାରିକ ଅମିଲ ପଟେଲ୍ ଭକ୍ତ ବନ୍ଧୁ ମେହେର ଜଳନ୍ଧର ମହାଖୁଡ କର୍ତିକେଶ୍ୱର୍ ସାହୁ କାର୍ଯ୍ୟ ତୁଲାଇଥିଲେ। କଳାକାର ତଥା ସାମ୍ବାଦିକ ତୁଳସୀ ଜଗତ ମଞ୍ଚ ପରିଚାଳନା କରିଥିଲେ। ଏହି ମହୋତ୍ସବ ରେ ସାମ୍ବାଦିକ ଗୁରୁ ଦୟାଲ ହଂସ,ପୁଷ୍ପକେତୁ ବେହେରା ରୋହନ କୁମାର ମହତ୍, କୁର୍ତିକର ବାଗ,ମୋହନ ସୁନା ଙ୍କୁ ପୁଷ୍ପଗୁଚ୍ଛ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରା ଯାଇଥିଲା। ଏହି ମହୋତ୍ସବ କୁ ବ୍ଲକ୍ ସାମାଜିକ ଅଧିକାରୀ ହେମାନନ୍ଦ ବିଶ୍ବାଳ ସହ ବ୍ଲକ୍ ର ଅନ୍ୟ ସମସ୍ତ କର୍ମଚାରୀ ସହଯୋଗ କରିଥିଲେ।