04-Nov-2024

ବଲାଙ୍ଗିର: ଆଜି ସଦର ମହାକୁମା ସ୍ଥିତ ସ୍ଥାନୀୟ ଐତ୍ୟିହ ସମ୍ପର୍ନ୍ନ ବଲାଙ୍ଗୀର ପୃଥ୍ୱୀରାଜ ଉଚ୍ଚବିଦ୍ୟାଳୟରେ ରାଜ୍ୟସ୍ତରୀୟ ସ୍କୁଲ ସମୂହ ଫେନ୍ସିଂ,ଉଷୁ, ଥାଙ୍ଗ ଟା ଓ ଟେବୁଲ୍ ଟେନିସ ପ୍ରତିଯୋଗିତା ଉଦଯାପିତ ହୋଇଯାଇଛି l ଉଦଯାପନୀ ଉତ୍ସବ ଜିଲ୍ଲା ଶିକ୍ଷା ଅଧିକାରୀ ଧ୍ରୁବ ଚରଣ ବେହେରାଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି l ଏହି ଉତ୍ସବରେ ବଲାଙ୍ଗୀର ଜିଲ୍ଲା ଆଇନ୍ ସେବା ପ୍ରାଧିକରଣ ସଂପାଦକ ପବିତ୍ରାନନ୍ଦ ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇ ଛାତ୍ରଛାତ୍ରୀ ଜୀବନର ଅଭିଜ୍ଞତା କହିବା ସlଙ୍ଗେ ସାଙ୍ଗେ ପିଲାମାନଙ୍କର ଖେଳୁଆଡ଼ 

ମନୋବୃତ୍ତିକୁ ଆଗକୁ ବଢ଼ଇବା ପାଇଁ ପ୍ରେରଣା ଦେଇଥିଲେ l ସଭାର ସଭାପତି ଧ୍ରୁବ ଚରଣ ବେହେରା କହିଥିଲେ ଯେ ଆବେଗ ଓ ଶ୍ରଦ୍ଧା ଦ୍ଵାରା କ୍ରୀଡାକୁ ଆଗକୁ ନିଆଯାଇ ପାରିବ । ରାଜ୍ୟ କ୍ରୀଡ଼ା  ଉପନିର୍ଦେଶକ ଜ୍ୟୋତି ପ୍ରସାଦ ପରିଡା ପ୍ରତିଯୋଗିତାର ଉଦ୍ଦେଶ୍ୟ ଓ ବିବରଣୀ ପ୍ରଦାନ କରିଥିଲେ l ଜାତୀୟ କ୍ରୀଡା ପ୍ରତିଯୋଗିତାର ଆଗାମୀ ଦିନର ସୂଚୀର  ସୂଚନା ଦେଇଥିଲେ । ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ ବିଜୟାନନ୍ଦ ସେଠୀ ସମ୍ୱାନୀତ ଅତିଥି ଭାବେ ଯୋଗଦେଇ କହିଥିଲେ ଆଜି କ୍ରୀଡ଼ାକୁ ବୃତ୍ତି ଭାବରେ ଗ୍ରହଣ କରାଯାଇ ପାରେ । ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ କେଶବ ମେହେର ଏବଂ ସମ୍ବଲପୁର ଜିଲ୍ଲା କ୍ରୀଡା ଅଧିକାରୀ ସୁଜାତା ପଟ୍ଟନାୟକ ସମ୍ୱାନିତ ଅତିଥି ଭାବରେ ଯୋଗ ଦେଇଥିଲେ। ପୃଥ୍ୱୀରାଜ ହାଇସ୍କୁଲର ପ୍ରଧାନଶିକ୍ଷକ ସନ୍ତୋଷିନୀ ସେଠୀ ସ୍ଵାଗତ ସମ୍ଭାଷଣ ଦେଇଥିଲେ। ବଲାଙ୍ଗିର ଜିଲ୍ଲା କ୍ରୀଡା ଅଧିକାରୀ ପ୍ରଦୀପ କୁମାର ପାତ୍ର ଆଜିର ସଭାରେ ଧନ୍ୟବାଦ୍ ଅର୍ପଣ କରିଥିବା ବେଳେ ହେମନ୍ତ ପ୍ରଧାନ ମଞ୍ଚ ପରିଚାଳନା କରିଥିଲେ l ଏଇ ରାଜ୍ୟସ୍ତରୀୟ ପ୍ରତିଯୋଗିତାର ଫେନ୍ସିଂ ପ୍ରତିଯୋଗିତାରେରେ ବଲାଙ୍ଗୀର ଦଳ ଚାମ୍ପିଅନ, ଊଷୁ ପ୍ରତିଯୋଗିତାରେ କେନ୍ଦୁଝର, ଥାଙ୍ଗ ଟା ରେ ବଲାଙ୍ଗିର ଏବଂ ଟେବଲ୍ ଟେନିସରେ ୧୪ ବର୍ଷରୁ କମ ବାଳକରେ କଟକ, 

୧୭ ରୁ କମ ବାଳକରେ କୋରାପୁଟ ଏଵଂ ୧୭ ରୁ କମ ବାଳିକା ବର୍ଗରେ ଭୁବନେଶ୍ଵର ଦଳ ଚାମ୍ପିଅନ ହୋଇଥିଲେ। ଏଇ ରାଜ୍ୟସ୍ତରୀୟ  ପ୍ରତିଯୋଗିତାରେ ମୋଟ ୧୭  ଟି ଜିଲ୍ଲାର ୧୫୧ ବାଳକ ପ୍ରତିଯୋଗୀ ୧୩୨ ବାଳିକା ପ୍ରତିଯୋଗୀ ୪୯ ଜଣ ଟିମ୍ ମ୍ୟାନେଜର ଓ କୋଚ ଏବଂ ୩୦ ଜଣ ସହ  ପରିଚାଲକ ଏମିତି ମୋଟ ରେ ୩୬୨ ଜଣ ଯୋଗ ଦେଇଛନ୍ତି l ଆଜିର ଉଦଘାଟନି ଉତ୍ସବକୁ ରାଜ୍ୟ ତଥା ଜିଲ୍ଲା ର ସମସ୍ତ ଅଫିସିଆଲ୍ ସହଯୋଗ କରିଥିଲେ l