28-Oct-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲାର ଜିଲ୍ଲାସ୍ତରୀୟ ଅନୁସୂଚୀତ ଜାତି ଓ ଅନୁସୂଚିତ ଜନଜାତି, ସରକାରୀ କର୍ମଚାରୀ ସମନ୍ୱୟ ପରିଷଦ ର ଏକ ବାର୍ଷିକ ସମ୍ମିଳନୀରେ ୨୦୨୪ ସ୍ଥାନୀୟ ଫୁଲବାଣୀ ସ୍ଥିତ ଗାନ୍ଧୀ ସ୍ମୃତି ଭବନ ଠାରେ  ଅନୁଷ୍ଠିତ ହୋଇଯାଇଛି । ଜିଲ୍ଲା ସଭପତି ଶ୍ରୀ ସୁଜନ ବେହେରା ଙ୍କ ସଭାପତିତ୍ୱରେ ରେ ଅନୁଷ୍ଠିତ ହୋଇଥିଲା। ଏହି ସମ୍ମିଳନୀର  ମୂଖ୍ୟ ଉଦେଶ୍ୟ ଥିଲା ସମ୍ବିଧାନ ପ୍ରଣୀତ ଆଇନ୍ ଅନ୍ତର୍ଗତ ଅନୁସୂଚୀତ ଜାତି ଓ ଅନୁୂଚିତ ଜନଜାତି ସରକାରୀ କର୍ମଚାରୀ ମାନେ କିପରି ନିଯୁକ୍ତି ପଦନ୍ନତି ଓ ଅନ୍ୟାନ୍ୟ ସୁବିଧା ରୂ ବଞ୍ଚିତ ହେଉଛନ୍ତି ତାହା କିପରି ଆଗମୀ ଦିନରେ ସରକାରଙ୍କ ଦୃଷ୍ଟି ଆକର୍ଷଣ କରାଯାଇପାରିବ ବୋଲି  ସଭାପତି ଶ୍ରୀ ସୁଜନ ବେହେରା ଓ ସଂପାଦକ ଶ୍ରୀ କୈଳାସ କହଁର, ଉପଦେଷ୍ଟା ଶ୍ରୀ ଗଣେଶ ନାୟକ ଆଲୋଚନା କରିଥିଲେ । ଯଦି ସରକାର ଆଗମୀ ଦିନରେ ଅନୁସୂଚୀତ ଜାତି ଓ ଅନୁୂଚିତ ଜନଜାତି ସରକାରୀ କର୍ମଚାରୀ ମାନଙ୍କ  ନ୍ୟାର୍ଯ୍ୟ ଦାବୀ  ସମ୍ବିଧାନିକ ଆଇନ ପ୍ରକାରେ  ପୁରଣ କରିବାରେ ଅବହେଳା କରନ୍ତି ତାହେଲେ ରାଜ୍ୟରେ ଥିବା ସମସ୍ତ ଅନୁସୂଚୀତ ଜାତି ଓ ଅନୁୂଚିତ ଜନଜାତି ସରକାରୀ କର୍ମଚାରୀମାନେ ସରକାର ଙ୍କ ବିରୋଧରେ ସ୍ୱର ଉତ୍ତୋଳନ କରିବାକୁ ବାଧ୍ୟ ହେବେ ବୋଲି ସମ୍ମିଳନୀରେ ସୁଚନା ଦେଉଥିଲେ। ଏହି ସମ୍ମିଳନୀରେ  ମାନ୍ୟବର ବିଧାୟକ ବାଲିଗୁଡା ଶ୍ରୀଯୁକ୍ତ ଚକ୍ରମଣି କହଁର ମୁଖ୍ୟ ଅତିଥି ରୂପେ ଏବଂ ମାନ୍ୟବର ବିଧାୟକ ଜି. ଉଦୟଗିରି ଶ୍ରୀଯୁକ୍ତ ପ୍ରଫୁଲ୍ଲ କୁମାର ମଲ୍ଲିକ ସମ୍ମାନିତ ଅତିଥି ରୂପେ ଯୋଗଦାନ କରିଥିଲେ । ତତ୍ ସହିତ  ଗିରିଧାରୀ ରାଜ୍ୟ ସଂଘ ର ସଂପାଦକ ( ନିଯୁକ୍ତି ବିଭାଗ) ଏବଂ   ବିଶିକେସନ ବାଘ୍ ଯୋଗଦାନ କରି ସରକାରୀ କର୍ମଚାରୀଙ୍କ ବିଭିନ୍ନ ସମସ୍ୟା ସମ୍ବନ୍ଧ ରେ ଆଲୋକ ପାତ କରିଥିଲେ । ଉକ୍ତ ସମ୍ମିଳନୀରେ ଜିଲା ର  ୧୨ ଟି ବ୍ଲକ ରୁ  ୪୦୦ ରୁ ଅଧିକ ସରକାରୀ କର୍ମଚାରୀ  ୪୨ ଟି ବିଭାଗ ରୁ ଯୋଗଦାନ୍ କରି ନିଜ ନିଜର ମତ ପ୍ରକାଶ କରିଥିଲେ।   ଏହି ସମ୍ମିଳନୀରେ ବିଶିଷ୍ଠ ଆଇନଜୀବୀ ଆଦିବାସୀ ନେତା ଲମ୍ବୋଦର କହଁର ଏହିଭଳି କାର୍ଯ୍ୟକ୍ରମ ଖୋଲା ମଞ୍ଚରେ କଲେ ସମସ୍ତ ଲୋକ ଜ୍ଞାତ ହେବେ ବୋଲି ପ୍ରକାଶ କରିଥିଲେ।ସେହିଭଳି ଘରେ ଘରେ ସମ୍ବିଧାନ ପୁସ୍ତକ ଟିକୁ ରଖି ପଢିବା ପାଇଁ ବରିଷ୍ଠ ଆଇନଜୀବୀଓ ବିଶିଷ୍ଟ ସମାଜସେବୀ ଶ୍ରୀ  ସତ୍ୟ ନାରାୟଣ ବେହେରା ଉକ୍ତ ବୈଠକରେ ଉଦବୋଧନ ଦେଇ ସମସ୍ତ ସରକାରୀ କର୍ମଚାରୀ ଙ୍କୁ ଉତ୍ସାହିତ କରିଥିଲେ। ଉକ୍ତ ସମ୍ମିଳନୀ କୁ ଶ୍ରୀ ସୁର ପ୍ରସାଦ ନାୟକ,ଶିକ୍ଷକ ନେତା ଶ୍ରୀ ସୁକାନ୍ତ କୁମାର ବେହେରା ଓ ଏବଂ ଏବଂ ସୁନାମ ଧନ୍ୟ ବରିଷ୍ଠ ଶିକ୍ଷକ ତଥା କବି କାବିକ, ଗାଳ୍ପିକ ଶ୍ରୀ ବିଦେଶୀ ନାୟକ  ସଭା ମଞ୍ଚ ସୁନ୍ଦର ଭାବେ ପରିଚାଳନା କରିଥିଲେ।ପ୍ରତ୍ୟେକ ଜିଲ୍ଲାରେ ଏହିଭଳି ସଂଗଠନ କାରାଯାଇ  ରାଜ୍ୟବ୍ୟାପି ଏକତ୍ର ହେବାପାଇଁ ଆହ୍ବାନ ଦେଇଥିଲେ। ଉକ୍ତ କାର୍ଯ୍ୟକ୍ରମରେ  ସାମ୍ବାଦିକ ମାନଙ୍କୁ ମଧ୍ୟ ଉପୋଢକନ ଦେଇ ସମ୍ବର୍ଦ୍ଧିତ କରାଯାଇଥିଲା ।