24-Oct-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ) କନ୍ଧମାଳ ଜିଲ୍ଲାରେ ୟୁନିସେଫ୍ ଏବଂ ଜିଲ୍ଲା ସାମାଜିକ କଲ୍ୟାଣ ବିଭାଗ ସହଯୋଗରେ  ଜିଲ୍ଲାରେ ଅତିଶୟ ପୃଷ୍ଟିହୀନ(ସାମ୍ଏସ୍ଏଏମ୍) ପରି ଗୁରୁତ୍ଵପୂର୍ଣ୍ଣ ସମସ୍ୟାର ସମାଧାନ ପାଇଁ ଏକ ମିଡିଆ ରାଉଣ୍ଡ୍ ଟେବୁଲ୍‌ର ଆୟୋଜନ କରାଯାଇଥିଲା। କନ୍ଧମାଳର ଜିଲ୍ଲା ପରିଷଦ ସମ୍ମିଳନୀ ହଲରେ ଆୟୋଜିତ ଏହି କାର୍ଯ୍ୟକ୍ରମରେ ବିଭିନ୍ନ ଗଣମାଧ୍ୟମ ପ୍ରତିନିଧୁ, ନୀତି ନିର୍ମାତା ଏବଂ ସ୍ବାସ୍ଥ୍ୟ ବିଶେଷଜ୍ଞମାନେ ଏକତ୍ରିତ ହୋଇଥିଲେ । ଜନସାଧାରଣରେ ସଚେତନ‌ତା ସୃଷ୍ଟି ତଥା ଅଞ୍ଚଳରେ ଅପପୃଷ୍ଟିର ମୁକାବିଲା ପାଇଁ ସମ୍ପ୍ରଦାୟର ଯୋଗଦାନରେ ଗଣମାଧ୍ୟମର ଗୁରୁତ୍ଵପୂର୍ଣ୍ଣ ଭୂମିକାକୁ ଆଲୋକିତ କରିବା ଲକ୍ଷ୍ୟ ରଖାଯାଇଥିଲା।

    ଜିଲ୍ଲା ସାମାଜିକ କଲ୍ୟାଣ ବିଭାଗ ଅଧିକାରୀ (ଡିଏସ୍‌ଡବ୍ଲୁଓ) ଶ୍ରୀମତୀ ବିଜୟଲକ୍ଷ୍ମୀ ବେହେରା ସାମ୍ ପରିଚାଳନା ସମ୍ବନ୍ଧୀୟ ଗୁରୁତ୍ବପୂର୍ଣ୍ଣ ତଥ୍ୟକୁ ବ୍ୟାପକ ଦର୍ଶକଙ୍କ ନିକଟରେ ପହଁ ଇବା ପାଇଁ ଗଣମାଧ୍ୟମର ଏକାନ୍ତ ସହଯୋଗ ଉପରେ ଗୁରୁତ୍ବାରୋପ କରି କହିଥିଲେ କନ୍ଧମାଳ ସମ୍ମୁଖୀନ ହେଉଥିବା ସ୍ବାସ୍ଥ୍ୟଗତ ଆହ୍ଵାନ ମଧ୍ୟରୁ ଅପ‌ପୃଷ୍ଟି ହେଉଛି ଅନ୍ୟତମ। ଭାଗିଦାରୀତା ଏବଂ ସଚେତନତା ମାଧ୍ୟମରେ ଆମେ ଆମ ଜିଲ୍ଲାରେ ଅତିଶୟ ପୃଷ୍ଟିହୀନ(ସାମ୍-ଏସ୍ଏଏମ୍) ରୋଗକୁ ଯଥେଷ୍ଟ ହ୍ରାସ କରିବାକୁ ପ୍ରତିଶ୍ରୁତିବଦ୍ଧ” ।

       ସାମ୍ପ୍ରଦାୟିକ  ହସ୍ତକ୍ଷେପ, ଅଙ୍ଗନବାଡି କେନ୍ଦ୍ରକୁ ମଜବୁତ କରିବା ଏବଂ ପୋଷଣ କାର୍ଯ୍ୟକ୍ରମଗୁଡିକ ସବୁଠୁ ଅସୁରକ୍ଷିତ ପିଲାମାନଙ୍କ ପାଖରେ ପହଁଞ୍ଚାଇବା  ନିଶ୍ଚିତ କରିବାକୁ ସ୍ଥାନୀୟ ସ୍ବାସ୍ଥ୍ୟ ନେଟୱାର୍କକୁ ବ୍ୟବହାର କରିବା ସହ କନ୍ଧମାଳ ଜିଲ୍ଲାରେ ଅତିଶୟ ପୃଷ୍ଟିହୀନ(ସାମ୍-ଏସ୍ଏଏମ୍) ହ୍ରାସ ପାଇଁ ଉଦ୍ଧିଷ୍ଟ ରଣନୀତି ଉପସ୍ଥାପନ କରି ସେ କହିଛନ୍ତି, “ଆମର ଲକ୍ଷ୍ୟ ହେଉଛି କନ୍ଧମାଳର ପ୍ରତ୍ୟେକ ପିଲା ସେମାନଙ୍କର ଜରୁରୀ ପୁଷ୍ଟିକର ଖାଦ୍ୟ ଏବଂ ଚିକିତ୍ସା ପାଇପାରିବେ । ଆମେ ନିଶ୍ଚିତ କରିବାକୁ ଚେଷ୍ଟା କରୁଛୁ ଯେ ସାମ୍-ଏସ୍ଏଏମ୍ ଭବିଷ୍ୟତରେ ଆମ ପିଲାମାନଙ୍କ ପାଇଁ ବିପଦ ହେବ ନାହିଁ ।

        ୟୁନିସେଫ୍ ପୋଷଣ ବିଶେଷଜ୍ଞ ସୌରଭ ଭଟ୍ଟାଚାର୍ଯ୍ୟ ଏହି ଅଧିବେଶନକୁ ଆଗେଇ ନେଇ ଅପ‌ପୁଷ୍ଟି ଏବଂ ସାମ୍-ଏସ୍ଏସ୍ଏମ୍ ପରିଚାଳନା ଉପରେ ଗୁରୁତ୍ବାରୋପ କରି କହିଛନ୍ତି,'ପ୍ରଭାବଶାଳୀ ସାମ୍ ପରିଚାଳନା କ୍ଷୁଧା ଦୂର କରିବା ସହ ସାମଗ୍ରିକ ସ୍ବାସ୍ଥ୍ୟ, ପରିମଳ ଏବଂ ପିଲାମାନଙ୍କ ଶିକ୍ଷାରେ ଉନ୍ନତି ଆଣିବ। ବର୍ତ୍ତମାନ କନ୍ଧମାଳ ଜିଲ୍ଲାରେ ଜୀବନ ରକ୍ଷା କରିବା ଏବଂ ଭବିଷ୍ୟତ ପାଇଁ ସୁସ୍ଥ, ଶକ୍ତିଶାଳୀ ସମ୍ପ୍ରଦାୟ ଗଠନ କରିବା ଆମର ଲକ୍ଷ୍ୟ। ଏହା କେବଳ ଶାରୀରିକ ସୁସୁତା ପାଇଁ ନୁହେଁ ବରଂ ଜ୍ଞାନର ବିକାଶରେ ମଧ୍ୟ ସହାୟକ ହୋଇଥାଏ, ଯାହା ଏହି ଅଞ୍ଚଳର ଦୀର୍ଘସ୍ଥାୟୀ ସମୃଦ୍ଧିର ଏକ ପ୍ରମୁଖ କାରଣ।"

ସଚେତନ‌ତା ସୃଷ୍ଟି ଏବଂ ସଠିକ୍ ସୂଚନା ପ୍ରଦାନକରିବାରେ ଗଣମାଧ୍ୟମର ଭୂମିକା ଏହି ରାଉଣ୍ଡ ଟେବୁଲ୍‌ର ଏକ ମୁଖ୍ୟ ବିଷୟବସ୍ତୁ ଥିଲା। ୟୁନିସେଫ୍ ପ୍ରତିନିଧୀମାନେ ଅପପୃଷ୍ଟିର ମୁକାବିଲା ପାଇଁ ଦାୟିତ୍ଵପୂର୍ଣ୍ଣ ରିପୋର୍ଟ ଏବଂ ଗଣମାଧ୍ୟମ ଯୋଗଦାନରେ ପରିବର୍ତ ନଶୀଳ ସମ୍ଭାବନା ଉପରେ ଗୁରୁତ୍ବାରୋପ କରିଥିଲେ ।

   ଏହି କାର୍ଯ୍ୟକ୍ରମରେ ବିସ୍ତୃତ ଆଲୋଚନା ଏବଂ ପ୍ରଶ୍ନ-ଉତ୍ତର ଅଧିବେଶନ ମଧ୍ୟ ଆୟୋଜିତ ହୋଇଥିଲା, ଯେଉଁଠାରେ ଅଂଶଗ୍ରହଣକାରୀମାନେ ଅନ୍ତର୍ନିହିତ ସମସ୍ୟା ବିଷୟରେ କହିଥିଲେ ଏବଂ କନ୍ଧମାଳର ଅପପୃଷ୍ଟି ଓ ଶିଶୁ ସ୍ବାସ୍ଥ୍ୟ ସମ୍ବନ୍ଧୀୟ ଆହ୍ବାନ ଉପରେ ଆଲୋଚନା କରିଥିଲେ। ଗଣମାଧ୍ୟମ ପ୍ରତିନିଧୂମାନେ ସଚେତନତା ଅଭିଯାନକୁ ସମର୍ଥନ କରିବା ଏବଂ ସାମ୍ ସମସ୍ୟାକୁ ଜନସାଧାରଣଙ୍କ ପାଖରେ ପହଁଇବାକୁ ପ୍ରାଥମିକତା ଦେବା ପାଇଁ ସେମାନଙ୍କ ପ୍ରତିବଦ୍ଧତା ପ୍ରକାଶ କରିଥିଲେ ।

  ଗଣମାଧ୍ୟମ ରାଉଣ୍ଡ ଟେବୁଲ୍ ଭବିଷ୍ୟତର ପଦକ୍ଷେପ ପାଇଁ ମଧ୍ୟ୍ୟ ସ୍ଥିର କରିଛି, ଯାହାକି କନ୍ଧମାଳରେ ଶିଶୁ ଏବଂ ମା ମାନଙ୍କ ପାଇଁ ନିରନ୍ତର ସ୍ବାସ୍ଥ୍ୟ ଉତ୍ତମ ଫଳାଫଳ ସୃଷ୍ଟି କରିବା ପାଇଁ ବହୁ କ୍ଷେତ୍ର ସହଯୋଗର ଗୁରୁତ୍ବକୁ ଦୃଢ କରିବବୋଲି ଆଶା ପ୍ରକଟ କରାଯାଇଛି | ଦେଖାଯାଉ ୟୁନିସେଫ ଓ ଭାଗିଦାରୀ, ମିଡ଼ିଆର କାର୍ଯ୍ୟକାରୀତା ମାଧ୍ୟମରେ ଜନସାଧାରଣ କେତେ ପରିମାଣରେ ସୁଫଳ ପାଇ ପାରୁଛନ୍ତି ତାହା ଆଗାମୀ ଦିନରେ ହିଁ ଜଣା ପଡିବ  |