05-Aug-2024

ବୋଡ଼େନ  (ରାମନାଥ ପଣ୍ଡା) 
ନୂଆପଡା ଜିଲ୍ଲା ବୋଡେ଼ନ ବ୍ଲକ ଅନ୍ତର୍ଗତ ବୋଡ଼େନ ବସ ଷ୍ଟାଣ୍ଡ ପାଖ ବିଦେଶୀ ମଦ ଦୋକାନରୁ ବିଦେଶୀ ମଦ ଚୋରି ଘଟଣାରେ ଆଜି ବୋଡ଼େନ ପୋଲିସ ତିନି ଅଭିଯୁକ୍ତଙ୍କୁ ଗିରଫ କରି  କୋର୍ଟ ଚଲାଣ କରିଛନ୍ତି । ଗତ ୦୧ ତାରିଖ
ରାତ୍ର  ସମୟରେ ବୋଡ଼େନ ବସ ଷ୍ଟାଣ୍ଡ ପାଖ ବିଦେଶୀ ମଦ ଦୋକାନ ର ସିସି ଟିଭି, ହାର୍ଡ ଡିସ୍କ ତଥା ଭେଣ୍ଟିଲେଟରକୁ ଭାଙ୍ଗି ଚୋର ମାନେ ମଦ ଚୋରି କରି ପଳାଇ ଥିଲେ ।  ସକାଳେ  ଦୋକାନ ଖୋଲିବା ପରେ  ଚୋରି ହୋଇଥିବା ଜାଣି ବିଦେଶୀ ମଦ ଦୋକାନ ମ୍ୟାନେଜର ଶ୍ରୀକାନ୍ତ ସାହୁ  ବୋଡେ଼ନ ଥାନାରେ ଏକ ଲିଖିତ ଅଭିଯୋଗ କରିଥିଲେ l ଏହି ଅଭିଯୋଗକୁ ଭିତ୍ତିକରି ବୋଡ଼େନ ଥାନା ଆଇ ଆଇ ସି ଗୋବିନ୍ଦ ମାଝୀ ଙ୍କ ତତ୍ତ୍ଵାବଧାନରେ ତଥା ଇନଭେଷ୍ଟିଗେସନ ଅଧିକାରୀ ରୂପେ ଏସ ଆଇ ଜିତୁ ମହାନନ୍ଦଙ୍କ ସମେତ  ଏସ ଆଇ ମଞ୍ଜୁଲତା ଖାଡଙ୍ଗା, ଏ ଏସ ଆଇ ସୁରତ ମାଝୀ, ଏ ଏସ ଆଇ କେଦାର ମାଝୀ, ଏ ଏସ ଆଇ ଲଳିତ ମୋହନ ନାଏକ,ହାବିଲଦାର  କୃତି ବାସ ପାନ,କନେଷ୍ଟବଳ ଅନନ୍ତ ଶବର ଏବଂ  ସଦ୍ଧାନୀ କୁକୁର  ଘଟଣା ସ୍ଥଳରେ ପହଞ୍ଚି ଛାନଭିନ ପ୍ରକ୍ରିୟା ଆରମ୍ଭକରିଥିଲେ । ଲଗାତାର ଦୁଇଦିନ ଦୁଇରାତି ଏକ କରି ଚୋର ଧରିବା ପାଇଁ ବୋଡ଼େନ ପୋଲିସ କଠିନ ପରିଶ୍ରମ କରି ସଫଳତାର ସହ ଚୋରକୁ ନିଜ ଆୟତ୍ତରେ ଆଣି ପାରିଛନ୍ତି । ଚୋର ଧରିବା ପରେ ସେହି ଚୋର ମାନଙ୍କୁ ଲଗାଇ ବିଭିନ୍ନ ବ୍ରାଣ୍ଡର ୪୧ ଟି  ବିଦେଶୀ ମଦ ବୋତଲ ନିକଟ ଗୁଡ଼ି ବନ୍ଧରୁ ଜବତ କରିଥିଲେ । ଯାହାବି ଚୋରି ହୋଇଥିଲା ତନ୍ମଧ୍ୟରୁ ୩୪,୪୩୦ ଟଙ୍କାର ମଦ ଜବତ ହୋଇ ପାରିଛି ବୋଲି ପୋଲିସ ପକ୍ଷରୁ ଜଣା ପଡିଛି । ଉକ୍ତ ଘଟଣାରେ କେଶ ନମ୍ବର ୧୭୪/ ୨୪  ରୁଜୁକରି ଆଜି ବୋଡେ଼ନ ଗ୍ରାମର ଭାଙ୍ଗଖାଉ ମାଝୀ, ରୁଣ୍ଡି ଗ୍ରାମର ରୁପସିଂ ମାଝୀ ଓ ବିନୋପୁର ଗ୍ରାମର ପିଣ୍ଟୁ ନିଆଳଙ୍କୁ ବୋଡ଼େନ ପୋଲିସ   ଗିରଫ କରି କୋର୍ଟ  ଚାଲାଣ କରିଛନ୍ତି l ବୋଡ଼େନ ପୋଲିସ ଦିନରାତି ଏକ କରି ୪୮ ଘଣ୍ଟା ମଧ୍ୟରେ ବଡ଼ ସଫଳତା ହାସଲ କରି ପୋଲିସ ବିଭାଗର ନାମ ରଖିଛନ୍ତି ।