16-Jul-2024

ତରଭା(କପିଳାସ ସେଠ):  ପ୍ରସିଦ୍ଧ ତରଭା ଦଧିବାବନ (ଜଗନ୍ନାଥ) ମହାପ୍ରଭୁ ମାଉସି ମନ୍ଦିରରୁ ବାହାରି ରାସ୍ତାରେ ଅଟକି ରହିଛନ୍ତି I ନବମୀ ଦଶମୀ ନୀତିକାନ୍ତି, ଆଳତି ପୁଝାରୀ ମାନଙ୍କ ଦ୍ୱାରା କରାଯିବା ପରେ ଅଂଚଳର ପରମ୍ପରା, ନୀତି ଅନୁଯାୟୀ ଅନ୍ତର୍ଡIର ଉପାୟନ ଭୋଗ ଲାଗିବା ପରେ ମହାପ୍ରଭୁଙ୍କ ରୀତିନୀତି ଅନୁଯାୟୀ ମୁଖ୍ୟପୂଜକ ସତ୍ୟ ନାରାୟଣ ପୂଜାରୀଙ୍କ ଦ୍ୱାରା ଆଳତି ଲାଗି ହେବା ପରେ  ଦଶହଜାରରୁ ଉର୍ଦ୍ଧ ଭକ୍ତ ଉପସ୍ଥିତ ରହି ମହାପ୍ରଭୁ ଦଧିବାବନଙ୍କ ପହଣ୍ଡି କରାଯାଇଥିଲା I ମହାପ୍ରଭୁଙ୍କୁ ପହଣ୍ଡିରେ ନେବା ସମୟରେ ଗୋପାଳକୃଷ୍ଣ ମିଶ୍ର ଓ ଶାନ୍ତନୁ ପଣ୍ଡାଙ୍କ ଦ୍ୱାରା ହାତୀ ଝୁଲଇରେ ହାତୀ ଝୁଲଇ ଗୀତ ଓ ଘଣ୍ଟଶଙ୍ଖ,  ତାଳେତାଳେ ହରିବୋଲ,ହୁଳହୁଳି ଧୂନିରେ ଶ୍ରୀମନ୍ଦିର ପାଇଁ  ପହଣ୍ଡି ବିଜେ କରାଯାଇଥିଲା I ପରେଶ ପୂଜାହାରୀ, ସତ୍ୟ ପୁଝାରୀ, ସଞ୍ଜୟ ମିଶ୍ର, ସୁଧୀର ପୁଝାରୀ, ବିଜୟ ମିଶ୍ର, ସୁରେନ୍ଦ୍ର ବେଜ, ଆଶିଷ ମିଶ୍ର, ବିକ୍ରମ ମିଶ୍ର, ସୋମ୍ୟରଞ୍ଜନ ପାଣିଗ୍ରାହୀ, ମାନସ  ପଣ୍ଡା, ଅଭିଷେକ ପାଣିଗ୍ରାହୀ, ଦେବବ୍ରତ ପଣ୍ଡା ପ୍ରମୁଖ ସେବାୟତଙ୍କ ଦ୍ୱାରା ପହଣ୍ଡ କରାଯାଇଥିଲା I ତରଭା ରଥଯାତ୍ରା ପରିଚାଳନା କମିଟି ସଭାପତି ରତନଲାଲ ଅଗ୍ରୱାଲ ଛେରା ପହଁରା କରି ଥିଲେ I ମହାପ୍ରଭୁଙ୍କ ଆଳତି ପରେ ସନ୍ଧ୍ୟା ୬.୩୦ ରେ ରଥଟଣା ଆରମ୍ଭ ହୋଇଥିଲା I କିଛି ଦୂର ଗଲା ପରେ ରାସ୍ତାରେ ମହାପ୍ରଭୁ ଅଟକି ରହି ବୁଦ୍ଧ ଅବତାରରେ ଭକ୍ତଙ୍କୁ ଦର୍ଶନ ଦେଇଥିଲେ I ଅଞ୍ଚଳର ନିଆରା ପରମ୍ପରା ନେଇ ଶହ ଶହ ଶିଶୁ ମାନଙ୍କୁ ଜଗନ୍ନାଥ ଛୁଆଁ କାର୍ଯ୍ୟକ୍ରମ ଭକ୍ତଙ୍କ ଦ୍ୱାରା କରାଯାଇଥିଲା I ଦଧିବାବନଙ୍କ ପହଣ୍ଡି ସମୟରେ ହଜାର ହଜାର ଭକ୍ତଙ୍କ ଉପସ୍ଥିତ ଥିବା ବେଳେ ନାମକୁ ମାତ୍ର ପୋଲିସ ଅଧିକାରୀ ଉପସ୍ଥିତ ରହିଥିବା ବେଳେ ଚାରିଚକିଆ ଯାନ, ବାଇକ ଭିଡରେ ଧସେଇ ପଶି ଆସୁଛନ୍ତି I ତାଙ୍କୁ ଆକଟ କରିବା ପାଇଁ କେହିନାହିଁ  I ଫଳରେ ରଥ ପାଖରେ ନାହିଁ ନ ଥିବା ଅସୁବିଧା ସୃଷ୍ଟି ହେଉଛି I ଗୋଟିଏ ପଟରେ ସାଧାରଣ ଭକ୍ତଙ୍କୁ ଆକଟ କରାଯାଉଛି ହେଲେ ଯାନବାହନ ପ୍ରତି କୌଣସି ପ୍ରତିବନ୍ଧକ ହେଉନଥିବାର ଦେଖାଯାଉଛି I ଫଳରେ ଟ୍ରାଫିକ ବ୍ୟବସ୍ଥା ଫେଲ୍ ମାରୁଛି  I ଏ ସମ୍ପର୍କରେ ଆଇଆଇସି ଓ ସେଠାରେ ଉପସ୍ଥିତ ଥିବା ଅଧିକାରୀଙ୍କ ଦୃଷ୍ଟିକୁ ଅଣାଯାଇଥିଲା  I ତରଭା ଦଧିବାବନଙ୍କ ବାହୁଡ଼ାଯାତ୍ରା ଆହୁରି ତିନି ଦିନ ଯାତ୍ରା ରହିଛି I ରଥ ପାଖରେ ଟ୍ରାଫିଜ ସମସ୍ୟା ସୁଧାର କରିବାପାଇଁ ଦାବୀ ହେଉଛି I ତରଭା ବାହୁଡ଼ାଯାତ୍ରାର ଦ୍ୱିତୀୟ ଦିନରେ ବର୍ଣ୍ଣାଢ୍ଯ  ଓ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ସୁନାରୀପଡା ଓ ପଣ୍ଡିରା ମାଳି ସମାଜ, କୁମ୍ଭାର ପଡା, ବଜରଙ୍ଗ ଦଳ ପକ୍ଷରୁ ଉପାୟନ ଭୋଗ ଲାଗିଲା ପରେ ରଥଟଣା ଆରମ୍ଭ ହୋଇ ଥିଲା I ସନ୍ଧ୍ୟା ହେବା ପରେ ସହର ବାଳକ ହାଇସ୍କୁଲ ନିକଟରେ ରଥ ଅଟକି ରହିଛି I  ତରଭା ବ୍ଲକ ର କମସରା, ବାଲିଖମାର, କଟାପାଳି, ପାଣିମୁ୍ରା, ନୁଆଁପାଳି, ମେଣ୍ଡା, ଦେଉଳପଦର, ରାଜ ପାଳି, ପୁଆ ସମେତ ବହୁ ଗ୍ରାମରେ ବାହୁଡ଼ାଯାତ୍ରା ଅନୁଷ୍ଠିତ ହୋଇ ଯାଇଛି I