20-Jun-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ପଲଶାଗୋରା ଗ୍ରାମପଞ୍ଚାୟତ ଅନ୍ତର୍ଗତ ବଘିଆବାହାଲ ଡାକ ଘର ଛକ ୪୧ ନମ୍ବର ରାଜ୍ୟ ରାଜପଥ ଠାରୁ ଝିଙ୍କରପାଲି ଗ୍ରାମକୁ ସଂଯୋଗ କରୁଥିବା ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ର ଅବସ୍ଥା ଶୋଚନୀୟ ହୋଇପଡିଛିl ୨୦୧୭ମସିହାରେ ବୌଦ୍ଧ ଗ୍ରାମ୍ୟ ଉନ୍ନୟନ ବିଭାଗ (ଆରଡ଼ି) ଦ୍ୱାରା ତିନି କିଲୋମିଟର ନଅଶ ମିଟରରାସ୍ତା ନିର୍ମାଣ କରାଯାଇଥିଲାl ବଘିଆବାହାଲ ଗାଁ ମୁଣ୍ଡ ବରଗଛ ତଳ ରାସ୍ତା ଠାରୁ ଝିଙ୍କରପାଲିଗ୍ରାମ ପର୍ଯ୍ୟନ୍ତ ପ୍ରାୟ ଅଧିକାଂଶ ସ୍ଥାନରୁ ପିଚୁ ଉଠିଯିବା ପରେ ରାସ୍ତାରେ ଦିଆଯାଇଥିବା ମେଟାଲ, ଚିପ୍ସ ଓ ବଜରୀ ଉଠି ରାସ୍ତା ଉପରେ ଗଦାହୋଇ ରହୁଛି l ଫଳରେ ବିଭିନ୍ନ ସମୟରେ ରାସ୍ତା ଉପରେ ମୋଟର ସାଇକେଲ, ସାଇକେଲ ଆଦି ଭାରସାମ୍ୟ ହରାଇ ଦୁର୍ଘଟଣା ମାନ ଘଟୁଛି l ଏ ବିଷୟରେ ପୂର୍ବରୁ ବିଭିନ୍ନ ଗଣମାଧ୍ୟମ ରେ ଖବର ପ୍ରକାଶ ପାଇବା ପରେ ମଧ୍ୟ ବିଭାଗୀୟ ଅଧିକାରୀ କୌଣସି ପଦକ୍ଷେପ ନେଉନଥିବାରୁ ରାସ୍ତା ଉପରେ ନିର୍ଭରଶୀଳ ଜନସାଧାରଣ ଙ୍କ ମଧ୍ୟ ରେ ଅସନ୍ତୋଷ ଦେଖାଦେଇଛି l ଜିଲ୍ଲାପ୍ରଶାସନତଥା ଗ୍ରାମ୍ୟ ଉନ୍ନୟନ ବିଭାଗ( ଆରଡି )ବୌଦ୍ଧ ଦୃଷ୍ଟି ଦେବାକୁ ସାଧାରଣ ରେ ଦାବି ହେଉଛି l