19-Dec-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ପଂଚାୟତ ସମିତି କାର୍ଯ୍ୟାଳୟ ପରିସରରେ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି l ଏହି କାର୍ଯକ୍ରମ ରେ ମୁଖ୍ୟଅତିଥି ଭାବରେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ ଯୋଗ ଦେଇଥିଲେ l ସମ୍ମାନିତ ଅତିଥି ଭାବରେ  ଜିଲ୍ଲାପରିଷଦ ସଭ୍ୟା ଜୋନ ୨ ର ଶ୍ରୀମତୀ ବିଣାପାଣି ଦାସ୍, ବ୍ଲକ ଉପାଧ୍ୟକ୍ଷା ନିରୁପମା ପଧାନ, ଡିଏସଏସଓ ମଦନଜିତ ହୋତା, ଆଗଲପୁର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ କୁଲଦୀପ ମହାନ୍ତି,  ସବ୍ ଡିଭିଜନାଲ ସୋସିଆଲ ସୁରକ୍ଷା ଅଧିକାରୀ ସୁମିତ୍ରା ଖୋରା ପ୍ରମୁଖ ଉପସ୍ଥିତ ଥିଲେ l ସର୍ବ ପ୍ରଥମେ ଅତିଥି ମାନଙ୍କ ଦ୍ଵାରା ଶିବିର ରେ ଭୀମ ଭୋଇ ଙ୍କ ପ୍ରତିମୂର୍ତ୍ତି ରେ ଦୀପ ପ୍ରଜ୍ବଳନ କରି ଶିବିରକୁ ଉଦ୍ଘାଟନ କରା ଯାଇଥିଲା।ଓ ପରେ ପରେ ଏକ ସଭା ଅନୁଷ୍ଠିତ ହୋଇଥିଲା l

ଆଗଲପୁର ବ୍ଲକ ର ଭାରପ୍ରାପ୍ତ ଗୋଷ୍ଠି ସାମାଜିକ ସୁରକ୍ଷା ଅଧିକାରୀ ଶ୍ରୀ ସୁଶାନ୍ତ ମହାକୁର କାର୍ଯ୍ୟ କୁ ସଂଯୋଜନା କରିଥିବା ବେଳେ ମଞ୍ଚ ପରିଚାଳନା କରିଥିଲେ ଯୁବ ସମାଜସେବୀ ସରୋଜ ମହାକୁର l ବୃଦ୍ଧବୃଦ୍ଧାଙ୍କ ପାଇଁ ଭ୍ରାମ୍ୟମାଣ ଚିକିତ୍ସା ସେବା ପଲ୍ଲୀ ଆଲୋକ ପାଠାଗାର ନଗାଁ (ଖ) ତରଫରୁ ଏକ ଷ୍ଟଲ୍ ଖୋଲି ଚିକିତ୍ସା ଯୋଗାଉ ଥିବାର ଦେଖିବାକୁ ମିଳିଥିଲା l ଏହି ଭିନ୍ନକ୍ଷମ ସାମର୍ଥ୍ୟ ଶିବିର କୁ ବହୁ ଭିନ୍ନକ୍ଷମ ଯୁବକ, ଯୁବତୀ, ବୃଦ୍ଧ, ବୃଦ୍ଧା, ଛୋଟ ଛୋଟ ଶିଶୁ ଆସି ନିଜ ନିଜ ର ନାମ ପଞ୍ଜିକରଣ କରି ଡାକ୍ତରଙ୍କ ପରାମର୍ଶ ନେଉଥିବାର ଦେଖିବାକୁ ମିଳିଥିବା ବେଳେ ବହୁ ଦୂର ଦୁରାନ୍ତରୁ ଭିନ୍ନକ୍ଷମ ମାନେ ଲମ୍ଭା ଲାଇନ ରେ ଛିଡ଼ାହୋଇ ନିଜ ନିଜ ସମସ୍ୟା ବିଷୟରେ ଜଣାଇବାକୁ ଅପେକ୍ଷା କରି ଥିବାର ଦେଖିବାକୁ ମିଳିଥିଲା l ଏହି ଭିନ୍ନକ୍ଷମ ସାମର୍ଥ୍ୟ ଶିବିରରେ ସର୍ବମୋଟ  340  ଜଣ ଭିନ୍ନକ୍ଷମ ବ୍ୟକ୍ତି ନାମ ପଞ୍ଜିକରଣ କରିଥିବା ର ସୁଚନା ମିଳିଛି l