19-Dec-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ଷ୍ଟାଡିୟମ୍‌ ଠାରେ ସ୍ଥାନୀୟ ପଞ୍ଚାୟତ ସମିତି ଆନୁକୁଲ୍ୟରେ ନୂଆ -ଓ ଯୁବ ଓଡ଼ିଶା ନବୀନ ଓଡିଶା କାର୍ଯ୍ୟକ୍ରମର ବ୍ଲକ ସ୍ତରୀୟ କ୍ରୀଡା ର ଉଦଯାପନୀ ଉତ୍ସବ ମହା ସମାରୋହ ରେ ଅନୁଷ୍ଠିତ ହୋଇଯାଇଛି l ଗତ ୧୫ ତାରିଖ ରୁ ଚାଲିଥିବା ଏହି କ୍ରୀଡା ଉତ୍ସବ ସଫଳତା ର ସହ ସମାପ୍ତ ହୋଇଛି l ଏହି ବ୍ଲକ ସ୍ତରୀୟ କ୍ରୀଡା ଉତ୍ସବ ରେ କ୍ରିକେଟ, ଫୁଟବଲ, ଭଲିବଲ, କବାଡି, ଖୋ ଖୋ ଖେଳ ଅନୁଷ୍ଠିତ ହୋଇଥିବା ବେଳେ ସର୍ବମୋଟ ୩୨ ଟି ଦଳ ଅଂଶଗ୍ରହଣ କରିଥିଲେ l ଉଦଯାପନୀ ଦିବସ ରେ ଅନୁଷ୍ଠିତ ବିଭିନ୍ନ ଖେଳ ଯଥା କ୍ରିକେଟ ରେ ତଲିଉଡ଼lର ଦଳ ଚମ୍ପିୟନ ହୋଇଥିବା ବେଳେ ଫୂଟବଲ ରେ ଲୋଇସିଂହା ର ବୁଢାଦେଓ ଫୂଟବଲ ଦଳ, କବାଡି ରେ ମା ଦୁର୍ଗା କବାଡି ଦଳ, ଭଳିବଲ ରେ କୁଶଙ୍ଗ ଦଳ ଚାମ୍ପିୟନ ହୋଇଥିଲା l ଲୋଇସିଂହା ବି ଡ଼ି ଓ ଶ୍ରୀଯୁକ୍ତ ଯୁଧିଷ୍ଠିର ମେହେର ଙ୍କ  ସଭାପତିତ୍ୱ ରେ ଅନୁଷ୍ଠିତ ପୁରସ୍କାର ବିତରଣ କାର୍ଯ୍ୟକ୍ରମ ରେ ଅତିଥି ଭାବେ ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ଜୋନ ୩୩ ର ଜିଲ୍ଲା ପରିଷଦ ସଭ୍ୟା ଶ୍ରୀମତୀ ଲିଲିମା ବେହେରା, ଲୋଇସିଂହା ସରପଞ୍ଚ ନବକିଶୋର ନାଏକ, ବିଜେଡ଼ି ରାଜ୍ୟ ପରିଷଦ ସଦସ୍ୟ ଶ୍ରୀଯୁକ୍ତ ନିହାର ରଞ୍ଜନ ବେହେରା, ଲୋଇସିଂହା ବିଜେଡି ବ୍ଲକ ସଭାପତି ହୃଦାନନ୍ଦ ବେହେରା, ରମାକାନ୍ତ ବିଶ୍ୱାଳ ପ୍ରମୁଖ ଯୋଗ ଦେଇ ବିଜେତା ଓ ଉପ ବିଜେତା ଦଳ କୁ ପୁରସ୍କୃତ କରିଥିଲେ  l ପରେ ଅନୁଷ୍ଠିତ ରଙ୍ଗାରଙ୍ଗ କାର୍ଯ୍ୟକ୍ରମ ରେ ଲୋଇସିଂହା ର ସୁରସଙ୍ଗମ ର କଳାକାର ମାନଙ୍କ ଦ୍ୱାରା ରସରକେଲି, ମାଏଲା ଜଡ଼ ନୃତ୍ୟ ଦର୍ଶକ ଙ୍କୁ ମୁଗ୍ଧ କରିଥିଲା l ଆଜିର ସମସ୍ତ କାର୍ଯ୍ୟକ୍ରମ କୁ ଏ ବି ଡ଼ି ଓ ବିଜୟ କୁମାର ହୋତା, ଜିପିଓ କିଶୋର ମାନସିଂହ ପରିଚାଳନା କରିଥିବା ବେଳେ ଶେଷରେ ବ୍ଲକ ଯୋଗାଣ ଅଧିକାରୀ ସୋମ୍ୟରଞ୍ଜନ ମହାନନ୍ଦ ଧନ୍ୟବାଦ ଅର୍ପଣ କରିଥିଲେ l