13-Dec-2023

ବଲାଙ୍ଗୀର  :  ଆଜି ସ୍ଥାନୀୟ ପ୍ୟାଲେସ୍ ଲାଇନ୍ ଦୁର୍ଗାମଣ୍ଡପଠାରେ ବଲାଙ୍ଗୀର ବ୍ରାହ୍ମଣ ମହାସଭାର ସଭ୍ୟସଂଗ୍ରହ ବୈଠକ ସଭାପତି ଧନଞ୍ଜୟ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ସଂଗଠନ ସମ୍ପାଦକ ନରେନ୍ଦ୍ର ଆଚାର୍ଯ୍ୟଙ୍କ ଆବାହକତ୍ବରେ ଅନୁଷ୍ଠିତ ଏହି ବୈଠକରେ ସହରର  ବିଭିନ୍ନ ବର୍ଗର ସମ୍ମାନୀୟ ବୟୋଃଜ୍ୟଷ୍ଠ , ଯୁବ ଓ ଉତ୍ସାହୀ ଶତାଧିକ ବ୍ରାହ୍ମଣ ଯୋଗଦେଇଥିଲେ । ଆଗାମୀ ମେ ୧୦ରେ ହେବାକୁ ଥିବା ପର୍ଶୁରାମ ଜୟନ୍ତୀରେ ସହସ୍ରାଧିକ ସଂଖ୍ୟାରେ ସଭ୍ୟସଂଗ୍ରହ କରାଯାଇ ଏକ ଭବ୍ୟ ଶୋଭାଯାତ୍ରା ସହିତ ଯୁବକମାନଙ୍କୁ ନେଇ ପର୍ଶୁରାମ ବାହିନୀ ଓ ମହିଳାମାନଙ୍କୁ ନେଇ ଦୁର୍ଗାବାହିନୀ ଓ ବରିଷ୍ଠମାନଙ୍କୁ ନେଇ ଉପଦେଷ୍ଟାମଣ୍ଡଳୀର ଶାଖାଗଠନ କରାଯିବା ସହିତ ଅନ୍ୟାନ୍ୟ ପ୍ରସ୍ତାବଗୁଡିକ ସମ୍ପର୍କରେ ଆଲୋଚନା କରାଯାଇଥିଲା । ଶେଷରେ ଶ୍ୟାମ ସୁନ୍ଦର ଦାଶ ଧନ୍ୟବାଦ ଅର୍ପଣ କରିଥିଲେ ।